సోమశిలలో అడుగంటిన జలం

అనంతసాగరం, న్యూస్‌టుడే: జిల్లా వరదాయిని సోమశిల జలాశయంలో నీటి నిల్వలు రోజు రోజుకూ అడుగంటుతున్నాయి. భవిష్యత్తు అవసరాలు దృష్టిలో పెట్టుకోకుండా అధికారులు తీసుకున్న అనాలోచిత నిర్ణయాలు.. జలాశయంలో నీటి లీకేజీలతో ఉన్న కొద్దిపాటి నీరు వృథా అవుతున్న పరిస్థితి.. జిల్లావాసులకు తాగునీటి కష్టాలు తీసుకొచ్చాయి. జలాశయంలో ప్రస్తుతం 8.3 టీఎంసీల నీరు ఉండగా- ఆలస్యంగా సాగు చేసిన పంటలకు ఈ నెలాఖరు వరకు నీటిని పంపిణీ చేయాలని ఉన్నతాధికారుల నుంచి ఆదేశాలు అందాయి. అదే జరిగితే.. నీటి నిల్వ డెడ్‌ స్టోరేజీ 7.5 టీఎంసీల కంటే మరింత దిగజారే అవకాశం ఉందన్న ఆందోళన వ్యక్తమవుతోంది. ఈ సంకటస్థితి ఇలాగే కొనసాగితే.. మే నెలలో తాగునీటి ఇబ్బందులు తప్పవేమోనన్న ఆందోళన వ్యక్తమవుతోంది.