మందులు ఉన్నా మాయరోగం

టెక్కలి సచివాలయంలో చెత్తకుప్పలో ఔషధాలు

టెక్కలి పట్టణం, న్యూస్‌టుడే : అనారోగ్య పరిస్థితుల్లో ఉన్న పేద రోగులను ఆదుకోవడానికి ప్రభుత్వం ఉచితంగా అందిస్తున్న మందులు కొందరి నిర్లక్ష్యం వల్ల ఇలా చెత్తకుప్పలోకి చేరుతున్నాయి. టెక్కలిలోని సచివాలయం-2 వద్ద రోగులకు అందించాల్సిన మందుల్ని బ్లీచింగ్‌ బస్తాల పక్కన నిర్లక్ష్యంగా పడేయడం స్థానికంగా చర్చనీయాంశమైంది. జ్వరాలు, కీళ్లనొప్పులు, అలెర్జీలు ఇతర సమస్యలకు ప్రభుత్వం అందించిన మాత్రలు, సిరప్‌లకు మరో ఏడాది గడువున్నా సిబ్బంది ఇలా నిర్లక్ష్యంగా పడేశారు. ఈవిషయాన్ని కె.కొత్తూరు ప్రాథమిక ఆరోగ్యకేంద్రం వైద్యాధికారిణి లక్ష్మీప్రసన్న దృష్టికితీసుకెళ్లగా అక్కడి ఏఎన్‌ఎం గోనె సంచిలో ఉంచిన మందుల్ని సిబ్బంది ఎవరో చెత్తబుట్టలో పడేసి వెళ్లిపోయారని, ఇలాంటివి పునరావృతంకాకుండా చర్యలు చేపడతామన్నారు.