ఉద్యోగులకు మద్దతుగా తెదేపా నిరసన

బలిజిపేట : ప్రభుత్వం ఉద్యోగులకు ప్రకటించిన పీఆర్సీకి వ్యతిరేకంగా, వారు చేస్తున్న పోరాటానికి మద్దతుగా బలిజిపేటలో తెదేపా నాయకులు నిరసన తెలియజేశారు. బలిజిపేట బస్టాండుకు సమీపంలో ఉన్న ఎన్టీఆర్‌ విగ్రహం వద్ద గురువారం వారంతా నల్లబ్యాడ్జీలు ధరించి వైకాపా ప్రభుత్వానికి వ్యతిరేకంగా నినాదాలు చేశారు. ప్రభుత్వ ఉద్యోగులు చేపడుతున్న దశలవారీ పోరాటానికి తమ సంఘీభావం తెలియజేశారు. కార్యక్రమంలో తెదేపా రాష్ట్ర కమిటీ నాయకులు పెదపాపినాయుడు, మండల నాయకులు వావిలపల్లి రామకృష్ణ, మీసాల మనోహర్‌నాయుడు, మరడ రాజు, చోడిగంజి గణపతి తదితరులు పాల్గొన్నారు.