Samantha Vijay: సామ్‌-విజయ్‌లపై లిప్‌లాక్‌ సీన్స్‌..?

నిన్ను తలచుకుంటే నా పెదవులపై చిరునవ్వు: సామ్‌

హైదరాబాద్‌: రౌడీబాయ్‌ విజయ్‌ దేవరకొండ, నటి సమంత జంటగా ఓ ప్రేమకథా చిత్రం తెరకెక్కుతోన్న సంగతి తెలిసిందే. శివ నిర్వాణ దర్శకుడు. ‘ఖుషి’ పేరుతో రూపుదిద్దుకుంటోన్న ఈ సినిమా చిత్రీకరణ గత కొన్నిరోజుల నుంచి కశ్మీర్‌ పరిసర ప్రాంతాల్లో జరుగుతోంది. కశ్మీర్‌ బ్యాక్‌డ్రాప్‌లో సాగే ప్రేమకథ ఇది. ఇందులో సామ్‌ సాంప్రదాయ కుటుంబానికి చెందిన యువతిగా, విజయ్‌ స్టైలిష్‌ అబ్బాయిగా కనిపించనున్నట్లు ఇటీవల విడుదల చేసిన ఫస్ట్‌లుక్‌ పోస్టర్‌ చూస్తే తెలుస్తోంది. ఇంటెన్స్ ప్రేమకథగా సిద్ధమవుతోన్న ఈసినిమాకు సంబంధించి ఓ వార్త ఇప్పుడు నెట్టింట తెగ చక్కర్లు కొడుతోంది. ఈ సినిమాలో విజయ్‌-సమంతల మధ్య ముద్దు సన్నివేశాలు ఎక్కువగా ఉండే అవకాశం ఉందని, కథ డిమాండ్‌ చేయడంతోనే దర్శకుడు ఈ సన్నివేశాలు సృష్టించారని, దానిని అర్థం చేసుకున్న నటీనటులు ఓకే చేశారని వార్తలు బయటకువచ్చాయి. మైత్రి మూవీ మేకర్స్ పతాకంపై రూపుదిద్దుకుంటోన్న ఈచిత్రానికి హేషామ్ అబ్దుల్ వహాబ్ స్వరాలు అందిస్తున్నారు.

నిన్ను తలచుకుంటే నా పెదవులపై చిరునవ్వు: సామ్‌

‘ఖుషి’ చిత్రీకరణ కారణంగా గత కొన్నిరోజులుగా కశ్మీర్‌లోనే ఉంటోన్న సామ్‌.. ఆ ప్రాంతంలోని ప్రకృతి అందాలకు మనసుపారేసుకున్నారు. కశ్మీరీవాసుల జీవనశైలిని తెలియజేసేలా కొన్ని ఫొటోలు షేర్‌ చేశారు. ‘‘కశ్మీర్‌.. ఇక, నిన్ను ఎప్పుడు తలచుకున్నా నా పెదవులపై చిరునవ్వు విరబూస్తుంది’’ అని రాసుకొచ్చింది.