Mission Raniganj: రివ్యూ: మిషన్ రాణిగంజ్.. జస్వంత్సింగ్గా అక్షయ్ చేసిన సాహసం
బాలీవుడ్ హీరో అక్షయ్ కుమార్ నటించిన ‘మిషన్ రాణిగంజ్’ ఓటీటీ ‘నెట్ఫ్లిక్స్’లో విడుదలైంది. ఈ సినిమా ఎలా ఉందంటే?
Mission Raniganj review; చిత్రం: మిషన్ రాణిగంజ్: ది గ్రేట్ భారత్ రెస్క్యూ; తారాగణం: అక్షయ్ కుమార్, పరిణీతి చోప్రా, రవికిషన్, కుముద్ మిశ్రా, పవన్ మల్హోత్ర తదితరులు; నేపథ్య సంగీతం: సందీప్ శిరోడ్కర్; ఛాయాగ్రహణం: అసీమ్ మిశ్రా; కూర్పు: ఆరిఫ్ షేక్; నిర్మాణ సంస్థలు: పూజ ఎంటర్టైన్మెంట్, ఏకే ప్రొడక్షన్స్; సంభాషణలు: దీపక్; స్క్రీన్ప్లే: విపుల్ కె. రావల్; దర్శకత్వం: టిను సురేశ్ దేశాయ్; ఓటీటీ ప్లాట్ఫామ్: నెట్ఫ్లిక్స్.
వాస్తవ సంఘటనల ఆధారంగా తెరకెక్కిన సినిమాలు ఇటీవల విరివిగా వస్తున్నాయి. ఆ జాబితాలోనిదే ‘మిషన్ రాణిగంజ్’ (Mission Raniganj). బాలీవుడ్ అగ్ర నటుడు అక్షయ్ కుమార్ (akshay kumar) ప్రధాన పాత్ర పోషించిన ఈ సినిమా అక్టోబరు 6న థియేటర్లలో విడుదలకాగా తాజాగా ఓటీటీ ‘నెట్ఫ్లిక్స్’ (Mission Raniganj on Netflix)లోకి వచ్చింది. మరి, సినిమా ఎలా ఉంది? తెలుగు ప్రేక్షకులను మెప్పించగలిగిందా? తెలుసుకుందాం (Mission Raniganj Review)..
కథేంటంటే: అది 1989. రాణిగంజ్ (పశ్చిమ బెంగాల్) బొగ్గు గనుల్లో మైనింగ్ పనులు జరుగుతుండగా ఒక్కసారిగా వరద ముంచెత్తుతుంది. ఆ ప్రమాదాన్ని గుర్తించిన వందలాది కార్మికులు బయటపడగా 65మంది కార్మికులు అక్కడే చిక్కుకుపోతారు. వారిని కాపాడేందుకు మైనింగ్ ఇంజినీర్, రెస్క్యూ ట్రైన్డ్ ఆఫీసర్ జస్వంత్సింగ్ గిల్ (అక్షయ్ కుమార్) రంగంలోకి దిగుతాడు. తన ప్రాణాన్ని సైతం పణంగా పెట్టి ఆ కార్మికులను బయటకు తీసుకొచ్చేందుకు ప్రయత్నిస్తాడు. ఈ క్రమంలో ఆయనకు ఎదురైన సవాళ్లేంటి? అందరూ క్షేమంగా బయటపడ్డారా, లేదా? అనేది తెరపై చూసి తెలుసుకోవాల్సిందే (Mission Raniganj Review in Telugu).
