అక్టోబరు నుంచి తయారయ్యే వాహనాలకు 6 ఎయిర్‌బ్యాగ్‌లు

ఈనాడు, దిల్లీ: ఈఏడాది అక్టోబరు నుంచి తయారయ్యే ఎం1 వాహనాల్లో (8 మంది వరకు ప్రయాణించే వీలున్న) కనీసం 6 ఎయిర్‌బ్యాగ్‌లు తప్పనిసరిగా ఉండాలని కేంద్ర రహదారి, రవాణా శాఖ నిర్ణయించింది. ఇందుకు సంబంధించి ముసాయిదా నోటిఫికేషన్‌ను జారీచేసింది. ఇందులో ఒక జత ఎయిర్‌బ్యాగ్స్‌ ముందువైపు సీట్లలో కూర్చున్న వారి కోసం, మరో జత కర్టెన్‌/ట్యూబ్‌ ఎయిర్‌బ్యాగ్‌లను వెనుకసీట్లలో కూర్చున్న వారి రక్షణ కోసం ఏర్పాటు చేయాలని పేర్కొంది. వాహనంలో అంతర్గతంగా వీటిని ఏర్పాటు చేయాలని, ఎప్పుడైనా ప్రమాదం జరిగినప్పుడు డ్రైవర్‌తో పాటు ప్రయాణికుల ప్రాణాలకు రక్షణ కల్పించేలా డిజైన్‌ చేయాలని సూచించింది.