జీవో ఒకటి రద్దు చేయాలని ధర్నా

ఆందోళన చేస్తున్న వివిధ పార్టీల నాయకులు

ఏలూరు వన్‌టౌన్‌, న్యూస్‌టుడే: రాజ్యాంగం కల్పించిన భావ ప్రకటనా స్వేచ్ఛను హరిస్తూ ప్రభుత్వం తీసుకొచ్చిన జీవో ఒకటిని రద్దు చేయాలని డిమాండ్‌ చేస్తూ గురువారం ఏలూరు పాతబస్టాండ్‌ కూడలిలోని అంబేడ్కర్‌ విగ్రహం వద్ద వివిధ పార్టీలు, కార్మిక సంఘాల నేతలు  ధర్నా నిర్వహించారు. న్యూడెమోక్రసీ జిల్లా అధికార ప్రతినిధి యూవీ, సీపీఐ జిల్లా కార్యదర్శి మన్నవ కృష్ణ చైతన్య, రాష్ట్ర నాయకుడు డేగా ప్రభాకర్‌, సీపీఎం నగర కార్యదర్శి పి.కిశోర్‌, తెదేపా నాయకుడు దాసరి ఆంజనేయులు, ఏఐకేఎంఎస్‌ నేత ప్రకాష్‌, జనసేన నాయకుడు  అప్పలనాయుడు తదితరులు ప్రసంగించారు.