ఎలా ఉందంటే: మైనింగ్ ఇంజినీర్ జస్వంత్సింగ్ గిల్ సాహసానికి అద్దం పట్టే చిత్రమిది. ఆయన గురించి ఈతరం వారికి తెలియజేయాలన్న దర్శక, రచయితల ఆలోచన అభినందించదగ్గది. ఆయన గురించి మరింత తెసుకుకోవాలనే ఆసక్తిని ప్రేక్షకుడికి కలిగించారు. ప్రారంభంలో హీరో ఎలివేషన్ సీన్, వెంటనే ఓ పాట రావడంతో కమర్షియల్ సినిమానా? అనే సందేహం కలుగుతుంది! కార్మికులు గనుల్లో చిక్కుకున్నారనే విషయం తెలియగానే జస్వంత్ సింగ్ రంగంలోకి దిగే సన్నివేశం నుంచి కథ కాస్త వేగం పుంజుకుంటుంది. 350 అడుగుల లోతులో ప్రాణాలు అరచేతపట్టుకుని ఉన్న కార్మికుల ఆర్తనాదాలు ప్రేక్షకుడి హృదయాన్ని కదిలిస్తాయి. ఎవరైనా ఓ మంచి పనిచేసేందుకు ముందడుగేస్తే ఏ రంగంలోనైనా పై అధికారుల నుంచో, చుట్టు పక్కల వారి నుంచో వ్యతిరేకత ఎదురవుతుంది. కార్మికులను ఎలాగైనా బయటకు తీసుకురావాలని సంకల్పించిన జస్వంత్సింగ్ గిల్కూ ఇదే పరిస్థితి తలెత్తుతుంది. ఆ నెగెటివిటీని పట్టించుకోకుండా జస్వంత్ తన ప్రణాళికలను ఆచరణలో పెట్టడం, ‘వరదలో చిక్కుకుపోయిన వారంతా చనిపోయి ఉంటారు’ అని ఇతర అధికారులు అనుమానం వ్యక్తం చేసినా తాను నమ్మకంతో ముందుకెళ్లడం.. ఇలా రెస్క్యూను ప్రారంభించే సన్నివేశాలు ఆసక్తికరంగా సాగుతాయి. ఇలాంటి చిత్రాలకు స్క్రీన్ప్లే ప్రధాన పాత్ర పోషిస్తుంది. కానీ, ఈ సినిమా విషయంలో అదే మైనస్ అనిపిస్తుంది. బాహ్య ప్రపంచానికి దూరంగా ఉన్న కార్మికుల అవస్థలను చూపిస్తూనే..రెస్క్యూ ఎలా సాగుతుందో చూపించి ఉంటే బాగుండేది. అలా కాకుండా అదో పార్ట్, ఇదో పార్ట్ అన్నట్లు విడివిడిగా చూపించడంతో కనెక్టివిటీ మిస్ అయింది. గ్రాఫిక్స్ కూడా ఓ డ్రాబ్యాక్గా నిలిచింది. ఇంటర్వెల్ సీన్ ద్వితీయార్ధంపై ఆసక్తి రేకెత్తిస్తుంది (Mission Raniganj Review in Telugu).
సెకండాఫ్ను భావోద్వేగం ప్రధానంగా తీర్చిదిద్దారు. 48 గంటల్లోగా రెస్క్యూ పూర్తి చేయాల్సిన ఘట్టం ఉత్కంఠగా సాగుతుంది. కోల్ఫీల్డ్స్లో పనిచేసే కార్మికుల కష్టాలు ఎలా ఉంటాయో, ఇలాంటి విపత్కర పరిస్థితుల్లో ఆయా సంస్థలు ఎలా స్పందిస్తాయో.. కళ్లకు కట్టినట్లు చూపించారు. సదరు కార్మికులను తీసుకొచ్చేందుకు జస్వంత్సింగ్ గనుల్లోకి వెళ్లడం, ఒక్కో కార్మికుడు బయటకు వస్తుంటే కుటుంబం భావోద్వేగానికి గురవడం.. ఇలా రెస్క్యూలో చోటుచేసుకునే పరిణామాలు హృదయాన్ని హత్తుకుంటాయి. రియల్ జస్వంత్సింగ్కు సంబంధించిన పలు దృశ్యాలతో క్లైమాక్స్ను తీర్చిదిద్దిన తీరు ప్రేక్షకుడికి మంచి అనుభూతి కలిగిస్తుంది. ముగింపులోనూ అవసరంలేకపోయినా ఓ పాటను జొప్పించడం వృథా ప్రయాసే! ప్రస్తుతానికి హిందీలోనే స్ట్రీమింగ్ అవుతోంది. త్వరలోనే ఇతర భాషల ఆడియో అందుబాటులోకి వచ్చే అవకాశాలున్నాయి. అయితే, తెలుగు ప్రేక్షకులకు ఈ కథ పరిచయమే. నందమూరి బాలకృష్ణ హీరోగా వచ్చిన ‘నిప్పురవ్వ’ (1993) ఈ తరహా నేపథ్యంలో రూపొందిందే (Mission Raniganj Review in Telugu).
