Love Guru Review: రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా?
Love Guru Review; చిత్రం: లవ్గురు; నటీనటులు: విజయ్ ఆంటోనీ, మృణాళిని రవి, యోగిబాబు, వీటీవీ గణేష్, ఇలవరుసు, శ్రీజ రవి, తలైవసల్ విజయ్ తదితరులు; సంగీతం: భరత్ ధన శేఖర్; సినిమాటోగ్రఫీ: ఫారూక్ బాష; ఎడిటింగ్: విజయ్ ఆంటోనీ; నిర్మాత: మీరా విజయ్ ఆంటోనీ, విజయ ఆంటోనీ, సంద్రా జాన్సన్, నవీన్కుమార్; రచన, దర్శకత్వం: వినాయక్ వైద్యనాథన్; విడుదల: 11-04-2024
ప్రయోగాలకు పెట్టింది పేరు విజయ్ ఆంటోని. ఎక్కువగా థ్రిల్లర్ కథలతో ప్రేక్షకుల్ని పలకరించే ఆయన.. తొలిసారి రొమాంటిక్ జానర్లో చేసిన చిత్రం ‘లవ్ గురు’. మైత్రీ మూవీ మేకర్స్ దీన్ని తెలుగులో చేసింది. మరి ఈ మూవీ ప్రేక్షకుల మనసుల్ని గెలుచుకుందా? విజయ్ ఆంటోనికి మరో విజయాన్ని అందించిందా?
కథేంటంటే: అరవింద్ (విజయ్ ఆంటోని) మలేసియాలో కేఫ్ నడుపుతుంటాడు. అతన్ని తన చెల్లి తాలూకూ ఓ చేదు గతం వెంటాడుతుంటుంది. మరోవైపు ఆర్థిక సమస్యల నుంచి ఇంటిని గట్టేక్కించే క్రమంలో వృత్తిలో పడి వ్యక్తిగత జీవితాన్ని నిర్లక్ష్యం చేస్తాడు. అందుకే 35ఏళ్ల వయసొచ్చినా ప్రేమ, పెళ్లికి నోచుకోలేకపోతాడు. అయితే ఈ సింగిల్ జీవితానికి ముగింపు చెప్పాలన్న లక్ష్యంతో మలేసియా నుంచి ఇండియాకు తిరిగొచ్చిన అరవింద్.. అనుకోకుండా ఓ చావు ఇంట్లో తన బంధువుల అమ్మాయి లీల (మృణాళిని రవి)ని చూసి మనసు పారేసుకుంటాడు. దీన్ని గ్రహించిన అతని తల్లిదండ్రులు వెంటనే లీలా తండ్రితో పెళ్లి సంబంధం మాట్లాడతారు.(Love Guru Review) కానీ, లీలాకు ఆ పెళ్లి అసలు ఇష్టముండదు. ఎందుకంటే సినిమా హీరోయిన్ కావాలన్నది ఆమె జీవిత లక్ష్యం. అయితే ఆమె నటిగా మారడాన్ని అంగీకరించని తండ్రి అరవింద్తో వివాహం జరిపిస్తాడు. కానీ, పెళ్లైన మరుసటి రోజే లీలాకు తనతో పెళ్లి ఇష్టం లేదన్న సంగతి అరవింద్కు అర్థమవుతుంది. ఈ క్రమంలోనే ఆమె అతన్ని దూరం పెట్టే ప్రయత్నం చేస్తుంది. మరి ఆ తర్వాత ఏమైంది? అరవింద్ తన భార్య మనసు గెలుచుకునేందుకు ఏం చేశాడు? అతన్ని వెంటాడుతున్న చెల్లి తాలూకూ చేదు గతమేంటి? హీరోయిన్ అవ్వాలన్న లీలా లక్ష్యం నెరవేరిందా? లేదా? ఆమె ఆఖరికి అరవింద్ను భర్తగా అంగీకరించిందా? తెలియాలంటే సినిమా చూడాల్సిందే!
