కూటమి మ్యానిఫెస్టోతో ఏ కోణంలోనూ సరితూగని వైకాపా మ్యానిఫెస్టో

ఐదేళ్ల వైకాపా అరాచక పాలనలో తీవ్ర విధ్వంసానికి గురైన వ్యవస్థల్ని గాడిన పెట్టేలా.. అభివృద్ధి, సంక్షేమాల మధ్య సమతూకం పాటిస్తూ, సమాజంలో అన్ని వర్గాలకూ సముచిత ప్రాధాన్యమిస్తూ తెదేపా, జనసేన విడుదల చేసిన ఉమ్మడి మ్యానిఫెస్టోకు ప్రజల నుంచి విశేష స్పందన లభిస్తోంది. ఈ మ్యానిఫెస్టో ఎన్డీయే పార్టీల నాయకులు, కార్యకర్తల్లో జోష్‌ నింపగా.. వైకాపా మ్యానిఫెస్టోపై ఆ పార్టీ నాయకులే పెదవి విరుస్తున్నారు. తెదేపా-జనసేన మ్యానిఫెస్టోతో పోలిస్తే వైకాపా మ్యానిఫెస్టో తేలిపోయిందన్న భావన వివిధ వర్గాల్లో వ్యక్తమవుతోంది.

మహిళలు

తెదేపా-జనసేన ఉమ్మడి మ్యానిఫెస్టో

•  19-59 ఏళ్ల వయసున్న ప్రతి మహిళకు నెలకు రూ.1,500
•  బడికి వెళ్లే ప్రతి విద్యార్థికి ఏడాదికి రూ.15,000 (ఒక తల్లికి ఎంత మంది పిల్లలుంటే అందరికీ)
•  డ్వాక్రా సంఘాలకు రూ.10 లక్షల వరకు వడ్డీలేని రుణాలు
•  మహిళలకు ఉచిత బస్సు ప్రయాణం
•  ప్రతి ఇంటికి ఏడాదికి ఉచితంగా 3 గ్యాస్‌ సిలిండర్లు
•  మహిళా ఉద్యోగులకు వసతి సదుపాయం

వైకాపా మ్యానిఫెస్టో

•  45-60 ఏళ్ల వయసున్న ఎస్సీ, ఎస్టీ, బీసీ, మైనారిటీ మహిళలకు ఏటా రూ.18,750. కాపు, ఈబీసీ మహిళలకు ఏటా రూ.15 వేలు.
•  పిల్లల్ని బడికి పంపించే తల్లికి (ఒక్క బిడ్డకు మాత్రమే) ఏటా రూ.17,000. (ఇందులో పాఠశాల, మరుగుదొడ్ల నిర్వహణ నిధి పేరిట రూ.2 వేల మినహాయింపు)
•  డ్వాక్రా సంఘాలకు రూ.3 లక్షల వరకూ వడ్డీ లేని రుణాలు

పింఛన్లు

తెదేపా-జనసేన ఉమ్మడి మ్యానిఫెస్టో

•  ఈ ఏప్రిల్‌ నుంచే నెలకు రూ.4 వేల పింఛను (జులై నెలలో మూడు నెలల (ఏప్రిల్‌, మే, జూన్‌) బకాయిలు కలిపి ఒకేసారి రూ.7 వేలు చెల్లింపు)
•  ఎస్సీ, ఎస్టీ, బీసీ, ముస్లిం మైనారిటీలకు 50 ఏళ్లకే పింఛను
•  దివ్యాంగులకు రూ.6 వేలు
•  కిడ్నీ, తలసీమియా వంటి దీర్ఘకాలిక వ్యాధిగ్రస్థులకు రూ.10 వేలు

వైకాపా మ్యానిఫెస్టో

•  పింఛను రూ.3 వేలే. కొత్తగా ఏమీ పెరగదు. 2028 జనవరి నుంచి నెలకు రూ.3,250, 2029 జనవరి నుంచి రూ.3,500 చెల్లిస్తారు. దివ్యాంగులకూ ఇదే పరిస్థితి.
• దీర్ఘకాలిక వ్యాధిగ్రస్థులకు రూ.10 వేలు

