lal salaam review: రివ్యూ: రజనీకాంత్ కీలక పాత్రలో నటించిన ‘లాల్ సలామ్’ ఎలా ఉందంటే?
lal salaam review: ఐశ్వర్య రజనీకాంత్ దర్శకత్వంలో రూపొందిన స్పోర్ట్స్ డ్రామా మెప్పించిందా? రజనీకాంత్ ఏ పాత్రలో మెరిశారు?
lal salaam review; చిత్రం: లాల్ సలామ్; నటీనటులు: రజనీకాంత్, విష్ణు విశాల్, విక్రాంత్, విఘ్నేష్, లివింగ్స్టన్, సెంథిల్, జీవిత, తంబి రామయ్య తదితరులు; సంగీతం: ఏఆర్ రెహమాన్; ఎడిటింగ్: బి.ప్రవీణ్ భాస్కర్; సినిమాటోగ్రఫీ: విష్ణు రంగస్వామి; నిర్మాత: శుభాష్కరన్ అల్లిరాజా; స్క్రీన్ప్లే: విష్ణు రంగస్వామి; రచన, దర్శకత్వం: ఐశ్వర్య రజనీకాంత్; విడుదల: 09-02-2024
గతేడాది ‘జైలర్’ సినిమాతో ప్రేక్షకుల్ని మురిపించి.. మళ్లీ హిట్ ట్రాక్ ఎక్కారు కథానాయకుడు రజనీకాంత్ (Rajinikanth). ఇప్పుడీ జోష్లోనే ‘లాల్ సలాం’తో అలరించేందుకు సిద్ధమయ్యారు. ఆయన కుమార్తె ఐశ్వర్య ఈ మూవీకి దర్శకత్వం వహించడం విశేషం. విష్ణు విశాల్, విక్రాంత్ హీరోలుగా నటించారు. పాటలు.. ప్రచార చిత్రాలతో అందరి దృష్టినీ ఆకర్షించిన ఈ సినిమా శుక్రవారం థియేటర్లలోకి వచ్చింది. మరి ఈ చిత్ర కథేంటి?ప్రేక్షకుల్ని ఏ మేర ఆకట్టుకుంది?
కథేంటంటే: ఇది పూర్తిగా 1990ల కాలంలో నడిచే కథ. హిందూ ముస్లింలు ఐకమత్యంగా సోదర భావంతో మెలిగే ఊరు కసుమూరు. అక్కడి నుంచి ముంబయి వెళ్లి గొప్ప వ్యాపార వేత్తగా ఎదుగుతాడు మొయిద్దీన్ (రజనీకాంత్). తన కొడుకు షంషుద్దీన్ (విక్రాంత్)ను క్రికెటర్ను చేయాలన్నది అతని కల. మొయిద్దీన్ ఊరు వదిలి వెళ్లాక కొందరు రాజకీయ నాయకుల కుట్రల వల్ల ఊళ్లోని ప్రజలు రెండు వర్గాలుగా చీలిపోతారు. ఇక ఆ ఊళ్లో త్రీస్టార్ - ఎంసీసీ టీమ్స్ మధ్య జరిగే క్రికెట్ ఆట కూడా మతం రంగు పులుముకొని గొడవలకు కేంద్ర బిందువుగా నిలుస్తుంది. ఒకరోజు మ్యాచ్ నడుస్తుండగా.. రెండు టీమ్స్ మధ్య పెద్ద గొడవ జరుగుతుంది. (lal salaam movie review) ఆ గొడవలోనే షంషుద్దీన్ చేతిని నరికేస్తాడు గురు అలియాస్ గురునాథం (విష్ణు విశాల్). ఇంతకీ ఆ గురు మరెవరో కాదు మొయిద్దీన్ ప్రాణ స్నేహితుడి (ఫిలిప్ లివింగ్స్టోన్) తనయుడే. క్రికెట్లో జరిగిన ఆ గొడవ క్రమంగా మత కల్లోలంగా మారుతుంది. మరి ఆ తర్వాత ఏమైంది? అసలు క్రికెట్లో జరిగిన గొడవకు కారణమేంటి? షంషుద్దీన్ చేయి నరికేసేంత కోపం గురుకు ఎందుకొచ్చింది? తన కొడుకు చేయి నరికిన గురును మొయిద్దీన్ ఏం చేశాడు? ఊళ్లో జాతరకు ఈ కథకూ ఉన్న సంబంధం ఏంటి? ఊళ్లోని మత కల్లోలాలు ఎలా సద్దుమణిగాయి? అన్నది మిగతా కథ.