ఎలా సాగిందంటే: ఓ పెద్ద జీవిత లక్ష్యంతో ముందుకు సాగుతున్న అమ్మాయి ఇష్టం లేకున్నా పెద్దల బలవంతంతో పెళ్లికి సిద్ధపడటం.. మూడుముళ్లు పడ్డాక ఆమె తన లక్ష్యం కోసం భర్తను దూరం పెట్టడం.. ఆమె మనసు గెలుచుకునేందుకు ఆ భర్త రకరకాల ప్రయత్నాలు చేయడం.. ముగింపులో ఇద్దరూ ఒక్కటవ్వడం.. ఈ తరహా ఫ్యామిలీడ్రామా చిత్రాలు తెలుగు తెరపై చాలా వచ్చాయి. ఈ ‘లవ్ గురు’ కూడా ఆ కోవకు చెందిన చిత్రమే. కాకపోతే దర్శకుడు దీన్ని వినోదాత్మకంగా తీర్చిదిద్దుకున్న తీరు.. ఆ కథకు చెల్లి సెంటిమెంట్ను జోడించి భావోద్వేగభరితంగా తెరపై చూపించిన విధానం సినిమాకి ఓ కొత్త లుక్ను తీసుకొచ్చాయి.(Love Guru Review) క్లుప్తంగా చెప్పాలంటే ఇది ఒక భర్త తన భార్య మనసు గెలవడానికి ప్రయత్నించే కథగా ఉంటుంది. దీని ద్వారా పెళ్లి అనేది స్త్రీ కలలకు అడ్డంకి కాదు అనే ఓ సందేశాన్ని తెలియజేసే ప్రయత్నం చేశారు దర్శకుడు.
కథలో చెప్పుకొన్నట్లుగానే ఒక రొటీన్ డ్రామాతో సినిమా ఆరంభమవుతుంది. అరవింద్ - లీలా పెళ్లయి హైదరాబాద్కు మకాం మార్చినప్పటి నుంచి కథలో వినోదం మొదలవుతుంది. అప్పటి వరకు సంప్రదాయబద్ధంగా కనిపించిన లీలా ఒక్కసారిగా మోడ్రన్ గర్ల్ అవతారమెత్తడం.. ఇంట్లో ఫ్రెండ్స్తో కలిసి ఆమె చేసే హంగామా.. అరవింద్ను దూరం పెట్టేందుకు చేసే ప్రయత్నాలు.. వాటిని అతను తన ప్రేమతో తిప్పికొట్టే విధానం అన్నీ మంచి కాలక్షేపాన్నిస్తాయి. ఈ మధ్యలో విజయ్ ఆంటోనికి.. వీటీవీ గణేష్కు మధ్య వచ్చే సన్నివేశాలు నవ్వులు పూయిస్తాయి. విరామానికి ముందు యోగిబాబు పాత్ర ఎంట్రీ ఇవ్వడంతో కథ మలుపు తిరుగుతుంది. అతని సలహాతో భార్య ప్రేమను గెలుచుకునేందుకు హీరో మరో వ్యక్తిగా ఆమెకు ఫోన్ పరిచయమవడమన్నది షారుక్ ఖాన్ ‘రబ్ నే బనా ది జోడీ’ చిత్రాన్ని గుర్తు చేస్తుంది. ఇక విరామ సమయానికి లీలాను హీరోయిన్ చేసేందుకు అరవింద్ నిర్మాతగా మారాలని నిర్ణయించుకోవడం.. ఆ చిత్రంలో తనే హీరోగా నటిస్తానని షరతు పెట్టడంతో ద్వితీయార్ధం ఏం జరుగుతుందన్న ఆసక్తి మొదలవుతుంది. (Love Guru Review) అయితే ప్రథమార్ధమంతా ఫన్నీగా సాగిన కథనం.. ద్వితీయార్ధంలో భావోద్వేగభరితంగా మారుతుంది. ముఖ్యంగా అరవింద్ తన చెల్లికి దూరమైన ఎపిసోడ్ కథను కాస్త సీరియస్గా మారుస్తుంది. అలాగే ముగింపులో అరవింద్, లీలాకు మధ్య వచ్చే సన్నివేశాలు ఎమోషనల్గా ఆకట్టుకుంటాయి. ఈ మధ్యలో ‘లవ్ గురు’ సినిమా చిత్రీకరణ పేరుతో అరవింద్ - లీలా చేసే హంగామా కాస్త బోర్ కొట్టిస్తుంది.
