గోదావరిని మోదీ ఎత్తుకుపోతానంటే రేవంత్ నోరు మెదపరేం?
తెలంగాణ గొంతు కోసి మన బతుకుదెరువైన గోదావరి నదిని ప్రధాన మంత్రి మోదీ తన రాజకీయ ప్రయోజనాల కోసం ఎత్తుకుపోతానంటే చేతకాని రేవంత్రెడ్డి ప్రభుత్వం నోరుమెదపకపోవడంలో మతలబేంటని భారాస అధినేత, మాజీ ముఖ్యమంత్రి కేసీఆర్ ప్రశ్నించారు.
కేసీఆర్ జైళ్లకు భయపడితే తెలంగాణ వచ్చేదా?
స్టేషన్ఘన్పూర్కు త్వరలో ఉప ఎన్నిక ఖాయం
హనుమకొండ రోడ్ షోలో మాజీ సీఎం కేసీఆర్
రాష్ట్రంలో కాంగ్రెస్ పాలనలో రైతు బంధు పోయింది.. కరెంటు బందైంది.. వరికి బోనస్ బోగసే అయింది.. ఇన్ని మోసాలు చేసిన తర్వాత కాంగ్రెస్కుగానీ గోదావరి ఎత్తుకుపోతానన్న భాజపాకు గానీ ఓటేస్తే ఏమవుతుంది? ప్రజల తరఫున కొట్లాడే వారు ఎవరు? అది కేసీఆరే. యుద్ధం చేద్దాం, భారాస ప్రభుత్వంలో మాదిరి మళ్లీ రైతు బంధు రావాలన్నా ప్రజలు నాకు బలం ఇవ్వాలి.
- భారాస అధినేత కేసీఆర్
గోదావరి, కృష్ణాలను కాపాడుకోవాలన్నా, రాష్ట్రానికి ఇవ్వాల్సిన నిధులు రావాలన్నా, మన ప్రాజెక్టులకు జాతీయ హోదా దక్కాలన్నా, నిరుద్యోగ సమస్య తీరి మన బతుకులు బాగుపడాలన్నా కచ్చితంగా రాష్ట్రంలో భారాస అభ్యర్థులే గెలవాలి.
-కేసీఆర్
ఈనాడు, వరంగల్: తెలంగాణ గొంతు కోసి మన బతుకుదెరువైన గోదావరి నదిని ప్రధాన మంత్రి మోదీ తన రాజకీయ ప్రయోజనాల కోసం ఎత్తుకుపోతానంటే చేతకాని రేవంత్రెడ్డి ప్రభుత్వం నోరుమెదపకపోవడంలో మతలబేంటని భారాస అధినేత, మాజీ ముఖ్యమంత్రి కేసీఆర్ ప్రశ్నించారు. ఆదివారం వరంగల్ లోక్సభ నియోజకవర్గ పరిధిలోని హనుమకొండలో భారాస అభ్యర్థి డాక్టర్ మారపల్లి సుధీర్కుమార్ను గెలిపించాలని కోరుతూ రోడ్ షో చేపట్టారు. రాత్రి 8 గంటలకు అంబేడ్కర్ విగ్రహం నుంచి హనుమకొండ చౌరస్తా వరకు ఇది సాగింది. అనంతరం చౌరస్తాలో ప్రజలనుద్దేశించి ప్రసంగించారు. ‘‘మనకున్న ఒకే ఒక నది, మన బతుకుదెరువు గోదావరి. నేడైనా, రేపైనా అదే మనకు జీవనాధారం. మోదీ రాజకీయ ప్రయోజనాల కోసం తెలంగాణ ప్రజల గొంతుకోసి గోదావరి నదిని ఎత్తుకొనిపోతా, తమిళనాడుకిస్తా, కర్ణాటకకు ఇస్తా అని మాట్లాడుతున్నారు. ఓట్ల సమయంలో గోదావరి నదిని తీసుకొనిపోతా అని మోదీ రాష్ట్ర ప్రభుత్వానికి నోటిఫికేషన్ పంపించారు. ప్రాణం పోయినా ఇవ్వబోమని రాష్ట్ర ప్రభుత్వం పంచాయితీ పెట్టాలి. నేనున్నప్పుడు అదే చేశా. ఈ చేతకాని రేవంత్రెడ్డి ప్రభుత్వం నోరుమెదపకుండా ఉంది.
