రౌడీషీటర్ల బైండోవర్‌

శ్రీకాకుళం నేరవార్తావిభాగం, న్యూస్‌టుడే: ఓట్ల లెక్కింపునకు సమయం దగ్గర పడుతుండటంతో జిల్లాలో శాంతిభద్రతలపై పోలీసు శాఖ అప్రమత్తమైంది. ప్రతి పోలీసుస్టేషన్‌ పరిధిలో రౌడీషీటర్ల కదలికలపై దృష్టి సారించింది. శ్రీకాకుళం నగరం ఒకటో పట్టణ పోలీసు స్టేషన్‌ పరిధిలో 36 మంది, రెండో పట్టణ పోలీసు స్టేషన్‌ పరిధిలో 40 మందిని బైండోవర్‌ చేశారు. ఎన్నికల ఫలితాలు విడుదలయ్యే రోజున పెచ్చుమీరి వ్యవహరిస్తే కఠిన చర్యలు తీసుకుంటామని హెచ్చరించారు. జిల్లా వ్యాప్తంగా మూడు వేల మందికి పైగా బైండోవర్‌ చేసినట్లు సమాచారం. మరోవైపు ఎక్కడా అవాంఛనీయ  ఘటనలు జరగకుండా కేంద్ర బలగాలు పహారా కాస్తున్నాయి.