నిబంధనలు ఉల్లంఘిస్తే కఠిన చర్యలు

ఎస్పీ శబరీష్‌ 

ములుగు టౌన్, న్యూస్‌టుడే: నిబంధనలకు విరుద్ధంగా వాహనాలు, లారీలు నడిపితే కఠిన చర్యలు తీసుకుంటామని ఎస్పీ శబరీష్‌ హెచ్చరించారు. ములుగు జిల్లా పరిధిలో ప్రతి రోజు డ్రంక్‌ అండ్‌ డ్రైవ్‌ పరీక్షలు, వాహన తనిఖీలు నిర్వహిస్తామన్నారు. ఇసుక లారీలు రోడ్డుకు ఇరువైపులా అనుమతి లేకుండా నిలిపితే చట్ట ప్రకారం చర్యలు తీసుకుంటామని తెలిపారు. అధిక లోడుతో వెళ్లినా.. రోడ్డు నియమాలు పాటించకుండా, అతి వేగంతో వాహనాలు నడిపితే ఉపేక్షించమన్నారు. వాహనాలపై కేసులు నమోదు చేసి సీˆజ్‌ చేస్తామని తెలిపారు. ఇప్పటివరకు జిల్లాలో మోటార్‌ వాహన చట్టం ప్రకారం 182 కేసులు నమోదు చేసి రూ.1.65 లక్షలు జరిమానా విధించినట్లు పేర్కొన్నారు.