విషమంగానే లాలూ ఆరోగ్యం

పట్నా, దిల్లీ: ఆర్జేడీ అధినేత లాలూ ప్రసాద్‌ యాదవ్‌ ఆరోగ్యం ఇంకా విషమంగానే ఉంది. ప్రస్తుతం పట్నాలోని ఓ ప్రైవేట్‌ ఆస్పత్రి ఐసీయూలో చికిత్స పొందుతున్న ఆయన్ను మెరుగైన చికిత్స నిమిత్తం బుధవారం రాత్రి దిల్లీ ఎయిమ్స్‌కు తరలించారు. అక్కడ ప్రత్యేక వైద్యుల పర్యవేక్షణలో చికిత్స అందిస్తున్నట్లు కుటుంబసభ్యులు తెలిపారు. లాలూ కొంతకాలంగా కిడ్నీ, హృదయ సంబంధిత సమస్యలతో బాధపడుతున్నారు. ఆదివారం.. పట్నాలోని ఆయన నివాసంలో మెట్లపై నుంచి పడిపోగా కుడి భుజం ఎముక విరిగింది. పట్నా ఆస్పత్రిలో బుధవారం లాలూను బిహార్‌ ముఖ్యమంత్రి నీతీశ్‌ కుమార్‌ పరామర్శించారు.