ఇర్ఫాన్‌ఖాన్‌పై పుస్తకం

దివంగత నటుడు ఇర్ఫాన్‌ఖాన్‌పై పుస్తకం తీసుకురానున్నారు దర్శకుడు అనూప్‌ సింగ్‌. ఇర్ఫాన్‌ ప్రధాన పాత్రలో ఆయన తెరకెక్కించిన ‘కిస్సా: ది లోన్లీ ఘోస్ట్‌’ చిత్రం విమర్శకులు ప్రశంసలు అందుకొంది. శుక్రవారం ఇర్ఫాన్‌ 54వ జయంతి సందర్భంగా కొత్త పుస్తకం విశేషాలను వెల్లడించారు. ఈ పుస్తకాన్ని ‘ఇర్ఫాన్‌: డైలాగ్స్‌ విత్‌ ద విండ్‌’ పేరుతో తీసుకురానున్నారు. ఈ పుస్తకానికి అమితాబ్‌బచ్చన్‌ ముందు మాట రాశారు. ఫిబ్రవరి 14న ఈ పుస్తకం అందుబాటులోకి రానుంది. ‘‘విపరీతమైన దుఃఖం నుంచి ఈ పుస్తకం ఆలోచన వచ్చింది. ఇర్ఫాన్‌ జీవితం, ఆయనలోని కళాకారుడికి ఓ వేడుక లాంటిది ఈ పుస్తకం’’అంటున్నారు అనూప్‌సింగ్‌.