ఎవరెలా చేశారంటే: వైవిధ్య పాత్రలకు భిన్నంగా అరవింద్గా విజయ్ ఆంటోని కొత్త ప్రయత్నం చేశారు. కామెడీ, ఎమోషనల్ సీన్స్లో చక్కటి నటన కనబరిచారు. ముఖ్యంగా ముగింపులో తనకు.. మృణాళినికి మధ్య వచ్చే ఎపిసోడ్లో ఆయన నటన భావోద్వేగభరితంగా ఉంటుంది. లీలాగా మృణాళిని తెరపై అందంగా కనిపించింది. ఆమె తెరపై ఆద్యంతం కనిపించినా.. నటనకు పెద్దగా స్కోప్ దొరికినట్లు అనిపించదు. (Love Guru Review) విజయ్ మామయ్యగా వీటీవీ గణేష్ కనిపించినంత సేపూ నవ్వించే ప్రయత్నం చేశారు. ప్రేమ సలహాలు ఇచ్చే పాత్రలో యోగిబాబు కూడా అక్కడక్కడా నవ్విస్తారు. ఇళవరసు, సుధ, తలైవాసల్ విజయ్ తదితరుల పాత్రలన్నీ పరిధి మేరకు ఉంటాయి. దర్శకుడు ఎంచుకున్న కథలో కొత్తదనం కనిపించదు. కథనమంతా ఊహలకు తగ్గట్లుగానే సాగుతుంది. కానీ, సినిమాని ఎక్కడా బోర్ కొట్టించనీయకుండా తీర్చిదిద్దడంలో సఫలమయ్యాడు.
- బలాలు
- + వినోదాత్మకంగా కథను నడిపిన తీరు
- + విజయ్ ఆంటోని, మృణాళిని నటన
- + పతాక సన్నివేశాలు
- బలహీనతలు
- - పాటలు
- - ఊహలకు తగ్గట్లుగా సాగే సన్నివేశాలు
- చివరిగా: కాలక్షేపాన్నిచ్చే ‘లవ్ గురు’ (Love Guru Review)
- గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: బహిష్కరణ.. అంజలి వేశ్యగా నటించిన వెబ్సిరీస్ ఎలా ఉందంటే?
హీరోయిన్ అంజలి, శ్రీతేజ ప్రధాన పాత్రల్లో రూపొందిన వెబ్సిరీస్ ‘బహిష్కరణ’. ‘జీ 5’లో స్ట్రీమింగ్ అవుతున్న ఈ సిరీస్ రివ్యూ మీకోసం.. -
రివ్యూ: బ్యాడ్ న్యూజ్.. విక్కీ కౌశల్, త్రిప్తి దిమ్రీ మూవీ అలరించిందా?
Bad Newz movie review: విక్కీ కౌశల్, త్రిప్తి దిమ్రీ కీలక పాత్రల్లో నటించిన రొమాంటిక్ ఎంటర్టైన్ ఎలా ఉంది? -
రివ్యూ: డార్లింగ్.. ప్రియదర్శి, నభానటేష్ల కామెడీ ఎంటర్టైనర్ మెప్పించిందా?
ప్రియదర్శి, నభానటేష్ జంటగా నటించిన రొమాంటిక్, కామెడీ ఎంటర్టైనర్ ఎలా ఉందంటే? -
రివ్యూ: భారతీయుడు2.. కమల్, శంకర్ కాంబో మరోసారి హిట్ అయిందా?
indian 2 review: కమల్హాసన్, సిద్ధార్థ్, రకుల్ కీలక పాత్రల్లో శంకర్ దర్శకత్వంలో రూపొందిన ‘భారతీయుడు2’ తెలుగు ప్రేక్షకులను మెప్పించిందా? -
రివ్యూ: ధూమం.. ఫహద్ ఫాజిల్ నటించిన థ్రిల్లర్ ఎలా ఉంది?