కేంద్రంలో హంగ్ వస్తే మనం కీలకమవుతాం
ఇంతకుముందే కాంగ్రెస్ వాళ్లు కృష్ణానదిని తీసుకుపోయి కేఆర్ఎంబీకి అప్పగించారు. ఈ నదులను ఎవరు కాపాడాలి? ఈ ఎన్నికల్లో దేశవ్యాప్తంగా భాజపాకు 200 సీట్లు దాటే పరిస్థితి లేదు. తెలంగాణలో ఎక్కువ లోక్సభ సీట్లను భారాస గెలిస్తే.. కేంద్రంలో హంగ్ వస్తే అప్పుడు మనం కీలకమవుతాం.
కడియంకు శాశ్వత రాజకీయ సమాధి
కడియం శ్రీహరికి టికెట్ ఇచ్చాం.. ఉపముఖ్యమంత్రి పదవి ఇచ్చాం. ఆయన ఎందుకు పార్టీ మారారు? రాజకీయ జీవితాన్ని ఆయనకు ఆయనే శాశ్వతంగా సమాధి చేసుకుంటున్నారు. మరో మూడు నెలల్లో సుప్రీంకోర్టు తీర్పు ప్రకారం స్టేషన్ఘన్పూర్ నియోజకవర్గానికి ఉప ఎన్నిక రాక తప్పదు.. రాజయ్య ఎమ్మెల్యే కాకతప్పదు. ద్రోహులకు చెప్పే గుణపాఠం అదే.
కవితను భాజపా ప్రభుత్వం జైల్లో పెట్టినా భయపడలేదు
తెలంగాణ వచ్చాక మైనారిటీల కోసం పదేళ్లు ఎంతగా పాటుపడ్డామో మీ అందరికీ తెలుసు. గురుకుల పాఠశాలలు పెట్టి వారి సంక్షేమం కోసం రూ.12 వేల కోట్లు ఖర్చు చేశాం. దేశంలో మరెక్కడా మైనారిటీల కోసం ఇంతలా చేయలేదు. భారాస ఎప్పటికీ సెక్యులర్ పార్టీగానే ఉంటుంది. నా కుమార్తె కవితను భాజపా ప్రభుత్వం జైల్లో పెట్టింది. అయినా మేం భయపడలేదు. ముఖ్యమంత్రి రేవంత్రెడ్డి కేసీఆర్ గుడ్లు పీకి గోలీలు ఆడతామని, పేగులు తీసి మెడలో వేసుకుంటామని మాట్లాడుతున్నారు. నేను పదేళ్లు ముఖ్యమంత్రిగా ఉన్నా. ఇటువంటి మాట నా నోట ఎప్పుడైనా విన్నారా? కేసీఆర్.. నిన్ను తీసుకుపోయి చర్లపల్లి జైల్లో వేస్తా అంటున్నారు. నేనెప్పుడైనా జైళ్లకు భయపడతానా? కేసీఆర్ జైళ్లకు భయపడితే తెలంగాణ వచ్చేదా? ఎన్ని దెబ్బలు తిన్నాం? ఎన్ని నిరాహార దీక్షలు చేశాం? ఎన్నో సార్లు పదవులను ఎడమ కాలి చెప్పులతో సమానంగా భావించి త్యాగాలు చేశాం. తెలంగాణ ఉద్యమం అయిపోలేదు. ఇంకా రాష్ట్రాన్ని చాలా అభివృద్ధి చేయాలి. అభివృద్ధి అంటే ఎలా ఉంటుందో వరంగల్లో కట్టిన 24 అంతస్తుల ఆసుపత్రే నిదర్శనం.
ముఖ్యమంత్రికి తెలంగాణ చరిత్ర తెలియదు
ముఖ్యమంత్రి చాలా చిత్రవిచిత్రమైన మాటలు మాట్లాడుతున్నారు. వరంగల్కు కాళేశ్వరం నీళ్లే రాలేదట. మరి మహబూబాబాద్, డోర్నకల్, పాలకుర్తి, నర్సంపేట, వర్ధన్నపేట, పరకాలల్లో ఎక్కడి నుంచి నీళ్లు వచ్చాయి? అంతకుముందు కాంగ్రెస్ రాజ్యంలో శ్రీరామసాగర్ స్టేజ్-2 అని చెబితే దశాబ్దాలు గడచినా నీళ్లు రాలేదు. తెలంగాణ సాధించుకున్న తర్వాత కష్టపడి కాళేశ్వరం నిర్మించాక పసిడి పంటలు పండాయి. ఈ ముఖ్యమంత్రికి తెలంగాణ చరిత్ర తెలియదు. మొన్న ఎక్కడో మాట్లాడుతూ.. కృష్ణా నది కూడా తానే కట్టానని అన్నారు. ఎవరైనా నది కడతారా? దీనిపై సోషల్మీడియాలో ట్రోలింగ్ చేస్తున్నారు. వారి హామీలు చూసి మోసపోయి ఓట్లేస్తే కేవలం నాలుగైదు నెలలలోనే ఏమైంది? కరెంటు ఎటు పోయింది? సాగునీరు ఎటుపోయింది? పంటలు ఎందుకు ఎండుతున్నాయ్? గత పదేళ్లలో ఇలాంటి దారుణ పరిస్థితులు ఉన్నాయా? ఒక్కటంటే ఒక్క హామీ అమలు చేయలేదు. రైతు బంధు వచ్చిందా? ప్రతి మహిళకు నెలకు రూ.2,500 ఇస్తామన్నారు వచ్చాయా? మనం రెండు దఫాలుగా రూ.30 వేల కోట్లతో రైతు రుణమాఫీ చేశాం. ఈ రాష్ట్రంలో ఏం జరుగుతోంది?
