కలసపాడులో 144 సెక్షన్ అమ‌లు

కలస‌పాడు: కలసపాడు మండలంలో సార్వత్రిక ఎన్నికల నేపథ్యంలో ఎస్పీ ఆదేశాల‌ మేర‌కు శనివారం నుంచి ఈనెల 14 వరకు 144 సెక్షన్ అమలులో ఉంటుందని ఎస్ఐ.నాగ మురళి తెలిపారు. శుక్రవారం ఆయన విలేకరులతో మాట్లాడారు. ప్రజలు దుకాణాలు, టీ బంకులు, పెట్రోల్ బంకులు, రచ్చబండలు, హోటళ్లు తదితర ప్రాంతాల్లో గుంపులుగా ఉంటే లాఠీఛార్జి చేయ‌డంతో పాటు కేసులు నమోదు చేస్తామన్నారు. ఎన్నికల నేపథ్యంలో నలుగురు అంతకు అంతకుమించి గుంపు ఉండకూడదని పేర్కోన్నారు.  మండలంలోని రాజుపాలెం, చింతల పల్లెలను సమస్యాత్మక గ్రామాలుగా గుర్తించమన్నారు. అక్కడ పోలింగ్ రోజు భారీ బందోబస్తు ఉంటుందన్నారు. ప్రశాంతంగా ఎన్నికలు జరిగేందుకు ప్రతి ఒక్కరూ సహకరించాలని చెప్పారు.