Anweshippin Kandethum Review: రివ్యూ: అన్వేషిప్పిన్ కండెతుమ్.. మలయాళ బ్లాక్బస్టర్ ఎలా ఉంది?
Anweshippin Kandethum Review: టొవినో థామస్ కీలకపాత్రలో నటించిన పోలీస్ ప్రొసీడల్ డ్రామా మెప్పించిందా?
Anweshippin Kandethum Review; చిత్రం: అన్వేషిప్పిన్ కండెతుమ్; నటీనటులు: టొవినో థామస్, అనఘ రవి, థామస్, కొట్టాయం నాజర్, సిద్ధీఖ్, బాబురాజ్, నందు, సాదిక్ తదితరులు; సంగీతం: సంతోష్ నారాయణన్; ఎడిటింగ్: సైజు శ్రీధరన్; సినిమాటోగ్రఫీ: గౌతమ్ శంకర్; రచన: జిను వి అబ్రహం; నిర్మాత: డార్విన్ కురియకోస్, డాల్విన్ కురియకోస్, జిను వి అబ్రహం, విక్రమ్ మెహ్రా, సిద్ధార్థ్ ఆనంద్కుమార్; దర్శకత్వం: డార్విన్ కురియకోస్; స్ట్రీమింగ్ వేదిక: నెట్ఫ్లిక్స్
చిన్న చిన్న ఎలిమెంట్స్ను తీసుకుని, అతి తక్కువ బడ్జెట్తో ప్రేక్షకులను రంజింపచేసేలా సినిమాలు తీస్తుంటారు మలయాళ దర్శకులు. అలా వచ్చిన చిత్రమే ‘అన్వేషిప్పిన్ కండెతుమ్’. రూ.8 కోట్ల బడ్జెట్తో తీసిన ఈ మూవీ బాక్సాఫీస్ వద్ద రూ.40 కోట్లు వసూలు చేసింది. తాజాగా నెట్ఫ్లిక్స్ వేదికగా స్ట్రీమింగ్ అవుతున్న ఈ సినిమా ఎలా ఉంది? (Anweshippin Kandethum Review) తెలుగు ప్రేక్షకులకు నచ్చుతుందా?
కథేంటంటే: ఆనంద్ నారాయణన్ (టొవినో థామస్) ఎస్సై. ఓ యువతి హత్య కేసు విచారణ సమయంలో జరిగిన తప్పిదం వల్ల పోలీస్శాఖ, అతడితో పాటు నలుగురు కానిస్టేబుళ్లను సస్పెండ్ చేస్తుంది. అయితే, ఈ హత్య కేసును నిజాయతీగా ఇన్వెస్టిగేషన్ చేసిన ఆనంద్ పనితీరు నచ్చి ఎస్పీ రాజగోపాల్ (సిద్ధీఖీ) చెరువెల్లిలో జరిగిన శ్రీదేవి అనే యువతి హత్య కేసు విచారణకు అప్పగిస్తాడు. దీంతో ఆనంద్ అతని టీమ్ చెరువెల్లి వెళ్తుంది. అక్కడికి వెళ్లిన తర్వాత కేసు విచారణలో ఆనంద్కు ఎదురైన ప్రతిబంధకాలు ఏంటి? వాటిని అతడు ఎలా ఎదుర్కొన్నాడు? అసలు ఆనంద్ ఎందుకు సస్పెండ్ కావాల్సివచ్చింది? తెలియాలంటే ఈ సినిమా చూడాల్సిందే!
