ముక్కలైన విమానంలోంచి మంటలెందుకు రాలేదంటే!
కొలికోడ్ విమాన ప్రమాదంలో కన్నుమూసిన ఎయిర్ఇండియా పైలట్, కెప్టెన్ దీపక్ సాథె గురించి ఆసక్తికర విషయాలు తెలుస్తున్నాయి కార్గిల్ యుద్ధంలో పాల్గొన్న ఆయన అనుభవం వల్లే నిజానికి భారీ ప్రాణనష్టం తప్పిందని సమాచారం. ప్రమాదాన్ని ముందే పసిగట్టిన ఆయన చాకచక్యంగా విమానం...
మూడు సార్లు విమానాన్ని తిప్పి ఇంధనం ఖాళీ చేసిన పైలట్ దీపక్ సాథె
19 ఏళ్ల వయసులోనే మృత్యువు తప్పించుకున్న వైనం
ఇంటర్నెట్ డెస్క్: కొలికోడ్ విమాన ప్రమాదంలో కన్నుమూసిన ఎయిర్ఇండియా పైలట్, కెప్టెన్ దీపక్ సాథె గురించి ఆసక్తికర విషయాలు తెలుస్తున్నాయి కార్గిల్ యుద్ధంలో పాల్గొన్న ఆయన అనుభవం వల్లే నిజానికి భారీ ప్రాణనష్టం తప్పిందని సమాచారం. ప్రమాదాన్ని ముందే పసిగట్టిన ఆయన చాకచక్యంగా విమానం నుంచి మంటలు రాకుండా అడ్డుకున్నారని అంటున్నారు. దీపక్ సాథె మిత్రుడు, కజిన్, ఎన్హెచ్ఏఐ ఆర్థిక సలహాదారు నీలేశ్ సాథె తన ఫేస్బుక్ ద్వారా పంచుకున్న వివరాలు ప్రస్తుతం వైరల్గా మారాయి.
మంటలు రాకుండా ఇంధనం ఖాళీ?
బహుశా ల్యాండింగ్ గేర్లు పనిచేయలేదేమో! భారత వాయుసేన మాజీ పైలట్ ఇంధనాన్ని పూర్తిగా ఖర్చుచేసేందుకు విమానాశ్రయం చుట్టూ మూడుసార్లు విమానాన్ని తిప్పారు. అదే నిప్పు అంటుకోకుండా కాపాడింది. అందుకే విరిగిపోయిన విమానంలోంచి కనీసం పొగ, దుమ్ము రాలేదు. జారిపోవడానికి ముందే ఆయన విమానం ఇంజిన్లను ఆఫ్ చేశారు. ఆయన పొట్ట ముందుకు వంగింది. విమానం కుడిరెక్క విరిగిపోయింది. పైలట్ ప్రాణాలొదిలి 180 మంది ప్రయాణికులను (అధికారిక సమాచారం ప్రకారం ప్రమాదంలో 18 మంది చనిపోయారు) రక్షించారు.
కొన్ని రోజుల ముందే ఫోన్
వారం రోజుల ముందే ఆయన నాకు ఫోన్ చేశారు. ఎప్పటిలాగే సరదాగా మాట్లాడారు. వందేభారత్ మిషన్ గురించి అడగ్గా అరబ్ దేశాల నుంచి దేశపౌరులను తీసుకొస్తున్నందుకు గర్వంగా ఉందన్నారు. ఆ దేశాలు ప్రజలను రానివ్వడం లేదు కదా మీరు ఖాళీ విమానాలు తీసుకెళ్తున్నారా అని ప్రశ్నించగా ‘లేదు, ఆ దేశాలకు అవసరమైన పండ్లు, కూరగాయలు, ఔషధాలు తీసుకెళ్తాం. విమానాలు ఎప్పుడూ ఖాళీగా వెళ్లవు’ అని చెప్పారు.
19 ఏళ్లప్పుడే ప్రమాదం
ఎయిర్ఫోర్స్లో చేరిన కొత్తలో దీపక్ విమాన ప్రమాదంలో గాయపడ్డారు. అప్పుడాయన వయసు 19 ఏళ్లు ఉండొచ్చు. తలకు దెబ్బలు తగలడంతో ఆరు నెలలు ఆస్పత్రిలోనే ఉన్నారు. ఆయన మళ్లీ విమానం నడుపుతారని ఎవ్వరూ ఊహించలేదు. గట్టి పట్టుదల, అచంచల ఆత్మవిశ్వాసం, ఎగరాలన్న ప్రేమ ఉండటంతోనే ఆయన మళ్లీ పరీక్షలో ఉత్తీర్ణత సాధించారు. నిజంగా అదో అద్భుతమే. కానీ ఇప్పుడాయన కొలికోడ్ ప్రమాదంలో చనిపోయారు. ఒక సైనికుడు ఎప్పుడూ దేశ పౌరులను కాపాడేందుకే ప్రాణాలు అర్పిస్తారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఎన్నికల వేడి.. రైళ్లు ప్రత్యేకమండి
వేసవి సెలవులు వచ్చాయంటే ప్రత్యేక రైళ్లు వేయడం పరిపాటే. కానీ ఈ సారి వాటికి తోడు ఎన్నికలు కూడా వచ్చాయి. -
డ్వాక్రా మహిళలే కీలకం!
జిల్లా వ్యాప్తంగా గ్రామం, వార్డు అనే తేడా లేకుండా అన్నిచోట్లా ‘డ్వాక్రా స్వయం సహాయక సంఘాలు’న్నాయి. వీటిలో వేలాది మంది కొనసాగుతున్నారు. -
నేటి రాశి ఫలాలు.. 12 రాశుల ఫలితాలు ఇలా... (27/04/24)
ఈ రోజు ఏ రాశి వారికి ఎలాంటి ఫలితం ఉంటుంది. డాక్టర్ శంకరమంచి శివసాయి శ్రీనివాస్ అందించిన నేటి రాశి ఫలాల వివరాలు. -
బైక్పై స్టంట్లు.. ‘స్పైడర్ మ్యాన్’ను అరెస్ట్ చేసిన పోలీసులు!
Viral Video: స్పైడర్ మ్యాన్, స్పైడర్ ఉమెన్ దుస్తుల్లో దిల్లీ రోడ్లపై చక్కర్లు కొట్టిన జంటను పోలీసులు అరెస్టు చేశారు. ఎందుకంటే?