దిశను ఓకే చేశారా?

ముంబయి: తెలుగులో విజయవంతమైన పలు చిత్రాలు హిందీలో రీమేక్‌ అవుతున్నాయి. అందులో ప్రభాస్‌ కథానాయకుడిగా, రాజమౌళి దర్శకత్వంలో తెరకెక్కిన ‘ఛత్రపతి’ ఒకటి. అక్కడ బెల్లంకొండ సాయిశ్రీనివాస్‌ కథానాయకుడిగా నటిస్తుండగా, వి.వి.వినాయక్‌ దర్శకత్వం వహిస్తున్నారు. ఈ సినిమాలో కథానాయికగా దిశాపటానీ దాదాపుగా ఖాయమైనట్టే అని బాలీవుడ్‌ వర్గాలు చెబుతున్నాయి.

జాన్వీ కపూర్‌తోపాటు పలువురు భామల పేర్లు ప్రచారంలోకి వచ్చినా, ఆ అవకాశం దిశా పటానీ సొంతమైనట్టు సమాచారం. దిశా హిందీతోపాటు, తెలుగు ప్రేక్షకులకూ పరిచయమే. పూరి దర్శకత్వం వహించిన ‘లోఫర్‌’ సినిమాతో ఆమె తెలుగులో సందడి చేసిన విషయం తెలిసిందే.