Anantapur: గోరుముద్ద తీరు చూడు జగనన్నా!

పురం పాఠశాలలో కుళ్లిన కోడిగుడ్లు

జగనన్న గోరుముద్ద పథకం కింద ప్రభుత్వ పాఠశాలలకు సరఫరా చేస్తున్న కోడిగుడ్లు కుళ్లిపోతుండటంతో మధ్యాహ్న భోజనం నిర్వాహకులు వాటిని చెత్తపాలు చేస్తున్నారనడానికి నిదర్శనం ఈ చిత్రం. శ్రీసత్యసాయి జిల్లా హిందూపురం పట్టణ పరిధి ఎంజీఎం మున్సిపల్‌ ఉన్నత పాఠశాలలో కుళ్లిన 200 కోడిగుడ్లను మంగళవారం చెత్తలో వేసి నిప్పటించారు. ఏజెన్సీల నిర్వాహకులు నాసిరకం, కాలం చెల్లిన వాటిని సరఫరా చేస్తుండటంతో నిల్వచేసిన కొన్ని రోజులకే కోడి గుడ్లు కుళ్లి దుర్వాసన వస్తుండటంతో పడేస్తున్నారు. ఎంఈవో ఏహెచ్‌ గంగప్ప ‘న్యూస్‌టుడే’తో మాట్లాడుతూ కుళ్లిపోయిన కోడిగుడ్ల స్థానంలో నాణ్యమైనవి అందిస్తామన్నారు.

 న్యూస్‌టుడే, హిందూపురం అర్బన్‌