కూటమి అభ్యర్థుల గెలుపునకు సైనికుల్లా పనిచేయాలి: నమిత

పెదవాల్తేరు, న్యూస్‌టుడే : కూటమి అభ్యర్థుల విజయానికి నాయకులు, కార్యకర్తలు సైనికుల్లా పనిచేయాలని భాజపా నాయకురాలు, నటి నమిత పిలుపునిచ్చారు. లాసన్స్‌బేకాలనీ భాజపా కార్యాలయంలో బుధవారం ఎన్నికల ప్రచారంలో భాగంగా ఆమె హాజరై మాట్లాడుతూ.. సార్వత్రిక ఎన్నికల్లో ఎన్‌.డి.ఎ. కూటమి అభ్యర్థులందరూ అద్భుతమైన విజయాలను నమోదు చేసుకుంటారన్నారు. మోదీపాలన జనరంజకంగా ఉందన్నారు. జిల్లా అధ్యక్షులు మేడపాటి రవీంద్ర ఆధ్వర్యంలో నిర్వహించిన పదాధికారుల సమావేశంలో భాజపా జిల్లా ఇన్‌ఛార్జి పుట్టా గంగయ్య, భాజపా నాయకులు విజయానందరెడ్డి, దామోదరయాదవ్‌, పొలిమేర శ్రీనివాస్‌, రాజా వర్మ, ధానేశ్వరరావు పాల్గొన్నారు.