భవన నిర్మాణాలకు అనుమతుల బండారం బయటపెడతాం
నాడు తెలంగాణ వచ్చాక రాష్ట్రంలో భూముల ధరలు బ్రహ్మాండంగా పెరిగాయి. ఈ రంగంపై ఆధారపడ్డ వేల మంది ఇప్పుడు రోడ్లపై పడ్డారు. భవన నిర్మాణాలకు కాంగ్రెస్ ప్రభుత్వం అనుమతులు ఇవ్వడం లేదు. ఎందుకంటే ఇతర రాష్ట్రాల బిల్డర్లు భవనాలు కడితే కాంగ్రెస్కు లంచాలు ఇవ్వాలట.. ఈ బండారమంతా త్వరలో బయటపెడతాం. ఇక ప్రజల్ని మోసం చేసే మరో పార్టీ భాజపా. ఆ పార్టీ ఎజెండాలో ఎక్కడా ప్రజల కష్ట సుఖాలు ఉండవు. అందుకోసం యువత ఆవేశపడకుండా ఆలోచించి ఓటేయాలి’ అని కేసీఆర్ అన్నారు. రోడ్ షోలో జనగామ ఎమ్మెల్యే పల్లా రాజేశ్వర్రెడ్డి, మాజీ మంత్రి ఎర్రబెల్లి దయాకర్రావు, మాజీ ఎమ్మెల్యేలు వినయ్భాస్కర్, రాజయ్య, చల్లా ధర్మారెడ్డి తదితరులు పాల్గొన్నారు. ఎమ్మెల్సీ బస్వరాజు సారయ్య కేసీఆర్ రోడ్ షోలో పాల్గొనలేదు. ఇటీవల ఆయన కాంగ్రెస్ పార్టీలో చేరతారన్న ప్రచారం నేపథ్యంలో ఈ తాజా పరిణామం చోటు చేసుకోవడం గమనార్హం.
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
భారాస ఓట్లు భాజపాకు మళ్లింది 10% లోపే
రాష్ట్రంలో ఇటీవల జరిగిన పార్లమెంటు ఎన్నికల్లో భారాస ఓట్లు భాజపాకు మళ్లింది ఐదు నుంచి పది శాతంలోపే అని పీసీసీ ఎన్నికల మేనేజ్మెంట్ కమిటీ తన తుది నివేదికలో పేర్కొంది. -
కాంగ్రెస్ సోషల్ మీడియా బృందానికి సీఎం రేవంత్రెడ్డి విందు
ముఖ్యమంత్రి రేవంత్రెడ్డి కాంగ్రెస్ సోషల్ మీడియా బృందంతో గురువారం కాసేపు కాలక్షేపం చేశారు. పార్లమెంట్ ఎన్నికలకు ముందు ఆయన గాంధీభవన్లో పార్టీ సామాజిక మాధ్యమ బృందంతో సమావేశమై... అసెంబ్లీ ఎన్నికల్లో బాగా పనిచేశారని ప్రశంసించారు. -
తెలంగాణలో 12 ఎంపీ స్థానాలు భాజపాకే.. నల్గొండలో అత్యధిక మెజార్టీ: ఈటల
తెలంగాణ యువత ప్రధాని మోదీ పాలన పట్ల ఆకర్షితులయ్యారని మాజీ మంత్రి, మల్కాజిగిరి లోక్సభ భాజపా అభ్యర్థి ఈటల రాజేందర్ అన్నారు. -
తెలంగాణలో నిశ్శబ్ద విప్లవం
‘‘పార్లమెంటు ఎన్నికల్లో తెలంగాణలోని అన్ని ప్రాంతాల్లో నిశ్శబ్ద విప్లవం కనిపించింది. మేం కచ్చితంగా డబుల్ డిజిట్ సీట్లు సాధిస్తాం. ఈ ఎన్నికలతో భాజపా ఒక ప్రత్యామ్నాయ శక్తిగా అవతరించబోతోంది. -
కాంగ్రెస్, భారాసలకు దిమ్మదిరిగే తీర్పు రాబోతోంది: బండి సంజయ్
లోక్సభ ఎన్నికల తీర్పుతో కాంగ్రెస్, భారాస నేతల దిమ్మదిరగడం ఖాయమని భాజపా జాతీయ ప్రధాన కార్యదర్శి, కరీంనగర్ ఎంపీ అభ్యర్థి బండి సంజయ్ అన్నారు. -
ఒడిశా ఎన్నికల ప్రచారంలో డిప్యూటీ సీఎం భట్టి విక్రమార్క
కాంగ్రెస్ అగ్రనేత రాహుల్గాంధీతో కలిసి తెలంగాణ ఉప ముఖ్యమంత్రి భట్టి విక్రమార్క బుధవారం ఒడిశాలో ఎన్నికల ప్రచారంలో పాల్గొన్నారు. -
ఆ నియోజకవర్గాల్లో పోలింగ్ అంతంతే..
