దళ కమాండర్‌కు 3 ఏళ్లు జైలు శిక్ష, 10 వేల జరిమానా

ఇల్లందు గ్రామీణం: ఇల్లందు మండలం కొమరారంలో 2018 సంవత్సరంలో పోలీసుల వాహనాల తనిఖీల్లో అనుమానాస్పద స్థితిలో పట్టుబడిన ఖమ్మం జిల్లా సింగరేణి మండలానికి చెందిన భోగి భద్రయ్య వద్ద ఒక రివాల్వర్ పట్టుబడింది. అతనిని విచారించగా దళ కమండర్‌గా పోలీసులు గుర్తించారు. శుక్రవారం ఇల్లందు న్యాయస్థానంలో జరిగిన విచారణలో జ్యూడిషయల్ ఫస్ట్ క్లాస్ మేజిస్ట్రేట్ కీర్తి చంద్రిక రెడ్డి భద్రయ్యకు 3 సంవత్సరాల జైలు శిక్ష, పదివేల రూపాయల జరిమాన విధించారు. నేరస్తుడికి శిక్ష పడే విధంగా కృషి చేసిన పబ్లిక్ ప్రాసిక్యూటర్ శ్రీనివాస్, రచితను, కోర్ట్ కానిస్టేబుల్ రామారావు, సీఐలు రవీందర్, దారం సురేశ్‌, ఎస్సైలు ప్రవీణ్ కుమార్, సోమేశ్వర్లను జిల్లా ఎస్పీ అభినందించారు.