బండిముత్యాలమ్మ సేవలో సుప్రీంకోర్టు న్యాయమూర్తి

అమ్మవారి సన్నిధిలో జస్టిస్‌ వెంకటరామన్‌ రామసుబ్రహ్మణ్యన్‌ దంపతులు

మొగల్తూరు, న్యూస్‌టుడే: పశ్చిమగోదావరి జిల్లా మొగల్తూరు మండలం ముత్యాలపల్లిలో బండిముత్యాలమ్మను శుక్రవారం సుప్రీంకోర్టు న్యాయమూర్తి జస్టిస్‌ వెంకటరామన్‌ రామసుబ్రహ్మణ్యన్‌, సరస్వతి దంపతులు దర్శించుకున్నారు. వారికి ఆలయ అర్చకులు పూర్ణకుంభంతో స్వాగతం పలికారు. జస్టిస్‌ వెంకటరామన్‌ రామసుబ్రహ్మణ్యన్‌ దంపతులు అమ్మవారికి ప్రత్యేక పూజలు చేశారు. ఆలయ ఈవో డి.రామకృష్ణంరాజు, ఛైర్మన్‌ కొల్లాటి రామారావు, పాలకవర్గ సభ్యులు తదితరులు వారికి అమ్మవారి శేషవస్త్రం, ప్రసాదం, జ్ఞాపిక అందించారు. ఆయన వెంట ప్రముఖ న్యాయవాదులు దాసరి ప్రసాద్‌, సీహెచ్‌ వెంకటరామన్‌, గుడిసేవ నరసింహమూర్తి, స్వర్ణం ప్రభాకర్‌ తదితరులు ఉన్నారు.