కొండపాక గ్రామీణం, న్యూస్‌టుడే: సిద్దిపేట జిల్లా కొండపాక మండల కేంద్రానికి చెందిన ఉమ్మడి మెదక్‌ డీసీసీబీ ఛైర్మన్‌ చిట్టి దేవేందర్‌రెడ్డి భారాసను వీడారు. హైదరాబాద్‌లో సీఎం రేవంత్‌రెడ్డి సమక్షంలో గజ్వేల్‌ మాజీ ఎమ్మెల్యే నర్సారెడ్డి ఆధ్వర్యంలో మంగళవారం కాంగ్రెస్‌ కండువా కప్పుకొన్నారు. ఆయన భార్య, కొండపాక మండలం సర్పంచుల ఫోరం మాజీ అధ్యక్షురాలు చిట్టి మాధురితోపాటు సిద్దిపేట జిల్లా సర్పంచుల ఫోరం మాజీ అధ్యక్షుడు ఆరేపల్లి మహదేవ్‌, ఎనిమిది మంది డీసీసీబీ డైరెక్టర్లు, ఒక పీఏసీ డైరెక్టర్‌, ఐదుగురు మాజీ సర్పంచులు, ఇద్దరు మాజీ ఉపసర్పంచులు, కొండపాక, కుకునూరుపల్లి మండలాలకు చెందిన పలువురు భారాస నాయకులు కాంగ్రెస్‌ పార్టీలో చేరారు.