ఎలా ఉందంటే: సాధారణంగా హీరోలు పోలీస్ అయితే చాలు, విలన్ గ్యాంగ్ను చితక్కొడతారు.. రౌడీలపై బుల్లెట్ల వర్షం కురిపిస్తారు.. పరిచయ సన్నివేశానికో ఫైట్.. ఇంటర్వెల్లో మరో భారీ ఫైట్.. ఇక క్లైమాక్స్లో హీరోకు బుల్లెట్లు దిగినా విలన్ చంపేవరకూ గాయాలపై టించర్ కూడా వేసుకోడు. ‘అన్వేషిప్పిన్ కండెతుమ్’లో హీరో పోలీసే. కానీ, ఒక్క ఫైట్ కూడా చేయడు. ఒక్కచోట కూడా తన పాత్ర పరిధి దాటి ప్రవర్తించడు. తాను నమ్మిన నిజం, నిజాయతీ కోసం మాత్రమే నిలబడతాడు. అందుకు కారణం బలమైన కథ.. అందులో ఉండే ఇంటెన్సివ్ డ్రామా. ఈ మూవీని మర్డర్ మిస్టరీతో కూడిన ఒక పోలీస్ ప్రొసీడల్ డ్రామాగా తీర్చిదిద్దడంలో దర్శకుడు డార్విన్ కురియకోస్ మంచి మార్కులు కొట్టేశాడు. సస్పెండ్ అయిన ఆనంద్.. ఎస్పీ ఆఫీస్కు రావడంతో కథ మొదలుపెట్టిన దర్శకుడు.. అంతకుముందు ఏం జరిగిందనే విషయాన్ని చెబుతూ ప్రేక్షకుడిని నెమ్మదిగా కథలోకి తీసుకెళ్లాడు. కాలేజ్ నుంచి వస్తున్న లవ్లీ (అనఘ) అనే యువతి కనిపించకుండా పోవడం.. ఆనంద్, అతని టీమ్ ఒక్కో క్లూను సంపాదిస్తూ, ఆఖరికి ఆమె హత్యకు గురైనట్లు గుర్తించడం వంటి సన్నివేశాలు ఆసక్తిని పెంచుతాయి. (Anweshippin Kandethum Review) హత్య ఎవరు చేశారో ఆనంద్ కనుగొనే సమయానికి ఉన్నతాధికారి వచ్చి అడ్డుపడటంతో ఆ విచారణ అక్కడితో ఆగిపోతుంది. అయితే, న్యాయం, నిజం వైపు నిలబడాలనుకున్న ఆనంద్ నిబంధనలకు వ్యతిరేకంగా సొంతంగా ఇన్వెస్టిగేషన్ చేస్తాడు. ఆ సీక్వెన్స్ చాలా ఆసక్తిగా సాగుతాయి. చర్చి ఫాదర్ను విచారించడానికి వెళ్తే స్థానికులు అడ్డుకుంటారు. దీంతో ఆ ఇంటిని సోదా చేసేందుకు ఆనంద్ వేసే ప్లాన్ భలేగా ఉంటుంది. నిందితుడు ఎవరో కనిపెట్టి కోర్టులో హాజరుపరిచే సమయంలో జరిగే ఘటన మొత్తం ఆనంద్ జీవితాన్ని తల్లకిందులు చేస్తుంది. దీంతో అతడు సస్పెండ్ అవుతాడు. అదేంటన్నది తెరపై చూడాలి.
ఇక ఎస్పీ ఆదేశాల మేరకు చెరువెల్లి వెళ్లిన ఆనంద్, అతని టీమ్ అక్కడ శ్రీదేవి హత్య కేసు విచారించడంతో ద్వితీయార్ధాన్ని మొదలుపెట్టిన దర్శకుడు... మళ్లీ అదేతరహా పోలీస్ ప్రొసీడల్ డ్రామాను నడపటం, ప్రథమార్ధం తరహాలోనే ఇన్వెస్టిగేషన్ సీన్స్ పునరావృతం కావడంతో సినిమా కొద్దిసేపు నెమ్మదిగా సాగుతుంది. శ్రీదేవి హత్య కేసులో ఫస్ట్ క్లూ కనుగొనడంతో మళ్లీ కథ పరుగులు పెడుతుంది. పతాక సన్నివేశాల వరకూ ఆ టెంపో కొనసాగుతుంది. (Anweshippin Kandethum Review) ఒక లెటర్పై ఉన్న పోస్టల్ స్టాంప్ను పట్టుకుని మొత్తం హత్య కేసును ఛేదించే విధానం అలరిస్తుంది. క్లైమాక్స్లో ఎవరూ ఊహించని ట్విస్ట్తో హంతకుడిని కనిపెట్టే సీన్ సినిమాకే హైలైట్. ఆనంద్ శ్రీదేవి హత్య కేసును ఛేదించినా, లవ్లీ హత్య కేసు తరహాలోనే ఈ కేసు విషయంలోనూ జరగడం ఒక్కటే కాస్త డ్రా బ్యాక్ అనిపిస్తుంది. బహుశా, హీరో పోలీస్ అయినంత మాత్రాన అన్నిసార్లు అతడే గెలవాలనేమీ లేదు కదా! అని దర్శకుడు ఆలోచించి ఉండవచ్చు.
