సిరిసిల్ల: తన లోక్‌సభ నియోజకవర్గానికి ఐదేళ్లలో రూ.12 వేల కోట్ల నిధులు తెచ్చినట్లు కరీంనగర్‌ ఎంపీ బండి సంజయ్‌ తెలిపారు. సిరిసిల్లలో నిర్వహించిన ఎన్నికల ప్రచారంలో ఆయన మాట్లాడారు. ఇక్కడ కాంగ్రెస్‌కు అభ్యర్థులు కూడా లేరని ఎద్దేవా చేశారు. కరోనా వేళ ప్రజలకు అనేక సేవలందించినట్లు చెప్పారు. ఆ సమయంలో భారాస, కాంగ్రెస్‌ నేతలు అసలు బయటకు కూడా రాలేదన్నారు. అప్పుడు 8 మంది భాజపా కార్యకర్తలు కరోనాతో చనిపోయారని చెప్పారు. రైతులకు నష్టపరిహారం కోసం  పోరాడింది తామేనన్నారు. రుణమాఫీ అంశంలో కాంగ్రెస్‌ ప్రభుత్వం రైతులను మోసం చేసిందని బండి సంజయ్‌ ఆరోపించారు.