బీసీ సంక్షేమం

తెదేపా-జనసేన ఉమ్మడి మ్యానిఫెస్టో

•  బీసీల రక్షణకు ప్రత్యేక చట్టం
•  బీసీ సబ్‌ప్లాన్‌ ద్వారా ఐదేళ్లలో రూ.లక్షన్నర కోట్ల ఖర్చు
•  స్థానిక సంస్థలు, నామినేటెడ్‌ పదవుల్లో 34% రిజర్వేషన్లు
•  స్వయం ఉపాధికి ఐదేళ్లలో రూ.10 వేల కోట్ల ఖర్చు
•  రూ.5,000 కోట్లతో ఆదరణ పథకం పునరుద్ధరణ
•  తోట చంద్రయ్య, అమర్నాథ్‌గౌడ్‌, జల్లయ్య యాదవ్‌, పాల సుబ్బారావు లాంటి బీసీలను హత్య చేసిన వైకాపా గూండాలకు శిక్ష పడేలా చర్యలు
•  గీత కార్మికులకు మద్యం దుకాణాల్లో 10% కేటాయింపు
•  క్వారీల్లో వడ్డెరలకు 15% రిజర్వేషన్‌.. రాయల్టీ, సీనరేజ్‌ల్లో మినహాయింపు
•  స్వర్ణకారుల అభివృద్ధికి కొత్తగా కార్పొరేషన్‌ ఏర్పాటు
•  దేవాలయాల్లో పనిచేసే నాయీబ్రాహ్మణులకు నెలకు రూ.25 వేల గౌరవ వేతనం
•  సెలూన్లకు 200 యూనిట్ల ఉచిత విద్యుత్తు

వైకాపా మ్యానిఫెస్టో

•  సొంత దుకాణాలున్న నాయీబ్రాహ్మణులు, టైలర్లు, రజకులకు ఏటా రూ.10 వేల సాయం
•  కులవృత్తిదారులు, చిరువ్యాపారులకు రూ.15 వేలు వడ్డీ లేని రుణం. సక్రమంగా చెల్లించే వారికి ఐదేళ్లలో రూ.20 వేలకు పెంపు
•  దేవాలయాల్లో పనిచేసే నాయీబ్రాహ్మణులకు నెలకు రూ.20 వేల గౌరవ వేతనం, సెలూన్లకు 200 యూనిట్ల ఉచిత విద్యుత్తు కొనసాగింపు
•  సామాజిక భవనాల నిర్మాణానికి ప్రత్యేక నిది

రైతులు

తెదేపా-జనసేన ఉమ్మడి మ్యానిఫెస్టో

•  ప్రతి రైతుకు ఏటా రూ.20 వేల చొప్పున ఐదేళ్లలో రూ.లక్ష ఆర్థిక సాయం
•  రైతులకు 9 గంటల నాణ్యమైన ఉచిత విద్యుత్తు సరఫరా
• రైతు కూలీలకు కార్పొరేషన్‌ స్థాపించి రాయితీలు, సంక్షేమ పథకాల   అమలు
• బిందు సేద్యానికి 90 శాతం సబ్సిడీ
• గోపాలమిత్రల పునర్నియామకం దిశగా చర్యలు
• అన్ని జోన్లలో ఆక్వా రైతులకు యూనిట్‌ విద్యుత్‌ రూ.1.50కే సరఫరా  
• ట్రాన్స్‌ఫార్మర్ల ధరల తగ్గింపు, సబ్సిడీపై ఏరియేటర్లు

వైకాపా మ్యానిఫెస్టో

• రైతుభరోసా కింద ఏటా రూ.16 వేల చొప్పున ఐదేళ్లలో రూ.80 వేలు
• గత ఐదేళ్లలో అమలు చేసిన పథకాలు, కార్యక్రమాల కొనసాగింపు  