ఎవరెలా చేశారంటే: ఎస్సై ఆనంద్గా టొవినో థామస్ తన పాత్రకు 100శాతం న్యాయం చేశారు. ఎక్కడా కూడా ఆ పాత్రలో అతి కనిపించదు. తాను నమ్మిన నిజం కోసం నిలబడే పోలీస్ ఆఫీసర్గా బాగా నటించారు. మిగిలిన వాళ్లు తమ పరిధి మేరకు నటించారు. సాంకేతికంగా సినిమా బాగుంది.(Anweshippin Kandethum Review) తక్కువ బడ్జెట్, పరిమిత లొకేషన్స్లోనే సినిమాను ఆకట్టుకునేలా తీయడంలో టీమ్ ప్రతిభ కనపడుతుంది. జిను వి అబ్రహం రాసిన కథను అంతే ఆసక్తిగా దర్శకుడు డార్విన్ కురియకోస్ తీర్చిదిద్దారు. అక్కడక్కడా కొన్ని సన్నివేశాల్లో సాగదీత ఉన్నా, ఒక మంచి ఇన్వెస్టిగేషన్ థ్రిల్లర్ చూశామన్న అనుభూతి ప్రేక్షకుడికి కలుగుతుంది.
కుటుంబంతో కలిసి చూడొచ్చా: ఎలాంటి ఇబ్బంది లేకుండా చూడొచ్చు. ఎక్కడా అసభ్య పదాలు, సన్నివేశాలు లేవు.
- బలాలు
- + కథ
- + ఇన్వెస్టిగేషన్ సాగే తీరు
- + టొవినో థామస్ నటన
- బలహీనతలు
- - ద్వితీయార్ధంలో కొన్ని సన్నివేశాలు
- చివరిగా: ‘అన్వేషిప్పిన్ కండెతుమ్’ ఈ ఇన్వెస్టిగేటివ్ డ్రామా మెప్పిస్తుంది! (Anweshippin Kandethum Review)
- గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: బహిష్కరణ.. అంజలి వేశ్యగా నటించిన వెబ్సిరీస్ ఎలా ఉందంటే?
హీరోయిన్ అంజలి, శ్రీతేజ ప్రధాన పాత్రల్లో రూపొందిన వెబ్సిరీస్ ‘బహిష్కరణ’. ‘జీ 5’లో స్ట్రీమింగ్ అవుతున్న ఈ సిరీస్ రివ్యూ మీకోసం.. -
రివ్యూ: బ్యాడ్ న్యూజ్.. విక్కీ కౌశల్, త్రిప్తి దిమ్రీ మూవీ అలరించిందా?
Bad Newz movie review: విక్కీ కౌశల్, త్రిప్తి దిమ్రీ కీలక పాత్రల్లో నటించిన రొమాంటిక్ ఎంటర్టైన్ ఎలా ఉంది? -
రివ్యూ: డార్లింగ్.. ప్రియదర్శి, నభానటేష్ల కామెడీ ఎంటర్టైనర్ మెప్పించిందా?
ప్రియదర్శి, నభానటేష్ జంటగా నటించిన రొమాంటిక్, కామెడీ ఎంటర్టైనర్ ఎలా ఉందంటే? -
రివ్యూ: భారతీయుడు2.. కమల్, శంకర్ కాంబో మరోసారి హిట్ అయిందా?
indian 2 review: కమల్హాసన్, సిద్ధార్థ్, రకుల్ కీలక పాత్రల్లో శంకర్ దర్శకత్వంలో రూపొందిన ‘భారతీయుడు2’ తెలుగు ప్రేక్షకులను మెప్పించిందా? -
రివ్యూ: ధూమం.. ఫహద్ ఫాజిల్ నటించిన థ్రిల్లర్ ఎలా ఉంది?
