హైదరాబాద్‌, న్యూస్‌టుడే: లోక్‌సభ ఎన్నికల నేపథ్యంలో గురువారం భాజపాపై కాంగ్రెస్‌ పార్టీ ఛార్జిషీట్‌ విడుదల చేయనుంది. గాంధీభవన్‌లో జరిగే ఈ కార్యక్రమంలో పీసీసీ అధ్యక్షుడు, ముఖ్యమంత్రి రేవంత్‌రెడ్డి, పార్టీ రాష్ట్ర వ్యవహారాల ఇన్‌ఛార్జి దీపా దాస్‌మున్షీ, ఉప ముఖ్యమంత్రి భట్టివిక్రమార్క, మంత్రులు, ఎంపీలు, ఎమ్మెల్సీలు, ఎమ్మెల్యేలుతోపాటు కీలక నాయకులు పాల్గొంటారు. పదేళ్ల భాజపా పాలనలో ఇచ్చిన హామీలు, వైఫల్యాలను ఛార్జిషీట్‌ రూపంలో ప్రజలకు వివరించనున్నారు. గత అసెంబ్లీ ఎన్నికల సమయంలో భారాసపై ఇదే విధంగా ఛార్జిషీట్‌ విడుదల చేసిన విషయం తెలిసిందే.