అందాల భూమి ... మిస్‌ ఇండియా పోటీలకు హోస్ట్‌

బాలీవుడ్‌ నాయికల్లో కథల ఎంపికలో కొత్త దారిలో వెళ్లే కొద్దిమంది నాయికల్లో భూమి పెడ్నేకర్‌ ఒకరు. ‘దమ్‌ లగా కే హైసా’ మొదలు తాజా చిత్రం ‘భీడ్‌(రేణుశర్మ)లో పోషించిన వైవిధ్యమైన పాత్రల వరకూ ఆమె సినిమాల ఎంపిక చాలావరకూ అలాగే సాగుతోంది. సినిమా సినిమాకు తనను తాను ఇంకాస్తగా గొప్పగా మలుచుకుంటూ ఎంతో మందికి స్ఫూర్తిదాయకంగా నిలుస్తుందంటూ చాలామంది సినీ ప్రముఖులు అభిప్రాయం. తాజాగా ఆమెకు ఓ గౌరవం దక్కింది. ఈ ఏడాది జరిగే మిస్‌ ఇండియా పోటీలకు హోస్ట్‌గా ఎంపికైంది భూమి. ఈ కార్యక్రమం మణిపూర్‌ రాజధాని ఇంఫాల్‌లో ఏప్రిల్‌ 15న జరగనుంది. ప్రస్తుతం ‘ది లేడి కిల్లర్‌’, ‘భక్షక్‌’ సినిమాల్లో నటిస్తుంది భూమి.