ఫహద్ ఫాజిల్, అపర్ణా బాలమురళి కీలక పాత్రల్లో నటించిన ‘ధూమం’ ఎలా ఉంది? తెలుగు ప్రేక్షకులకు నచ్చుతుందా? -
రివ్యూ: శశి మథనం.. ప్రేమికుడు ఎరక్కపోయి ఇరుక్కుంటే?
సోనియా సింగ్, పవన్ సిద్ధు నటించిన వెబ్సిరీస్ ఎలా ఉందంటే! -
రివ్యూ: వెబ్సిరీస్: మీర్జాపూర్ సీజన్-3.. క్రైమ్, యాక్షన్ సిరీస్-3 మెప్పించిందా?
Mirzapur Season 3 Review: యువతను విశేషంగా ఆకట్టుకున్న సిరీస్ల్లో మీర్జాపూర్ ఒకటి. ఇప్పుడు మూడో సీజన్ స్ట్రీమింగ్ అవుతోంది. -
రివ్యూ: ‘గురువాయూర్ అంబలనాదయిల్’.. మలయాళ బ్లాక్ బస్టర్ ఎలా ఉంది?
Guruvayoor Ambalanadayil Review: పృథ్వీరాజ్ సుకుమార్, బసిల్ జోసెఫ్ కీలక పాత్రల్లో విపిన్ దాస్ దర్శకత్వం వహించిన ‘గురువాయూర్ అంబలనాదయిల్’ ఎలా ఉందంటే? -
రివ్యూ: ‘కల్కి 2898 ఏడీ’.. ప్రభాస్ సైన్స్ ఫిక్షన్ మూవీ ఎలా ఉంది?
kalki 2898 ad review in telugu: ప్రభాస్ కథానాయకుడిగా నాగ్ అశ్విన్ దర్శకత్వంలో వచ్చిన ఎపిక్ సైన్స్ ఫిక్షన్ యాక్షన్ మూవీ ప్రేక్షకులను మెప్పించిందా? -
రివ్యూ: యక్షిణి.. సోషియో ఫాంటసీ వెబ్సిరీస్ ఎలా ఉంది?
Yakshini review in telugu: వేదిక, రాహుల్ విజయ్, మంచు లక్ష్మీ, అజయ్ కీలక పాత్రల్లో నటించిన ‘యక్షిణి’ వెబ్సిరీస్ ఎలా ఉందంటే? -
రివ్యూ: పరువు.. నివేదా పేతురాజ్ నటించిన వెబ్సిరీస్ ఎలా ఉందంటే?
హీరోయిన్ నివేదా పేతురాజ్ (Nivetha Pethuraj), నటుడు నరేశ్ అగస్త్య (Naresh Agastya), నాగబాబు (Nagababu) ప్రధాన పాత్రల్లో రూపొందిన వెబ్సిరీస్ ‘పరువు’ (paruvu). ‘జీ 5’లో విడుదలైన ఈ సిరీస్ రివ్యూ మీకోసం.. -
రివ్యూ: హరోం హర.. సుధీర్బాబు ఖాతాలో హిట్ పడిందా?
సుధీర్బాబు, మాళవిక శర్మ, సునీల్ కీలక పాత్రల్లో నటించిన ‘హరోం హర’ మూవీ ప్రేక్షకులను మెప్పించిందా? -
రివ్యూ: మహారాజ.. విజయ్ సేతుపతి 50వ మూవీ మెప్పించిందా?
Maharaja Review: వైవిధ్యమైన పాత్రలతో అలరిస్తున్న విజయ్సేతుపతి కెరీర్లో 50వ చిత్రం ‘మహారాజ’. తాజాగా ప్రేక్షకుల ముందుకు వచ్చిన ఈ సినిమా ఎలా ఉంది? ఏ మేరకు మెప్పించింది? -
రివ్యూ: మిరల్.. ‘ప్రేమిస్తే’ భరత్ నటించిన చిత్రం భయపెట్టిందా?
