అతివలే అధికం!

జిల్లాలో మొత్తం ఓటర్లు 16,39,066

అట్లూరులో వరసలో ఓటర్లు (పాతచిత్రం)

జిల్లా సచివాలయం, న్యూస్‌టుడే: జిల్లా అధికార యంత్రాంగం ఓటర్ల తుది జాబితా ప్రచురించింది. నాలుగు నెలల్లోనే 22 వేల మందికిపైగా ఓటర్లు పెరిగారు.  మొత్తం ఏడు అసెంబ్లీ నియోజకవర్గాల్లో 16,16,509 మంది ఓటర్లు ఉండగా, ప్రస్తుతం ఆ సంఖ్య 22,557 మంది కొత్తగా నమోదైనవారితో కలిపి 16,39,066గా నమోదైంది. ఈ ఏడాది జనవరి 22న ముసాయిదా ఓటర్ల జాబితా విడుదల చేశారు. ఈ జాబితా ప్రకారం జిల్లాలో మొత్తం ఓటర్లు మొత్తం ఓటర్లు 16,16,509 మంది ఉండగా, వీరిలో 7,91,108 మంది పురుషులు ఉండగా, 8,25,177 మంది మహిళలు, ఇతరులు 224 మంది ఉన్నారు. తాజాగా వెల్లడించిన తుది జాబితా ప్రకారం ఆ సంఖ్య 16,39,066కి చేరింది. వీరిలో పురుషులు 8,00,857 మంది, మహిళలు 8,37,993 మంది, ఇతరులు 216 మంది ఉన్నారు. ఇందులో పురుషుల కంటే మహిళలే అత్యధికంగా నమోదయ్యారు.