ఈనాడు, హైదరాబాద్‌: రాష్ట్రంలో కాంగ్రెస్‌ లోక్‌సభ అభ్యర్థుల తుది జాబితాను బుధవారం విడుదల చేసే అవకాశాలున్నాయి. ఖమ్మం, కరీంనగర్‌, హైదరాబాద్‌ నియోజకవర్గాలకు అభ్యర్థులను పార్టీ ఇంకా ప్రకటించలేదు. మంగళవారం జాబితాను విడుదల చేస్తారని అంచనా వేసినా బుధవారానికి వాయిదా వేసినట్లు తెలిసింది. ఖమ్మం అభ్యర్థిపై నిర్ణయానికి రాలేకపోవడం వల్లే జాబితా విడుదలలో ఆలస్యం జరుగుతున్నట్లు సమాచారం. ఈ నియోజకవర్గానికి రఘురామిరెడ్డి పేరు దాదాపు ఖరారైనట్లు రెండురోజులుగా పార్టీలో ప్రచారం జరుగుతోంది. కానీ మరో అభ్యర్థిని పరిశీలించాలని ఒత్తిళ్లు రావడం వల్లే అధికారికంగా ప్రకటించకుండా ఆగినట్లు తెలుస్తోంది. కరీంనగర్‌కు వెలిచాల రాజేందర్‌రావు పేరు దాదాపు ఖరారైనట్లు ఆయన అనుచరులు చెబుతున్నారు. హైదరాబాద్‌కు మహ్మద్‌ వలీ ఉల్లా సమీర్‌ పేరునే పార్టీ పరిశీలిస్తోంది.