బలమైన రాజకీయశక్తిగా భారాస

జడ్పీ మాజీ ఛైర్మన్‌ సదానందానికి కండువా వేస్తున్న ఎమ్మెల్యే జీవన్‌రెడ్డి

ఆర్మూర్‌, న్యూస్‌టుడే: రానున్న రోజుల్లో దేశంలో బలమైన రాజకీయ శక్తిగా భారాస నిలుస్తుందని ఆర్మూర్‌ ఎమ్మెల్యే జీవన్‌రెడ్డి అన్నారు. మహారాష్ట్రలోని కాందార్‌లోహలో పార్టీ కార్యకర్తల సమీకరణలో భాగంగా పర్యటిస్తూ గురువారం బోధన్‌ ఎమ్మెల్యే షకీల్‌తో కలిసి ఆయన మాట్లాడారు. తెలంగాణ దేశానికే ఆదర్శంగా నిలిచిందని పేర్కొన్నారు. రైతులను ఆదుకోవడంలో సీఎం కేసీఆర్‌ ఎప్పుడూ ముందుంటారని చెప్పారు. మహారాష్ట్రలో పార్టీని విస్తరిస్తామని ఉద్ఘాటించారు. ఈ సందర్భంగా తిరిగి పార్టీలో చేరిన జిల్లా పరిషత్‌ మాజీ ఛైర్మన్‌ గంటా సదానందానికి ఆయన కండువా వేసి ఆహ్వానించారు. మహారాష్ట్రలో మాజీ ఎమ్మెల్యే శంకరన్న దొండ్గే, డాక్టర్‌ యశ్పాల్‌భింగే, సురేశ్‌ గైక్వాడ్‌ తదితరులు భారాసలో భాగస్వాములు అయ్యారని వెల్లడించారు.