ఎవరెలా చేశారంటే: జస్వంత్సింగ్ గిల్గా అక్షయ్ కుమార్ ఒదిగిపోయారు. ఆయన లుక్, నటన ఆకట్టుకుంటాయి. తెరపై ఎక్కువగా ఆయన కనిపిస్తారు. జస్వంత్సింగ్ భార్యగా పరిణీతి చోప్రా నటించారు. చాలా తక్కువ నిడివి ఉన్న పాత్ర ఆమెది. ఉన్నంత మేరకు ఓకే అనిపిస్తారు. గనుల్లో చిక్కుకున్న కార్మికులుగా ప్రముఖ నటుడు రవికిషన్, వరుణ్ బదోలా తదితరులు పరిధి మేరకు నటించారు(Mission Raniganj Review in Telugu).
సాంకేతికంగా ఎలా ఉందంటే: ఐదుగురు సంగీత దర్శకులు సంయుక్తంగా రెండు పాటలకు బాణీలు అందించారు. ఆ పాటలు లేకపోయినా సినిమాకు వచ్చే నష్టమేమీ లేదు. సందీప్ శిరోడ్కర్ అందించిన నేపథ్య సంగీతం ఆయా సన్నివేశాలకు బలాన్నిచ్చింది. ఆసీమ్ మిశ్రా సినిమాటోగ్రఫీ బాగుంది. రెస్క్యూ ప్లాన్ సిద్ధం చేసుకునే క్రమంలో అక్షయ్ పెట్టుకున్న కళ్లజోడులో ఆ విజువల్స్ (ప్లానింగ్ గ్రాఫ్) కనిపించే తీరు వావ్ అనిపిస్తుంది. ఎడిటర్ ఆరిఫ్ షేక్ పాటలను కట్ చేసి ఉంటే ఇంకా బాగుండేది. విపుల్ కె. రావల్ స్క్రీన్ప్లే వర్కౌట్ కాలేదు. నిర్మాణ లోపం చాలా సన్నివేశాల్లో కనిపిస్తుంది. దాదాపు ఏడేళ్ల విరామం అనంతరం టిను సురేశ్ దేశాయ్ దర్శకత్వం వహించిన చిత్రమిదే. టేకింగ్లో ఆ ప్రభావం కనిపించింది! (Mission Raniganj Review in Telugu). టిను గత చిత్రం ‘రుస్తమ్’ (2016). అందులోనూ అక్షయ్ కుమారే హీరో.
- బలాలు
- + అక్షయ్ నటన
- + ద్వితీయార్ధంలో భావోద్వేగాలు
- బలహీనతలు
- - స్క్రీన్ప్లే
- - గ్రాఫిక్స్
- చివరిగా: జస్వంత్సింగ్ గిల్ సాహసం చూడాలనుకుంటే ‘మిషన్ రాణిగంజ్’ను ప్రయత్నించొచ్చు (Mission Raniganj Review in Telugu)!
- గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ‘రాయన్’.. ధనుష్ 50వ చిత్రం ప్రేక్షకులను మెప్పించిందా?
ధనుష్ స్వీయ దర్శకత్వంలో రూపొందిన యాక్షన్ థ్రిల్లర్ ‘రాయన్’ ఎలా ఉంది? తెలుగు ప్రేక్షకులను అలరించిందా? -
రివ్యూ: పురుషోత్తముడు.. రాజ్తరుణ్ ఖాతాలో హిట్ పడిందా?
రాజ్తరుణ్ కథానాయకుడిగా రామ్ భీమన దర్శకత్వంలో రూపొందిన ‘పురుషోత్తముడు’ మూవీ ప్రేక్షకులను అలరించిందా? -
రివ్యూ: బహిష్కరణ.. అంజలి వేశ్యగా నటించిన వెబ్సిరీస్ ఎలా ఉందంటే?
