Karnataka Results : స్వల్ప మెజారిటీతో గట్టెక్కారు

బెంగళూరు (యశ్వంతపుర), న్యూస్‌టుడే: ఈసారి కర్ణాటక ఎన్నికల్లో కొందరు అభ్యర్థులు అతికొద్ది ఓట్ల తేడాతో గట్టెక్కడం ఆసక్తికరం. తమిళనాడు, పుదుచ్చేరి రాష్ట్రాల కాంగ్రెస్‌ ఇన్‌ఛార్జి- మాజీ మంత్రి దినేశ్‌ గుండూరావు రాజధాని పరిధిలోని గాంధీనగరలో తొలుత 900 ఓట్ల మెజారిటీతో గెలిచారు. ఈ మేరకు అధికారులు ప్రకటించారు. ఓట్లను మళ్లీ లెక్కించాలని భాజపా అభ్యర్థి సప్తగిరిగౌడ పట్టుపట్టారు. రెండోసారి లెక్కించాక... దినేశ్‌ 105 ఓట్ల తేడాతో విజయం సాధించారు. దినేశ్‌కు 53,972 ఓట్లు, సప్తగిరిగౌడకు 53,867 ఓట్లు దక్కాయి. ఇక్కడ భాజపా తిరుగుబాటు అభ్యర్థి కృష్ణయ్యశెట్టి 4500 ఓట్లు పొందారు.