Aishwarya Rai: ఐశ్వర్యారాయ్‌ లిప్‌ కిస్‌.. చుట్టుముట్టిన ట్రోల్స్‌

ముంబయి: బాలీవుడ్‌ బ్యూటీ ఐశ్వర్యారాయ్‌ను (Aishwarya Rai Bachchan) సోషల్‌మీడియాలో ట్రోల్స్‌ చుట్టుముట్టాయి. కుమార్తె ఆరాధ్యకు పుట్టినరోజు శుభాకాంక్షలు చెప్పడాన్ని పలువురు సోషల్‌మీడియా యూజర్స్‌ తప్పుబడుతున్నారు. మీరు కూడా ఇలా చేస్తారా? అంటూ ప్రశ్నల వర్షం కురిపిస్తున్నారు. ఆమెపై వాళ్లు ఇంతగా ఆగ్రహానికి గురి కావడానికి కారణం ఏమిటంటే..

ఐశ్వర్య కుమార్తె ఆరాధ్య పుట్టినరోజు నేడు. తన గారాల బిడ్డకు జన్మదిన శుభాకాంక్షలు చెబుతూ ఐష్‌ఇన్‌స్టాలో ఓ పోస్ట్‌ పెట్టారు. ‘‘నా ప్రేమ.. నా ప్రాణం.. ఐ లవ్‌ యూ ఆరాధ్య’’ అని పేర్కొంటూ కుమార్తెతో దిగిన ఓ ఫొటోని షేర్‌ చేశారు. ఇందులో ఆమె ఆరాధ్యకు లిప్‌ కిస్‌ ఇస్తూ కనిపించారు. ఈ ఫొటో నెట్టింట వైరల్‌గా మారింది. దీనిని చూసిన పలువురు నెటిజన్లు ఐష్‌ని విమర్శిస్తున్నారు. ‘‘చిన్నారిని పెదవులపై ముద్దుపెట్టుకోవడం వింతగా ఉంది’’, ‘‘మేడమ్‌.. ఇలాంటివి చేసి మీరు ఇతరుల దృష్టిని ఆకర్షించాల్సిన అవసరం లేదు’’ అంటూ విమర్శనాస్త్రాలు సంధిస్తున్నారు. ఇదిలా ఉండగా మరి కొంతమంది అభిమానులు మాత్రం.. ఈ ఫొటోలో తప్పు ఏముంది? అని ఎదురు ప్రశ్నలు విసురుతున్నారు. ‘‘తల్లీకుమార్తెల మధ్య అనుబంధాన్ని తప్పు పట్టాల్సిన అవసరం ఏముంది?’’ అంటూ కామెంట్స్‌ జత చేస్తున్నారు.