45 రోజులపాటు శెట్టిపేట, కాల్దరి రైల్వేగేట్ల మూత

నిడదవోలు, న్యూస్‌టుడే: నిడదవోలు - భీమవరం రైల్వే బ్రాంచి లైను డబ్లింగ్‌ పనుల నిమిత్తం నిడదవోలు మండలం శెట్టిపేట, ఉండ్రాజవరం మండలం కాల్దరి రైల్వేగేట్లు (163, 164)ను 45 రోజుల పాటు మూసివేయనున్నట్లు రైల్వే భద్రతా అధికారి వి.నాగేశ్వరరావు శనివారం ఒక ప్రకటనలో తెలిపారు. ఈ మార్గం లో లెవెల్‌ క్రాసింగ్‌ గేట్ల వద్ద రైల్వే అండర్‌ వంతెన పనుల నిమిత్తం ఫిబ్రవరి 10 ఉదయం 8 గంటల నుంచి మార్చి 25వ తేదీ సాయంత్రం 6 గంటల వరకు మూసి ఉంచనున్నట్లు తెలిపారు. ఈ సమయంలో రైల్వే అండర్‌ బ్రిడ్జీలు, అప్రోచ్‌ రహదారి నిర్మాణ పనుల నిమిత్తం ప్రణాళికలు రూపొందించామన్నారు. రెవెన్యూ, పోలీస్‌ తదితర శాఖల అధికారులు ప్రజలకు ఇబ్బందులు కలగకుండా ప్రత్యామ్నాయ మార్గాలపై అవగాహన కల్పించాలని కోరారు.