ఫహద్ ఫాజిల్, అపర్ణా బాలమురళి కీలక పాత్రల్లో నటించిన ‘ధూమం’ ఎలా ఉంది? తెలుగు ప్రేక్షకులకు నచ్చుతుందా? -
రివ్యూ: శశి మథనం.. ప్రేమికుడు ఎరక్కపోయి ఇరుక్కుంటే?
సోనియా సింగ్, పవన్ సిద్ధు నటించిన వెబ్సిరీస్ ఎలా ఉందంటే! -
రివ్యూ: వెబ్సిరీస్: మీర్జాపూర్ సీజన్-3.. క్రైమ్, యాక్షన్ సిరీస్-3 మెప్పించిందా?
Mirzapur Season 3 Review: యువతను విశేషంగా ఆకట్టుకున్న సిరీస్ల్లో మీర్జాపూర్ ఒకటి. ఇప్పుడు మూడో సీజన్ స్ట్రీమింగ్ అవుతోంది. -
రివ్యూ: ‘గురువాయూర్ అంబలనాదయిల్’.. మలయాళ బ్లాక్ బస్టర్ ఎలా ఉంది?
Guruvayoor Ambalanadayil Review: పృథ్వీరాజ్ సుకుమార్, బసిల్ జోసెఫ్ కీలక పాత్రల్లో విపిన్ దాస్ దర్శకత్వం వహించిన ‘గురువాయూర్ అంబలనాదయిల్’ ఎలా ఉందంటే? -
రివ్యూ: ‘కల్కి 2898 ఏడీ’.. ప్రభాస్ సైన్స్ ఫిక్షన్ మూవీ ఎలా ఉంది?
kalki 2898 ad review in telugu: ప్రభాస్ కథానాయకుడిగా నాగ్ అశ్విన్ దర్శకత్వంలో వచ్చిన ఎపిక్ సైన్స్ ఫిక్షన్ యాక్షన్ మూవీ ప్రేక్షకులను మెప్పించిందా? -
రివ్యూ: యక్షిణి.. సోషియో ఫాంటసీ వెబ్సిరీస్ ఎలా ఉంది?
Yakshini review in telugu: వేదిక, రాహుల్ విజయ్, మంచు లక్ష్మీ, అజయ్ కీలక పాత్రల్లో నటించిన ‘యక్షిణి’ వెబ్సిరీస్ ఎలా ఉందంటే? -
రివ్యూ: పరువు.. నివేదా పేతురాజ్ నటించిన వెబ్సిరీస్ ఎలా ఉందంటే?
హీరోయిన్ నివేదా పేతురాజ్ (Nivetha Pethuraj), నటుడు నరేశ్ అగస్త్య (Naresh Agastya), నాగబాబు (Nagababu) ప్రధాన పాత్రల్లో రూపొందిన వెబ్సిరీస్ ‘పరువు’ (paruvu). ‘జీ 5’లో విడుదలైన ఈ సిరీస్ రివ్యూ మీకోసం.. -
రివ్యూ: హరోం హర.. సుధీర్బాబు ఖాతాలో హిట్ పడిందా?
సుధీర్బాబు, మాళవిక శర్మ, సునీల్ కీలక పాత్రల్లో నటించిన ‘హరోం హర’ మూవీ ప్రేక్షకులను మెప్పించిందా? -
రివ్యూ: మహారాజ.. విజయ్ సేతుపతి 50వ మూవీ మెప్పించిందా?
Maharaja Review: వైవిధ్యమైన పాత్రలతో అలరిస్తున్న విజయ్సేతుపతి కెరీర్లో 50వ చిత్రం ‘మహారాజ’. తాజాగా ప్రేక్షకుల ముందుకు వచ్చిన ఈ సినిమా ఎలా ఉంది? ఏ మేరకు మెప్పించింది? -
రివ్యూ: మిరల్.. ‘ప్రేమిస్తే’ భరత్ నటించిన చిత్రం భయపెట్టిందా?
