అటల్‌ కమ్యూనిటీ ఉత్సవాలు

సబ్బవరం, నూన్యస్‌టుడే: సబ్బవరం డాక్టర్‌ బీఆర్‌ అంబేడ్కర్‌ గురుకుల కళాశాలలో అటల్‌ కమ్యూనిటీ డే ఉత్సవాలు అటల్‌ ఇన్‌ఛార్జి టి.రాంబాబు ఆధ్వర్యంలో శుక్రవారం ఘనంగా జరిగాయి. ప్రిన్సిపల్‌ సీహెచ్‌వీ సత్యారావు అధ్యక్షతన జరిగిన కార్యక్రమంలో ఎంఈవో బీఎస్‌ఎన్‌ మూర్తి ముఖ్య అతిథిగా హాజరయ్యారు. ఈ సందర్భంగా పలు గురుకులాల విద్యార్థులు వివిధ నమూనాలను ప్రదర్శించారు. సబ్బవరం ప్రభుత్వ హైస్కూల్‌, కేజీ బీవీల విద్యార్థులు పాల్గొన్నారు. కార్యక్రమంలో వైస్‌ ప్రిన్సిపల్‌ చిరంజీవి, ఉపాధ్యాయులు జానకిరామ్‌, ప్రభాకర్‌, తిరుపతిరావు, మోహన్‌రావు, తదితరులు ఉన్నారు.