మీ పిల్లల భవిష్యత్తు కోసం తెదేపాను గెలిపించండి

కలెక్టరేట్‌: మీ పిల్లల భవిష్యత్తు బాగుండాలంటే తెదేపా అధికారంలోకి రావాలని నెల్లూరు రూరల్ తెదేపా ఎమ్మెల్యే అభ్యర్థి కోటంరెడ్డి శ్రీధర్‌ రెడ్డి అన్నారు. నియోజకవర్గ పరిధిలోని దొంతాలి గ్రామంలో ఎన్నికల ప్రచారం నిర్వహించారు. ఈ సందర్భంగా మాట్లాడుతూ.. రాజధానిని నిర్మించండం చంద్రబాబుతోనే సాధ్యమవుతుందన్నారు. మే 13న జరగబోయే ఎన్నికల్లో తెలుగుదేశం పార్టీ తరఫున నెల్లూరు పార్లమెంటు సభ్యులుగా పోటీ చేస్తున్న వేమిరెడ్డి ప్రభాకర్ రెడ్డి, నెల్లూరు రూరల్ నియోజకవర్గం నుంచి పోటీ చేస్తున్న నాకు సైకిల్ గుర్తుపై మీ అమూల్యమైన ఓటు వేసి గెలిపించాని కోరారు.