22న నరసన్నపేటలో మహాగళార్చన

శుభ పత్రికలను ఆవిష్కరిస్తున్న భజగోవిందం సభ్యులు

నరసన్నపేట, న్యూస్‌టుడే: నూతన సంవత్సరాదిని పురస్కరించుకొని మహాగళార్చన కార్యక్రమంలో భక్తులంతా పాల్గొనాలని భజగోవిందం సేవాసమితి కోరింది. నరసన్నపేటలోని వెంకటేశ్వరాలయంలో సోమవారం భజగోవిందం సమితి మహాగళార్చన ఏర్పాట్లపై సమావేశమయ్యారు. ఈనెల 22న సాయంత్రం వెంకటేశ్వరాలయ ప్రాంగణంలో మహాగళార్చన నిర్వహిస్తున్నామన్నారు. గత 12 ఏళ్లుగా సామూహిక గోవింద నామస్మరణతో మహాగళార్చన నిర్వహిస్తున్నామన్నారు. ఈ సమావేశంలో భజగోవిందం సమితి గౌరవాధ్యక్షులు స్వామిబాబు, కార్యదర్శి లక్ష్మణరావు, సభ్యులు అచ్చెన్న, భాస్కరరావు, నీలం, తదితరులు పాల్గొన్నారు.