హీరోయిన్ అంజలి, శ్రీతేజ ప్రధాన పాత్రల్లో రూపొందిన వెబ్సిరీస్ ‘బహిష్కరణ’. ‘జీ 5’లో స్ట్రీమింగ్ అవుతున్న ఈ సిరీస్ రివ్యూ మీకోసం.. -
రివ్యూ: బ్యాడ్ న్యూజ్.. విక్కీ కౌశల్, త్రిప్తి దిమ్రీ మూవీ అలరించిందా?
Bad Newz movie review: విక్కీ కౌశల్, త్రిప్తి దిమ్రీ కీలక పాత్రల్లో నటించిన రొమాంటిక్ ఎంటర్టైన్ ఎలా ఉంది? -
రివ్యూ: డార్లింగ్.. ప్రియదర్శి, నభానటేష్ల కామెడీ ఎంటర్టైనర్ మెప్పించిందా?
ప్రియదర్శి, నభానటేష్ జంటగా నటించిన రొమాంటిక్, కామెడీ ఎంటర్టైనర్ ఎలా ఉందంటే? -
రివ్యూ: భారతీయుడు2.. కమల్, శంకర్ కాంబో మరోసారి హిట్ అయిందా?
indian 2 review: కమల్హాసన్, సిద్ధార్థ్, రకుల్ కీలక పాత్రల్లో శంకర్ దర్శకత్వంలో రూపొందిన ‘భారతీయుడు2’ తెలుగు ప్రేక్షకులను మెప్పించిందా? -
రివ్యూ: ధూమం.. ఫహద్ ఫాజిల్ నటించిన థ్రిల్లర్ ఎలా ఉంది?
ఫహద్ ఫాజిల్, అపర్ణా బాలమురళి కీలక పాత్రల్లో నటించిన ‘ధూమం’ ఎలా ఉంది? తెలుగు ప్రేక్షకులకు నచ్చుతుందా? -
రివ్యూ: శశి మథనం.. ప్రేమికుడు ఎరక్కపోయి ఇరుక్కుంటే?
సోనియా సింగ్, పవన్ సిద్ధు నటించిన వెబ్సిరీస్ ఎలా ఉందంటే! -
రివ్యూ: వెబ్సిరీస్: మీర్జాపూర్ సీజన్-3.. క్రైమ్, యాక్షన్ సిరీస్-3 మెప్పించిందా?
Mirzapur Season 3 Review: యువతను విశేషంగా ఆకట్టుకున్న సిరీస్ల్లో మీర్జాపూర్ ఒకటి. ఇప్పుడు మూడో సీజన్ స్ట్రీమింగ్ అవుతోంది. -
రివ్యూ: ‘గురువాయూర్ అంబలనాదయిల్’.. మలయాళ బ్లాక్ బస్టర్ ఎలా ఉంది?
Guruvayoor Ambalanadayil Review: పృథ్వీరాజ్ సుకుమార్, బసిల్ జోసెఫ్ కీలక పాత్రల్లో విపిన్ దాస్ దర్శకత్వం వహించిన ‘గురువాయూర్ అంబలనాదయిల్’ ఎలా ఉందంటే? -
రివ్యూ: ‘కల్కి 2898 ఏడీ’.. ప్రభాస్ సైన్స్ ఫిక్షన్ మూవీ ఎలా ఉంది?
kalki 2898 ad review in telugu: ప్రభాస్ కథానాయకుడిగా నాగ్ అశ్విన్ దర్శకత్వంలో వచ్చిన ఎపిక్ సైన్స్ ఫిక్షన్ యాక్షన్ మూవీ ప్రేక్షకులను మెప్పించిందా? -
రివ్యూ: యక్షిణి.. సోషియో ఫాంటసీ వెబ్సిరీస్ ఎలా ఉంది?
Yakshini review in telugu: వేదిక, రాహుల్ విజయ్, మంచు లక్ష్మీ, అజయ్ కీలక పాత్రల్లో నటించిన ‘యక్షిణి’ వెబ్సిరీస్ ఎలా ఉందంటే? -
రివ్యూ: పరువు.. నివేదా పేతురాజ్ నటించిన వెబ్సిరీస్ ఎలా ఉందంటే?