ఎలా సాగిందంటే: ‘మతాన్ని నమ్మితే మనసులో ఉంచుకో.. మానవత్వాన్ని అందరితో పంచుకో’... ఈ చిత్ర ట్రైలర్లో రజనీ చెప్పిన సంభాషణ ఇది. ఈ సినిమాతో దర్శకురాలు చెప్పదలుచుకున్న సందేశమిదే. ఇలా మతసామరస్యాన్ని చాటి చెప్పే నేపథ్యంలో ఇప్పటి వరకు తెరపైకి ఎన్నో కథలొచ్చాయి. అయితే దీంట్లో ఆ పాయింట్ను క్రికెట్ను కేంద్రంగా చేసుకొని.. దానికి రాజకీయ ముసుగును తగిలించి కొత్తగా చూపించే ప్రయత్నం చేశారు. (lal salaam movie review in telugu) ఊళ్లో జరిగే జాతర.. దాని కేంద్రంగా నడిచే సంఘర్షణ ఉప కథగా ఉంటుంది. అయితే ఈ మూడు అంశాల్ని సరిగ్గా మేళవించి కథనాన్ని ఆసక్తికరంగా ముందుకు నడపడంలో దర్శకురాలు ఐశ్వర్య ఆది నుంచే తడబడింది. ఈ సినిమా ఏ దశలోనూ ఓ సరైన దిశలో ముందుకు సాగుతున్నట్లు అనిపించదు. ప్రథమార్ధమయ్యే వరకు అసలు కథేంటో కూడా ప్రేక్షకులకు అంతుచిక్కదు.
ఒక ఊరి ఓట్ల కోసం రాజకీయ నాయకులు కుట్రలు పన్నడం.. కట్ చేస్తే ఊరి ప్రజల నుంచి తనని తాను రక్షించుకోవడం కోసం విష్ణు విశాల్ ప్రయత్నించడం.. మరోవైపు ఊళ్లో తలెత్తిన ఘర్షణలతో సినిమా ఆసక్తికరంగానే మొదలవుతుంది. కానీ, ఆ తర్వాత కథంతా ఏదో సినిమాకి సంబంధం లేనట్లుగా సాగుతున్నట్లు ఉంటుంది. (lal salaam movie review) గురు ప్రపంచం.. ఊళ్లోని రెండు ప్రధాన క్రికెట్ టీమ్స్ మధ్య జరిగే ఆట.. దాని మాటున జరిగే రాజకీయ కుట్రలు.. ఏవీ ఆసక్తికరంగా అనిపించవు. ఇక మధ్యలో వచ్చే లవ్ ట్రాక్.. పాటలు ప్రేక్షకుల సహనానికి పరీక్ష. మధ్యలో రజనీ ఎంట్రీ ఎపిసోడ్.. ఈ క్రమంలో వచ్చే యాక్షన్ సీక్వెన్స్ కాస్త ఊపశమనాన్నిస్తాయి. విరామానికి ముందు ఊరి జాతర నేపథ్యంలో వచ్చే సన్నివేశాలు కొంత నయం. ఆ జాతర కోసం అరువు తెచ్చిన తేరు (రథం)ను రాజకీయ కుట్రలో భాగంగా జాతర మధ్య నుంచే తీసుకెళ్లిపోవడంతో ఇంటర్వెల్ కార్డు పడుతుంది.