ప్రేమిస్తే సినిమా హీరో భరత్ నటించిన హారర్ థ్రిల్లర్ మూవీ ‘మిరల్’. ఓటీటీ ‘ఆహా’లో స్ట్రీమింగ్ అవుతోంది. రివ్యూ మీకోసం.. -
రివ్యూ: కల్కి.. టొవినో థామస్ యాక్షన్ ఫిల్మ్ ఎలా ఉంది?
మలయాళంలో మంచి టాక్ సొంతం చేసుకున్న టొవినో థామస్ యాక్షన్ ఫిల్మ్ ‘కల్కి’ మెప్పించిందా? -
రివ్యూ: మనమే.. శర్వానంద్, కృతిశెట్టిల మూవీ ఎలా ఉంది?
Manamey Movie Review: శర్వానంద్, కృతిశెట్టి జంటగా, శ్రీరామ్ ఆదిత్య దర్శకత్వంలో ఫ్యామిలీ రొమాంటిక్ డ్రామా మెప్పించిందా? -
రివ్యూ: సత్యభామ.. కాజల్ క్రైమ్ థ్రిల్లర్ మూవీ టాక్ ఏంటి?
కాజల్ ప్రధాన పాత్రలో సుమన్ చిక్కాల దర్శకత్వంలో వచ్చిన క్రైమ్, యాక్షన్ థ్రిల్లర్ మూవీ మెప్పించిందా? -
రివ్యూ: మిస్టర్ అండ్ మిసెస్ మహి: జాన్వీకపూర్ స్పోర్ట్స్ డ్రామా మెప్పించిందా?
Mr And Mrs Mahi Review: రాజ్కుమార్ రావ్, జాన్వీ కపూర్ జంటగా శరణ్ శర్మ తెరకెక్కించిన స్పోర్ట్స్ డ్రామా ఎలా ఉంది? -
రివ్యూ: కీచురాళ్ళు.. మలయాళ థ్రిల్లర్ తెలుగు ప్రేక్షకులను మెప్పించిందా?
మలయాళంలో విజయవంతమైన ‘కీడమ్’ సినిమా ఓటీటీ ‘ఈటీవీ విన్’లో ‘కీచురాళ్ళుగా’ స్ట్రీమింగ్ అవుతోంది. ఎలా ఉందంటే? -
రివ్యూ: గం గం.. గణేశా.. ఆనంద్ దేవరకొండ క్రైమ్ కామెడీ మూవీ మెప్పించిందా?
Gam Gam Ganesha Review: ఆనంద్ దేవరకొండ, ప్రగతి శ్రీవాస్తవ జంటగా నటించిన మూవీ ఎలా ఉంది? -
రివ్యూ: భజే వాయు వేగం.. కార్తికేయ హిట్ కొట్టారా?
కార్తికేయ గుమ్మకొండ హీరోగా నూతన దర్శకుడు ప్రశాంత్ రెడ్డి తెరకెక్కించిన చిత్రం ‘భజే వాయు వేగం’. శుక్రవారం ప్రేక్షకుల ముందుకొచ్చిన ఈ సినిమా ఎలా ఉందంటే?
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
జేడీ వాన్స్ వ్యాఖ్యలు వైరల్.. తీవ్రంగా ఖండించిన ప్రముఖ నటి
-
మా బంధం ఎంతో స్పెషల్: కొత్త కోచ్ గంభీర్పై స్కై వ్యాఖ్యలు
-
సౌదీ అరేబియాలో దుర్భర జీవితం.. బాధితుడిని కాపాడిన మంత్రి లోకేశ్
-
అగ్నిపథ్ పథకంపై విపక్షాల విమర్శలు.. ఖండించిన మోదీ
-
మెక్సికన్ డ్రగ్ లార్డ్ ఇస్మాయిల్ ‘ఎల్ మాయో’ జంబాడ అరెస్ట్
-
26 మంది హత్య.. మృతదేహాలను నదిలోకి ఈడ్చుకెళ్లిన మొసళ్లు..!