హీరోయిన్ నివేదా పేతురాజ్ (Nivetha Pethuraj), నటుడు నరేశ్ అగస్త్య (Naresh Agastya), నాగబాబు (Nagababu) ప్రధాన పాత్రల్లో రూపొందిన వెబ్సిరీస్ ‘పరువు’ (paruvu). ‘జీ 5’లో విడుదలైన ఈ సిరీస్ రివ్యూ మీకోసం.. -
రివ్యూ: హరోం హర.. సుధీర్బాబు ఖాతాలో హిట్ పడిందా?
సుధీర్బాబు, మాళవిక శర్మ, సునీల్ కీలక పాత్రల్లో నటించిన ‘హరోం హర’ మూవీ ప్రేక్షకులను మెప్పించిందా? -
రివ్యూ: మహారాజ.. విజయ్ సేతుపతి 50వ మూవీ మెప్పించిందా?
Maharaja Review: వైవిధ్యమైన పాత్రలతో అలరిస్తున్న విజయ్సేతుపతి కెరీర్లో 50వ చిత్రం ‘మహారాజ’. తాజాగా ప్రేక్షకుల ముందుకు వచ్చిన ఈ సినిమా ఎలా ఉంది? ఏ మేరకు మెప్పించింది? -
రివ్యూ: మిరల్.. ‘ప్రేమిస్తే’ భరత్ నటించిన చిత్రం భయపెట్టిందా?
ప్రేమిస్తే సినిమా హీరో భరత్ నటించిన హారర్ థ్రిల్లర్ మూవీ ‘మిరల్’. ఓటీటీ ‘ఆహా’లో స్ట్రీమింగ్ అవుతోంది. రివ్యూ మీకోసం.. -
రివ్యూ: కల్కి.. టొవినో థామస్ యాక్షన్ ఫిల్మ్ ఎలా ఉంది?
మలయాళంలో మంచి టాక్ సొంతం చేసుకున్న టొవినో థామస్ యాక్షన్ ఫిల్మ్ ‘కల్కి’ మెప్పించిందా? -
రివ్యూ: మనమే.. శర్వానంద్, కృతిశెట్టిల మూవీ ఎలా ఉంది?
Manamey Movie Review: శర్వానంద్, కృతిశెట్టి జంటగా, శ్రీరామ్ ఆదిత్య దర్శకత్వంలో ఫ్యామిలీ రొమాంటిక్ డ్రామా మెప్పించిందా? -
రివ్యూ: సత్యభామ.. కాజల్ క్రైమ్ థ్రిల్లర్ మూవీ టాక్ ఏంటి?
కాజల్ ప్రధాన పాత్రలో సుమన్ చిక్కాల దర్శకత్వంలో వచ్చిన క్రైమ్, యాక్షన్ థ్రిల్లర్ మూవీ మెప్పించిందా? -
రివ్యూ: మిస్టర్ అండ్ మిసెస్ మహి: జాన్వీకపూర్ స్పోర్ట్స్ డ్రామా మెప్పించిందా?
Mr And Mrs Mahi Review: రాజ్కుమార్ రావ్, జాన్వీ కపూర్ జంటగా శరణ్ శర్మ తెరకెక్కించిన స్పోర్ట్స్ డ్రామా ఎలా ఉంది? -
రివ్యూ: కీచురాళ్ళు.. మలయాళ థ్రిల్లర్ తెలుగు ప్రేక్షకులను మెప్పించిందా?
మలయాళంలో విజయవంతమైన ‘కీడమ్’ సినిమా ఓటీటీ ‘ఈటీవీ విన్’లో ‘కీచురాళ్ళుగా’ స్ట్రీమింగ్ అవుతోంది. ఎలా ఉందంటే?
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
కమలా.. మా మద్దతు మీకే
-
మంచి దొంగ!.. చోరీకొచ్చి.. నీళ్లు తాగి.. డబ్బులు పెట్టి
-
అతివేగం తీసింది ఇద్దరి ప్రాణం.. సాఫ్ట్వేర్ ఉద్యోగుల దుర్మరణం
-
గంజాయి మత్తులో దించి అత్యాచారానికి పాల్పడి.. సహకరించిన భార్య
-
నేటి రాశి ఫలాలు.. 12 రాశుల ఫలితాలు ఇలా... (27/07/24)
-
పావలా శ్యామలకు సాయిధరమ్ తేజ్ ఆర్థిక సాయం.. కన్నీరుపెట్టుకున్న నటి