ద్వితీయార్ధమంతా ఎక్కువగా రథం చుట్టూనే తిరుగుతుంది. ఊరి వాళ్ల దృష్టిలో నీచుడిలా మారిన గురు తనని తాను మార్చుకొని నిరూపించుకోవడానికి జాతర కోసం రథం తయారు చేసి తీసుకురావాలని సిద్ధపడతాడు. ఈ క్రమంలో నడిపించే డ్రామా అంతా బోరింగ్. ఇక గురుకు.. షంషుద్దీన్కు మధ్య ఉన్న వైరానికి గల కారణం అంత బలంగా అనిపించదు. కథలో కీలకమైన మొయిద్దీన్ ఫ్రెండ్షిప్ ఎపిసోడ్ను ఎక్కడా మచ్చుకైనా చూపించరు. ఆఖర్లో జాతరను కేంద్రంగా చేసుకొని ‘కాంతార’ స్టైల్లో భిన్నమైన ముగింపు ఇవ్వాలని ప్రయత్నించినా.. అదీ వర్కవుట్ అవ్వలేదు.
ఎవరెలా చేశారంటే: మొయిద్దీన్ పాత్రలో రజనీకాంత్ కనిపించినంత సేపు ప్రేక్షకుల్లో ఓ ఉత్సాహం కనిపిస్తుంది. ఎందుకంటే ఈ సినిమా విషయంలో ఉన్న ఒకే ఒక్క రిలీఫ్ ఆయన మాత్రమే. అయితే తను కూడా తన కూతురుపై ప్రేమతోనే ఈ సినిమా చేశాడేమో అనిపిస్తుంది. ఎందుకంటే దీంట్లో ఆయనలోని నటుడికి పని చెప్పే సన్నివేశం ఒక్కటి కూడా కనిపించదు. ఆయన పాత్రకు దీంట్లో సాయికుమార్ డబ్బింగ్ చెప్పారు. మనో గాత్రానికి అలవాటు పడిన ప్రేక్షకులకు అదంత అతికినట్లుగా అనిపించదు. (lal salaam movie review) గురు పాత్రలో విష్ణు విశాల్ చక్కగా నటించాడు. తనదైన శైలిలో తేలికగా ఈ పాత్రను చేసుకుంటూ వెళ్లిపోయాడు. విక్రాంత్, సెంథిల్, తంబి రామయ్య, నిరోషా తదితరుల పాత్రలు పరిధి మేరకు ఉంటాయి. హీరో తల్లి పాత్రలో జీవిత ఆద్యంతం ఏడుపు లుక్లోనే కనిపించింది. నాయిక పాత్రైతే ముచ్చటగా మూడు సన్నివేశాలకే పరిమితం. మతం, క్రికెట్, స్నేహం, రాజకీయం.. ఇలా అనేక రకాల అంశాల్ని కిచిడీ చేసి ప్రేక్షకులకు ఏదో భిన్నమైన రుచి చూపించాలనుకుంది దర్శకురాలు ఐశ్వర్య. అది ఏ దశలోనూ ప్రేక్షకులకు మింగుడు పడని విధంగానే తయారైంది. ఈ సినిమాలో ఏది ఫ్లాష్బ్యాకో.. ఏది వర్తమానంలో జరుగుతున్న కథో అసలు అర్థం కాదు. ఇక జాతర.. ఆ నేపథ్యంలో వచ్చే పాటలు, కొట్లాటలు.. అంతా సహనానికి పరీక్షలాగే ఉంటాయి. ఏఆర్ రెహమాన్ సంగీతం ఏమాత్రం ఆకట్టుకోదు. నిర్మాణ విలువలు ఉన్నతంగా ఉన్నాయి.
- బలాలు
- + రజనీకాంత్
- + ద్వితీయార్ధంలో కొన్ని సన్నివేశాలు
- బలహీనతలు
- + కథ.. స్క్రీన్ప్లే
- + నెమ్మదిగా సాగే కథనం..
- + ప్రథమార్ధం.. ముగింపు
- చివరిగా: ‘లాల్ సలాం’.. రజనీ కూడా కాపాడలేడు! (lal salaam movie review)
- గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?
విద్యుత్ జమ్వాల్ నటించిన స్పోర్ట్స్ యాక్షన్ మూవీ ‘క్రాక్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతోంది. -
రివ్యూ: రత్నం.. విశాల్ నటించిన యాక్షన్ డ్రామా మెప్పించిందా?
Rathnam movie review: విశాల్ కథానాయకుడిగా హరి దర్శకత్వంలో వచ్చిన యాక్షన్ ఫిల్మ్ తెలుగు ప్రేక్షకులను మెప్పించిందా? -
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే?
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్