హైదరాబాద్‌, న్యూస్‌టుడే: కొత్తగూడెం భారాస నేత కోనేరు చిన్ని(సత్యనారాయణ) హస్తం పార్టీలో చేరారు. శనివారం సీఎం రేవంత్‌రెడ్డి నివాసంలో ఆయన సోదరుడు కోనేరు పూర్ణచందరరావు, పెద్ద సంఖ్యలో అనుచరులతో కలిసి కాంగ్రెస్‌ కండువా వేసుకొన్నారు. ఉమ్మడి ఖమ్మం జిల్లా రాజకీయాల్లో మాజీ మంత్రి కోనేరు నాగేశ్వరరావు వారసుడిగా చిన్ని కీలకపాత్ర పోషిస్తున్నారు. తెదేపా భద్రాద్రి జిల్లా అధ్యక్షుడిగా, అనంతరం భాజపా జిల్లా అధ్యక్షుడిగా ఆయన పని చేశారు. ఇటీవల అసెంబ్లీ ఎన్నికల సమయంలో భారాసలో చేరారు. కొద్దిరోజులుగా ఆయన భారాస నాయకత్వంపై అసంతృప్తితో ఉన్నారు.