Chandrababu: వైకాపా ప్రచార రథం ఢీకొని బాలుడి మృతి విషాదకరం: చంద్రబాబు

అమరావతి: విజయనగరం జిల్లా రాజాం పట్టణంలో వైకాపా ప్రచారరథం ఢీకొని భరద్వాజ్‌ (10) అనే బాలుడు మృతి చెందిన ఘటన అత్యంత విషాదకరమని తెలుగుదేశం అధినేత చంద్రబాబు అన్నారు. సమయానికి 108 అంబులెన్స్‌ రాకపోవడం, బాలుడిని సకాలంలో ఆసుపత్రికి తీసుకెళ్లలేకపోవడం బాధాకరమన్నారు. కన్నూమిన్ను కానరాక ప్రచార రథాన్ని నడిపిన నిర్లక్ష్యం ఒకటైతే.. అత్యవసర పరిస్థితుల్లో అంబులెన్స్‌ అందించలేని వైకాపా పాలనా నిర్లక్ష్యం మరొకటని మండిపడ్డారు. ఈ రెండూ కలిసి ఎంతో భవిష్యత్తు ఉన్న పసివాడి జీవితాన్ని బలితీసుకున్నాయని ఆవేదన వ్యక్తం చేశారు. భరద్వాజ్‌ కుటుంబ సభ్యులకు చంద్రబాబు ప్రగాఢ సానుభూతి తెలిపారు.