హైదరాబాద్‌, న్యూస్‌టుడే: లోక్‌సభ ఎన్నికల నేపథ్యంలో ఇతర పార్టీల నుంచి వచ్చే నాయకుల చేరికలపై కాంగ్రెస్‌ ప్రత్యేక దృష్టి సారించింది.  జాతీయ నాయకత్వం ఆదేశాల మేరకు పీసీసీ బుధవారం ప్రతేక్యంగా ఒక కమిటీ ఏర్పాటు చేసింది. ఇందులో పీసీసీ కార్యనిర్వాహక అధ్యక్షుడు జగ్గారెడ్డి, ఎమ్మెల్సీ మహేశ్‌కుమార్‌గౌడ్‌, కిసాన్‌ కాంగ్రెస్‌ జాతీయ ఉపాధ్యక్షుడు కోదండరెడ్డి ఉన్నారు. కాంగ్రెస్‌లోకి వచ్చే వారిపై ఈ కమిటీ ఆరా తీస్తుంది. వారితో పార్టీ బలపడుతుందని భావిస్తే చేర్చుకుంటుంది. ఈ నెల 25, 26 తేదీల్లో గాంధీభవన్‌లో వివిధ పార్టీల నుంచి చేరికలు ఉంటాయని పీసీసీ వర్గాలు తెలిపాయి.