ముస్లిం మైనార్టీల సంక్షేమం

తెదేపా-జనసేన ఉమ్మడి మ్యానిఫెస్టో

• ఇమామ్‌లకు ప్రతి నెలా రూ.10 వేలు, మౌజన్‌లకు రూ.5 వేల గౌరవవేతనం
• విజయవాడ సమీపంలో హజ్‌హౌస్‌ నిర్మాణం
• నూర్‌బాషా కార్పొరేషన్‌ ఏర్పాటు చేసి ఏటా రూ.100 కోట్ల కేటాయింపు
• మైనారిటీ కార్పొరేషన్‌ ద్వారా రూ.5 లక్షల వరకు వడ్డీలేని రుణాలు
• మసీదు నిర్వహణకు ప్రతి నెల రూ.5 వేల ఆర్థిక సహాయం
• హజ్‌ యాత్రకు వెళ్లే ఒక్కో ముస్లింకు రూ.లక్ష సహాయం

వైకాపా మ్యానిఫెస్టో

• ఇమామ్‌లకు ప్రతి నెలా రూ.10 వేలు, మౌజన్‌లకు రూ.5 వేల గౌరవవేతనం కొనసాగింపు
• ప్రార్థనా స్థలాల నిర్వహణకు ప్రత్యేక నిది

డ్రైవర్ల సంక్షేమం

తెదేపా-జనసేన ఉమ్మడి మ్యానిఫెస్టో

• బ్యాడ్జ్‌ కలిగిన ఆటో, ట్యాక్సీ డ్రైవర్లకు, హెవీ లైసెన్స్‌ కలిగిన లారీ, టిప్పర్‌ డ్రైవర్లకు ఏటా రూ.15 వేలు
• డ్రైవర్లను యజమానులను చేసే లక్ష్యంతో వాహనాల కొనుగోలుకు 5% వడ్డీతో రూ.4 లక్షల రుణం
• అన్ని వర్గాల డ్రైవర్లకు ప్రమాద, ఆరోగ్య బీమా
• డ్రైవర్ల సాధికార సంస్థ ఏర్పాటు
• డ్రైవర్ల పిల్లలకు విద్యా రుణాలు, ఇతర సంక్షేమ కార్యక్రమాలు
• జీవో 21 రద్దు చేసి, జరిమానాల భారం తగ్గింపు
• వాహనాలపై పెంచిన హరిత పన్ను తగ్గింపు

వైకాపా మ్యానిఫెస్టో

• ఆటో, ట్యాక్సీ, సొంత టిప్పరు/లారీ నడిపే వారికి ఏడాదికి రూ.10 వేలు  
• ఆటో, ట్యాక్సీ, లారీ కొనుగోలు కోసం 6 శాతం వడ్డీతో రూ.3 లక్షల వరకు రుణం
• రూ.10 లక్షల వరకు ప్రమాద బీమా
• ఆరోగ్యబీమా ప్రస్తావన లేదు.

వైద్యం- ఆరోగ్య, ప్రమాద బీమా

తెదేపా-జనసేన ఉమ్మడి మ్యానిఫెస్టో

• దేశంలోనే తొలిసారిగా రాష్ట్రంలో ప్రతి కుటుంబానికి రూ.25 లక్షల ఆరోగ్య బీమా
• సహజ మరణానికి రూ.5 లక్షలు, ప్రమాదవశాత్తు మరణిస్తే రూ.10 లక్షల బీమా
• అన్ని మండల కేంద్రాల్లో జన ఔషధ కేంద్రాల ఏర్పాటు
• బీపీ, షుగర్‌ వంటి ఆరోగ్య సమస్యలకు ఉచితంగా జనరిక్‌ మందులు

