చెత్త, వ్యర్థాల తొలగింపు

‘ఈనాడు’ కథనానికి స్పందన

శుభ్రం చేసిన ప్రాంతాన్ని పరిశీలిస్తున్న వెనిగండ్ల గ్రామ కార్యదర్శి విజయవర్ధిని తదితరులు

జిల్లాపరిషత్తు(గుంటూరు), న్యూస్‌టుడే: జిల్లాలోని పెదకాకాని మండలం వెనిగండ్ల గ్రామ సరిహద్దులో రోడ్డు పక్కన ఉన్న చెత్త, వ్యర్థాలను పంచాయతీ పారిశుద్ధ్య సిబ్బంది తొలగించారు. స్వచ్ఛ సంకల్పం నినాదమేనా? అనే శీర్షికతో ‘ఈనాడు’లో గురువారం ప్రచురితమైన కథనానికి పంచాయతీ సర్పంచి వేల్పుల శ్రావణి, కార్యదర్శి విజయవర్ధిని స్పందించి పారిశుద్ధ్య కార్మికులను పంపి చెత్త, వ్యర్థాలను తొలగింపజేశారు. అనంతరం అక్కడికి వెళ్లి పరిశీలించారు. రోడ్డుకు కుడి వైపు భాగం పెదకాకాని గ్రామ పంచాయతీ పరిధిలోకి రావడంతో పారిశుద్ధ్య పనులను పరిశీలించారు. పెదకాకాని పంచాయతీ అధికారుల దృష్టికి తీసుకెళ్లి బాగు చేయించారు. ప్రజలు చెత్త వేస్తే అపరాధ రుసుం విధిస్తామన్నారు. త్వరలో మొక్కలు నాటతామన్నారు. ప్రజలు హరిత రాయబారులకు తడి, పొడి చెత్తను ఇచ్చి స్వచ్ఛ గ్రామం ఏర్పాటుకు సహకరించాలని కోరారు.