తెదేపాలో చేరిన పగిడాల దస్తగిరి

ప్రొద్దుటూరు వైద్యం, న్యూస్‌టుడే: రానున్న ఎన్నికల్లో తెదేపా అధికారంలోకి రావడం ఖాయమని ఆ పార్టీ ప్రొద్దుటూరు ఎమ్మెల్యే అభ్యర్థి నంద్యాల వరదరాజులురెడ్డి అన్నారు. స్థానిక శ్రీనివాస్‌నగర్‌లోని దస్తగిరి నివాసంలో వరదరాజులురెడ్డి ఆయనకు తెదేపా కండువా కప్పి పార్టీలోకి ఆహ్వానించారు. ఆయన మాట్లాడుతూ.. దస్తగిరి సొంత గూటికి చేరడం సంతోషంగా ఉందన్నారు. చంద్రబాబుతోనే రాష్ట్రం అభివృద్ధి, సంక్షేమం జరుగుతుందని ప్రజలు నమ్ముతున్నారన్నారు. ఈ కార్యక్రమంలో తెదేపా రాష్ట్ర కార్యనిర్వాహక కార్యదర్శి ముక్తియార్‌, కొత్తపల్లె సర్పించి కొనిరెడ్డి శివచంద్రారెడ్డి, కౌన్సిలర్‌ మురళీధర్‌రెడ్డి, నాయకులు ఈవీ సుధాకర్‌రెడ్డి తదితరులు పాల్గొన్నారు.