వైకాపా మ్యానిఫెస్టో

• ఆరోగ్యశ్రీ ద్వారా రూ.25 లక్షల వరకు ఉచిత వైద్యం
• సహజ మరణానికి రూ.లక్ష, ప్రమాదవశాత్తూ మరణించినా, శాశ్వత వైకల్యం పొందినా రూ.5 లక్షల సాయం
• గిగ్‌ వర్కర్స్‌కు రూ.5 లక్షల ప్రమాద బీమా
• హృద్రోగ బాధితులకు విశాఖ, గుంటూరు, కర్నూలుల్లో వైద్య హబ్‌లు
• ఆరోగ్య ఆసరా, నాడు-నేడు సహా గత ఐదేళ్లలో అమలు చేసిన కార్యక్రమాలు, పథకాల కొనసాగింపు 

గృహనిర్మాణం

తెదేపా-జనసేన ఉమ్మడి మ్యానిఫెస్టో

• ఇళ్ల నిర్మాణం కోసం పేదలకు పట్టణాల్లో 2, గ్రామాల్లో 3 సెంట్ల నివాస స్థలం
• ఇప్పటికే నివాస స్థలం మంజూరైనా పట్టాలు పొందనివారికి ప్రభుత్వం తరఫున పక్కా ఇళ్ల నిర్మాణం

వైకాపా మ్యానిఫెస్టో

• కొత్తగా దరఖాస్తు చేసుకున్నవారికి నివాస స్థలం (ప్రస్తుతం పట్టణాల్లో 1, గ్రామాల్లో 1.50 సెంట్ల నివాస స్థలం ఇస్తున్నారు.)
• అసంపూర్తిగా మిగిలిపోయిన 10 లక్షల ఇళ్ల నిర్మాణం పూర్తి  
• మధ్య తరగతికి దశలవారీగా పట్టణాల్లో ఎంఐజీ లేఅవుట్ల అభివృద్ధి
• ఇంటి నిర్మాణానికి పావలా వడ్డీకే రూ.35 వేల రుణం. ఉచితంగా ఇసుక, తక్కువ ధరకే నిర్మాణ సామగ్రి

విద్యార్థులు

తెదేపా-జనసేన ఉమ్మడి మ్యానిఫెస్టో

• విద్యార్థినులకు ‘కలలకు రెక్కలు’ పథకం ద్వారా రుణాలు
• ఎయిడెడ్‌ కళాశాలలు, ప్రైవేట్‌ పీజీ విద్యార్థులకు ఫీజు రీయింబర్స్‌మెంట్‌ పునరుద్ధరణ
• కాలేజీలకే రుసుము చెల్లించి విద్యార్థులకు సర్టిఫికెట్‌ చిక్కులు లేకుండా చర్యలు
• రాష్ట్రంలో అనేక స్కూళ్లు మూతపడటానికి కారణమైన జీవో 117 రద్దు, మూతపడిన పాఠశాలల పునఃప్రారంభం
• డాక్డర్‌ అంబేడ్కర్‌ విదేశీ విద్య పథకం పునరుద్ధరణ
• ఎన్డీయే ప్రభుత్వం తెచ్చిన 10% రిజర్వేషన్ల అమలు. ఐదేళ్లకోసారి ఆర్థిక సర్వే చేసి రిజర్వేషన్ల అమలు

వైకాపా మ్యానిఫెస్టో

• ప్రభుత్వ బడుల్లో ఫ్యూచర్‌ స్కిల్‌ ఎక్స్‌పర్ట్‌లుగా ఇంజినీరింగ్‌ విద్యార్థులు. వారికి నెలకు రూ.12 వేలు స్టైపెండ్‌, క్రెడిట్‌లు
• పారిశ్రామిక అవసరాలకు అనుగుణంగా విద్యార్థులను తీర్చిదిద్దటం
• కోర్టు కేసులను అధిగమించి 18 విశ్వవిద్యాలయాల్లో 3,295 అధ్యాపక పోస్టుల భర్తీ
• విదేశీ విద్యా దీవెన, నాడు-నేడు, 8వ తరగతి విద్యార్థులకు ఏటా ట్యాబ్‌ల పంపిణీ కొనసాగింపు 

