Ranbir Kapoor: దేవ.. దేవ

రణ్‌బీర్‌ కపూర్‌, అలియా భట్‌ జంటగా అయాన్‌ ముఖర్జి తెరకెక్కించిన చిత్రం ‘బ్రహ్మాస్త్ర’. తెలుగులో ‘బ్రహ్మాస్త్రం’ పేరుతో విడుదల కానుంది. ఇందులో అమితాబ్‌ బచ్చన్‌, నాగార్జున కీలక పాత్రలు పోషించారు. ఈ సినిమా మూడు భాగాలుగా రూపొందుతోంది. తొలి భాగం సెప్టెంబర్‌ 9న ప్రేక్షకుల ముందుకు రానుంది. ఈ నేపథ్యంలోనే ప్రచార కార్యక్రమాల్ని వేగవంతం చేసింది చిత్ర బృందం. ఇందులో భాగంగా సోమవారం ఈ సినిమాలోని ‘‘దేవ దేవ..’’ గీతాన్ని విడుదల చేశారు. ఈ పాటకు ప్రీతమ్‌ స్వరాలు సమకూర్చగా.. హిందీలో అమితాబ్‌ భట్టాచార్య, తెలుగులో చంద్రబోస్‌ సాహిత్యమందించారు. అర్జిత్‌ సింగ్‌, జోనిత గాంధి, శ్రీరామచంద్ర ఆలపించారు.