లోక్సభ ఎన్నికల పోలింగ్లో కొన్ని అసెంబ్లీ సెగ్మెంట్ల పరిధిలో పాత కథే పునరావృతమైంది. పోలింగ్ తక్కువగా నమోదయ్యే 26 అసెంబ్లీ నియోజకవర్గాలపై ఎన్నికల సంఘం (ఈసీ) ప్రత్యేక దృష్టి పెట్టింది. -
భాజపా అబద్ధాలను ప్రచారం చేస్తోంది
పదేళ్ల పాటు దేశాన్ని పాలించిన భాజపా ఏం చేసిందో ఈ ఎన్నికల్లో చెప్పకుండా అబద్ధాలను ప్రచారం చేయడం దురదృష్టకరమని, దీన్ని ప్రజలు గమనించాలని మంత్రి పొన్నం ప్రభాకర్ కోరారు. -
సైలెంట్ ఓటింగ్ భారాసకే అనుకూలం: కేటీఆర్
లోక్సభ ఎన్నికల్లో మెజారిటీ స్థానాల్లో భారాస అభ్యర్థులే విజయం సాధిస్తారని ఆ పార్టీ కార్యనిర్వాహక అధ్యక్షుడు కేటీఆర్ ధీమా వ్యక్తం చేశారు. -
మీరు చెప్పే ప్రేమను పంచడం అంటే ఇదేనా రాహుల్ జీ?: కేటీఆర్
నాగర్కర్నూలు జిల్లాలోని అచ్చంపేటలో తమ పార్టీ నేతలపై కాంగ్రెస్ నాయకులు దాడులు చేశారని.. దీన్ని ఖండిస్తున్నట్లు భారాస కార్యనిర్వాహక అధ్యక్షుడు కేటీఆర్ తెలిపారు. -
రుణమాఫీ చేయకుంటే కాంగ్రెస్లో ‘ఆగస్టు సంక్షోభం’!
లోక్సభ ఎన్నికల్లో భారాస ఒక్క సీటు కూడా గెలిచే పరిస్థితి లేదని, ఆ పార్టీకి డిపాజిట్లు కూడా రావని భాజపా ఓబీసీ మోర్చా జాతీయ అధ్యక్షుడు కె.లక్ష్మణ్ పేర్కొన్నారు. -
కరీంనగర్ ఫలితాలతో భారాస, కాంగ్రెస్లకు షాక్: బండి సంజయ్
కరీంనగర్ లోక్సభ ఫలితాలు కాంగ్రెస్, భారాసలకు షాక్ ఇవ్వబోతున్నాయని భాజపా జాతీయ ప్రధాన కార్యదర్శి బండి సంజయ్ అన్నారు. -
భాజపాకు 12 స్థానాలు ఖాయం: ఈటల
తెలంగాణలో భాజపా శక్తిమంతంగా ఉందని, జూన్ 4న సర్వే సంస్థలకు అందని ఫలితాలు ఉంటాయని ఆ పార్టీ మల్కాజిగిరి లోక్సభ అభ్యర్థి ఈటల రాజేందర్ అన్నారు. -
భారాసను కేసీఆర్ కాంగ్రెస్లో ఎందుకు విలీనం చేస్తారు?
