Warangal: ఘాటెక్కిన ఎర్రబంగారం .. మార్కెట్‌ చరిత్రలో గరిష్ఠ ధర నమోదు

వరంగల్‌: వరంగల్ ఎనుమాముల వ్యవసాయ మార్కెట్ లో మిర్చి ధరలు రోజురోజుకు పెరుగుతున్నాయి. తాజాగా దేశీయ రకం మిర్చి మార్కెట్ చరిత్రలో మొదటిసారిగా (క్వింటా) రూ. 44 వేల గరిష్ఠ ధర పలికింది. సింగిల్ పట్టి రకం రూ.42,500 ధర పలికినట్టు మార్కెట్ అధికారులు వివరించారు. గతంలో కనీవినీ ఎరుగని రీతిలో ఈ ఏడాది మిర్చి ధరలు ఉన్నాయని వ్యాపార వర్గాలు వెల్లడించాయి. మిర్చి దిగుబడి లేకపోవడం, అంతర్జాతీయ మార్కెట్లో మిర్చికి డిమాండ్ ఉండటం కారణంగా మిరప ధరలు రోజురోజుకు పెరుగుతున్నాయని వ్యాపారులు తెలిపారు. నన్ని తెగులు ఆశించి ఈ ఏడాది మిర్చి దిగుబడి సగానికి పడిపోయిందని రైతులు ఆవేదన వ్యక్తం చేయగా.. మిరప ధర మాత్రం ఆశాజనకంగా ఉందని రైతులు వివరించారు.