ప్రేమిస్తే సినిమా హీరో భరత్ నటించిన హారర్ థ్రిల్లర్ మూవీ ‘మిరల్’. ఓటీటీ ‘ఆహా’లో స్ట్రీమింగ్ అవుతోంది. రివ్యూ మీకోసం.. -
రివ్యూ: కల్కి.. టొవినో థామస్ యాక్షన్ ఫిల్మ్ ఎలా ఉంది?
మలయాళంలో మంచి టాక్ సొంతం చేసుకున్న టొవినో థామస్ యాక్షన్ ఫిల్మ్ ‘కల్కి’ మెప్పించిందా? -
రివ్యూ: మనమే.. శర్వానంద్, కృతిశెట్టిల మూవీ ఎలా ఉంది?
Manamey Movie Review: శర్వానంద్, కృతిశెట్టి జంటగా, శ్రీరామ్ ఆదిత్య దర్శకత్వంలో ఫ్యామిలీ రొమాంటిక్ డ్రామా మెప్పించిందా? -
రివ్యూ: సత్యభామ.. కాజల్ క్రైమ్ థ్రిల్లర్ మూవీ టాక్ ఏంటి?
కాజల్ ప్రధాన పాత్రలో సుమన్ చిక్కాల దర్శకత్వంలో వచ్చిన క్రైమ్, యాక్షన్ థ్రిల్లర్ మూవీ మెప్పించిందా? -
రివ్యూ: మిస్టర్ అండ్ మిసెస్ మహి: జాన్వీకపూర్ స్పోర్ట్స్ డ్రామా మెప్పించిందా?
Mr And Mrs Mahi Review: రాజ్కుమార్ రావ్, జాన్వీ కపూర్ జంటగా శరణ్ శర్మ తెరకెక్కించిన స్పోర్ట్స్ డ్రామా ఎలా ఉంది? -
రివ్యూ: కీచురాళ్ళు.. మలయాళ థ్రిల్లర్ తెలుగు ప్రేక్షకులను మెప్పించిందా?
మలయాళంలో విజయవంతమైన ‘కీడమ్’ సినిమా ఓటీటీ ‘ఈటీవీ విన్’లో ‘కీచురాళ్ళుగా’ స్ట్రీమింగ్ అవుతోంది. ఎలా ఉందంటే? -
రివ్యూ: గం గం.. గణేశా.. ఆనంద్ దేవరకొండ క్రైమ్ కామెడీ మూవీ మెప్పించిందా?
Gam Gam Ganesha Review: ఆనంద్ దేవరకొండ, ప్రగతి శ్రీవాస్తవ జంటగా నటించిన మూవీ ఎలా ఉంది? -
రివ్యూ: భజే వాయు వేగం.. కార్తికేయ హిట్ కొట్టారా?
కార్తికేయ గుమ్మకొండ హీరోగా నూతన దర్శకుడు ప్రశాంత్ రెడ్డి తెరకెక్కించిన చిత్రం ‘భజే వాయు వేగం’. శుక్రవారం ప్రేక్షకుల ముందుకొచ్చిన ఈ సినిమా ఎలా ఉందంటే?
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
జేడీ వాన్స్ వ్యాఖ్యలు వైరల్.. తీవ్రంగా ఖండించిన ప్రముఖ నటి
-
మా బంధం ఎంతో స్పెషల్: కొత్త కోచ్ గంభీర్పై స్కై వ్యాఖ్యలు
-
సౌదీ అరేబియాలో దుర్భర జీవితం.. బాధితుడిని కాపాడిన మంత్రి లోకేశ్
-
అగ్నిపథ్ పథకంపై విపక్షాల విమర్శలు.. ఖండించిన మోదీ
-
మెక్సికన్ డ్రగ్ లార్డ్ ఇస్మాయిల్ ‘ఎల్ మాయో’ జంబాడ అరెస్ట్
-
26 మంది హత్య.. మృతదేహాలను నదిలోకి ఈడ్చుకెళ్లిన మొసళ్లు..!