200 అడుగుల లోయలో పడిన బస్సు

13 మంది మృతి.. ఇద్దరికి గాయాలు
హిమాచల్‌ ప్రదేశ్‌లో ఘరో రోడ్డు ప్రమాదం

శిమ్లా/మనాలి: హిమాచల్‌ ప్రదేశ్‌లోని కులు జిల్లాలో సోమవారం జరిగిన ఘోర రోడ్డు ప్రమాదంలో 13 మంది మృతి చెందారు. ఇద్దరికి గాయాలయ్యాయి. మృతుల్లో పాఠశాల విద్యార్థులు కూడా ఉన్నారు. కులు నుంచి షైన్షేర్‌ వెళుతున్న బస్సు ఉదయం 8 గంటల సమయంలో జాంగ్లా గ్రామం దగ్గర ఘాట్‌ రోడ్డులో మలుపు తిరుగుతూ అదుపుతప్పి 200 అడుగుల లోతున్న లోయలో పడిపోయింది. ఈ విషాదంపై రాష్ట్రపతి రామ్‌నాథ్‌ కోవింద్‌, ప్రధాని మోదీ విచారం వ్యక్తం చేశారు. బాధిత కుటుంబాలకు సంతాపం తెలిపారు.