తిరుమలలో కర్ణాటక యువకుడి హల్‌చల్‌

శ్రీవారి ఆలయం ఎదుట కాంగ్రెస్‌ పార్టీ నాయకురాలి ఫొటోతో కార్యకర్త

తిరుమల, న్యూస్‌టుడే : బెంగళూరు దక్షిణ లోక్‌సభ నియోజకవర్గం కాంగ్రెస్‌ పార్టీ ఎంపీ అభ్యర్థి సౌమ్యారెడ్డి గెలవాలని ఆపార్టీ కార్యకర్త నాగేంద్ర ఆమె ఫొటోతో శ్రీవారి ఆలయం ఎదుట గురువారం హల్‌చల్‌ చేశాడు. తమ నాయకురాలు భారీ మెజార్టీతో గెలవాలని శ్రీవారిని ఆకాంక్షిస్తున్నానని వీడియో, ఫొటోలు తీసుకున్నాడు. ఇంత జరుగుతున్నా అక్కడున్న సెక్యూరిటీ సిబ్బంది అతడిని నిలువరించలేదు. రాజకీయ పార్టీల జెండాలు, చిహ్నాలు, ఫొటోలు శ్రీవారి ఆలయం వద్దకు తీసుకురావడం నిషేధం. అయినా ఫొటోతోపాటు తిరుమలకు చేరుకుని ప్రచారం చేయడంపై భక్తులు అసహనం వ్యక్తం చేస్తున్నారు.