యువత - ఉపాధి

తెదేపా-జనసేన ఉమ్మడి మ్యానిఫెస్టో

• మొదటి సంతకం మెగా డీఎస్సీపైనే
• ఏటా జాబ్‌ క్యాలెండర్‌ విడుదల
• యువతకు 20 లక్షల ఉద్యోగాలు
•  నెలకు రూ.3 వేల నిరుద్యోగ భృతి

వైకాపా మ్యానిఫెస్టో

• క్రమం తప్పకుండా గ్రూప్‌-1, గ్రూప్‌-2 పోటీ పరీక్షల నోటిఫికేషన్లు. యూపీఎస్సీ తరహాలో పరీక్షలు
• రాష్ట్రంలో 175 స్కిల్‌ హబ్‌లు, 26 స్కిల్‌ డెవలప్‌మెంట్‌ కాలేజీలు, తిరుపతిలో నైపుణ్య విశ్వవిద్యాలయం అభివృద్ధి
• వాటిలో నైపుణ్య శిక్షణ పొందేవారికి పెయిడ్‌ ఇంటర్న్‌షిప్‌గా నెలకు అబ్బాయిలకు రూ.2,500, అమ్మాయిలకు రూ.3 వేలు
• విశాఖపట్నంలో స్టార్టప్‌ హబ్‌

ఎస్సీ, ఎస్టీ సంక్షేమం

తెదేపా-జనసేన ఉమ్మడి మ్యానిఫెస్టో

• జిల్లాల వారీగా వర్గీకరణ అమలు  
• సబ్‌ప్లాన్‌ నిధులు వారి అభివృద్ధికే ఖర్చు
• ఏజెన్సీల్లో ఆదివాసీ ఉపాధ్యాయుల నియామకం జీవో 3 పునరుద్ధరణ
• ప్రస్తుత ప్రభుత్వం రద్దు చేసిన ఎస్సీ, ఎస్టీ సంక్షేమ పథకాల పునరుద్ధరణ
• డాక్టర్‌ సుధాకర్‌, డ్రైవర్‌ సుబ్రహ్మణ్యం, మంత్రూ బాయ్‌, డాక్టర్‌ అచ్చెన్న తదితరుల హత్యకు కారకులైన వారికి కోర్టుల్లో శిక్షలు పడేలా చర్యలు
• ఎస్సీ, ఎస్టీ బ్యాక్‌లాగ్‌ పోస్టుల భర్తీ 

వైకాపా మ్యానిఫెస్టో

 మొత్తం జనాభాలో కనీసం 50 శాతం దళితులు లేదా దళితుల జనాభా 500కు పైగా ఉన్న ఆవాసాలను పంచాయతీలుగా ఏర్పాటు

మత్స్యకారుల సంక్షేమం

తెదేపా-జనసేన ఉమ్మడి మ్యానిఫెస్టో

• వేట విరామ సమయంలో మత్స్యకారులకు రూ.20 వేల ఆర్థిక సాయం
• మత్స్యకారుల ఉపాధిని దెబ్బతీసే జీవో 217 రద్దు
• బోట్ల మరమ్మతులు, ఆధునిక కమ్యూనికేషన్‌కు ఆర్థిక సాయం

వైకాపా మ్యానిఫెస్టో

 వేట విరామ సమయంలో మత్స్యకారులకు రూ.10 వేల ఆర్థిక సాయం

చేనేత కార్మికుల సంక్షేమం

తెదేపా-జనసేన ఉమ్మడి మ్యానిఫెస్టో

•  ప్రతి చేనేత కుటుంబానికి ఏటా రూ.24 వేల ఆర్థిక సాయం
•  చేనేత ఉత్పత్తులపై జీఎస్టీ తిరిగి చెల్లింపు
•  పవర్‌లూమ్‌లకు 500 యూనిట్లు, హ్యాండ్లూమ్‌లకు 200 యూనిట్ల ఉచిత విద్యుత్తు

వైకాపా మ్యానిఫెస్టో

 మగ్గం ఉన్న చేనేత కుటుంబానికి మాత్రమే ఏటా రూ.24 వేలు- ఈనాడు, అమరావతి