భవిష్యత్తులో కాంగ్రెస్ పార్టీలో భారాస విలీనమవుతుందని భాజపా నేత కె.లక్ష్మణ్ చేసిన వ్యాఖ్యలు ఆయన రాజకీయ అవగాహనారాహిత్యానికి నిదర్శనమని పీసీసీ కార్యనిర్వాహక అధ్యక్షుడు, మాజీ ఎమ్మెల్యే జగ్గారెడ్డి పేర్కొన్నారు. -
సీఎంను కలిసిన లోక్సభ అభ్యర్థులు
లోక్సభ అభ్యర్థులు చామల కిరణ్కుమార్రెడ్డి, వంశీచంద్రెడ్డి, నీలం మధు తదితరులు రేవంత్ను మంగళవారం కలిసి కృతజ్ఞతలు తెలిపారు. -
గిరిజనుల చెంతకే పోలింగ్ కేంద్రం
చెంచుపెంటల్లో ఓటింగ్ పెంచేందుకు అధికారులు చేసిన ప్రయత్నం ఫలించింది. నాగర్కర్నూల్ జిల్లా పదర మండలం లోతట్టు అటవీ ప్రాంతంలో కృష్ణానది తీరంలో ఉన్న గీసగండి చెంచుపెంట గ్రామంలో తొలిసారిగా పోలింగ్ కేంద్రం ఏర్పాటైంది. -
స్ట్రాంగ్ రూంలకు చేరిన ఈవీఎంలు
సాయుధ బలగాల పహారా నడుమ ఎన్నికల బరిలో నిలిచిన అభ్యర్థుల భవితవ్యం భద్రంగా ఉంది. రాష్ట్రంలోని లోక్సభ ఎన్నికల్లో పోలైన ఓట్లకు సంబంధించిన ఈవీఎంలు, వీవీప్యాట్ యంత్రాలను మంగళవారం తెల్లవారుజాము వరకు 44 స్ట్రాంగ్ రూంలలో అధికారులు భద్రపరిచారు. -
నిర్ణయాత్మక శక్తిగా ప్రాంతీయ పార్టీలు
పార్లమెంటు ఎన్నికల్లో దేశంలో ప్రాంతీయ పార్టీలే నిర్ణయాత్మక శక్తిగా మారనున్నాయని భారాస కార్యనిర్వాహక అధ్యక్షుడు కేటీఆర్ పేర్కొన్నారు. -
దేశంలో ఇండియా కూటమిదే విజయం
‘కొన్ని పార్టీలు ఆర్థిక, సామాజిక భావజాలాలను పక్కనపెట్టి రాజకీయాలకు సంబంధం లేని అంశాలను ప్రజల్లోకి జొప్పించి లబ్ధి పొందే ప్రయత్నం చేశాయి.. అయినా, కాంగ్రెస్ మాత్రమే ప్రజాస్వామ్యం కోసం పోరాటాలు చేస్తూ తమ పక్షాన నిలబడుతుందని ప్రజలు గుర్తించారు. -
తెలంగాణలో 65.67% పోలింగ్
తెలంగాణలోని 17 లోక్సభ నియోజకవర్గాల్లో 65.67% పోలింగ్ నమోదైంది. ఇది 2019 లోక్సభ ఎన్నికల(62.72%)తో పోలిస్తే 2.95% ఎక్కువ. -
9-13 స్థానాలు గెలుస్తాం
రాష్ట్రంలో రాజకీయాలు, ఆరోపణల పర్వం ముగిసిందని బుధవారం నుంచి పూర్తిగా వంద శాతం పరిపాలనపైనే దృష్టి సారిస్తామని సీఎం రేవంత్రెడ్డి చెప్పారు.
![img](https://assets.eenadu.net/_assets/_images/banners/general-ele-1.png)
![img](https://assets.eenadu.net/_assets/_images/banners/general-ele-6.png)
![img](https://assets.eenadu.net/_assets/_images/banners/general-ele-7.png)
![img](https://assets.eenadu.net/_assets/_images/banners/general-ele-4.png)
తాజా వార్తలు
-
‘భారతితో వివేకా హత్యకేసు నిందితుడి సెల్ఫీ’.. దానికేం సమాధానం చెబుతారు జగన్?
-
రైళ్ల రీ షెడ్యూల్.. గమ్యాల కుదింపు
-
రైలుబండి.. దొంగలున్నారు జాగ్రత్తండీ
-
ఆటల్లో మనమెక్కడ?ఐదేళ్ల వైకాపా పాలనలో క్రీడలపై తీవ్ర నిర్లక్ష్యం
-
మంచి దొంగ!.. చోరీకొచ్చి.. నీళ్లు తాగి.. డబ్బులు పెట్టి
-
గుడిమెట్ల కొండల్లో వజ్రాల వేట