ఆసుపత్రిలో చీకట్లు... రోగులకు ఇక్కట్లు

న్యూస్‌టుడే, రిమ్స్‌ : సర్వజన ఆసుపత్రిలోని ఓపీ విభాగంలోని రక్త పరీక్షల విభాగం వద్ద విద్యుత్తు దీపాలు వెలడం లేదు. దీంతో రోగులు తీవ్ర ఇబ్బందులు పడుతున్నారు. సాయంత్రం ఆరు నుంచి ఉదయం వరకు క్యాజువాల్టీ, ఐసీయూ, కాన్పుల విభాగాలకు వచ్చే రోగులకు రక్త పరీక్షలు చేయాలంటే ఓపీ విభాగంలో ఉండే  కేంద్రానికి వెళ్లాలి. ప్రమాదాల్లో గాయపడిన వారు, ప్రసవం కోసం వచ్చే వారు అర్థరాత్రి సమయంలో కూడా వస్తారు. ఆ సమయంలో కూడా రోగిని చేర్చి బంధువులు రక్త నమూనాలు తీసుకుని ల్యాబ్‌కు వెళ్లాల్సి ఉంటుంది. ఆ ప్రాంతం మొత్తం చీకటిగా ఉండడంతో   వారు ఆందోళన చెందుతున్నారు. అధికారులు స్పందించి  విద్యుత్తు దీపాలు ఏర్పాటు చేయాలని వారు కోరుతున్నారు. దీనిపై బాధ్యుడు నబీరసూల్‌ మాట్లాడుతూ దీపాలు బాగుచేయించి, రోగులకు ఇబ్బంది లేకుండా చూస్తామని చెప్పారు.