రక్తనిధి నిల్వలు పెంచేందుకు చర్యలు

ఒంగోలు గ్రామీణం, న్యూస్‌టుడే: ప్రైవేట్‌ రక్తనిధి బ్యాంక్‌ యజమానులకు తక్షణమే తగు ఆదేశాలు జారీ చేసి రక్తనిధి నిల్వలు పెంపొందించేందుకు చర్యలు తీసుకున్నట్లు డీఎంహెచ్‌వో సురేష్‌కుమార్‌ తెలిపారు. ‘జిల్లాలో రక్తం లేదు’ శీర్షికన బుధవారం ‘ఈనాడు’లో ప్రచురితమైన కథనానికి వైద్యాధికారులు స్పందించారు. ప్రస్తుతం ఎన్నికలు, వేసవి కాలం దృష్ట్యా రక్తదానం చేసే దాతల సంఖ్య గణనీయంగా తగ్గినట్లు చెప్పారు. మరోపక్క కళాశాలలకు వేసవి సెలవుల నేపథ్యంలో దాతలు అందుబాటులో లేకపోవడం దీనికి ఓ కారణమన్నారు. ఎన్నికలు ముగిసిన దృష్ట్యా రక్తనిల్వలు పెంచేందుకు చర్యలు తీసుకున్నట్లు ఆయన పేర్కొన్నారు.