My Dear Donga Review: రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం..
My Dear Donga Review; చిత్రం: మై డియర్ దొంగ; నటీనటులు: అభినవ్ గోమఠం, షాలిని కొండెపూడి, నిఖిల్ గాజుల, దివ్య శ్రీపాద, శశాంక్ మండూరి, వంశీధర్ గౌడ్; రచన: శాలిని కొండెపూడి; దర్శకత్వం: బి.ఎస్. సర్వజ్ఞ కుమార్; ఓటీటీ ప్లాట్ఫామ్: ఆహా.
ఓటీటీ ఆడియన్స్ను టార్గెట్ చేసుకుని ఇటీవల కొన్ని సినిమాలు రూపొందుతున్నాయి. ఆ జాబితాలోని ‘మై డియర్ దొంగ’ (My Dear Donga) విడుదలైంది. అభినవ్ గోమఠం (Abhinav Gomatam), షాలిని కొండెపూడి (Shalini Kondepudi) ప్రధాన పాత్రల్లో తెరకెక్కిన ఈ సినిమా ప్రముఖ తెలుగు ఓటీటీ ‘ఆహా’ (Aha)లో స్ట్రీమింగ్ అవుతోంది. ఈ మూవీ స్టోరీ ఏంటి? ఎలా ఉందంటే? (My Dear Donga Review)..
కథేంటంటే?: ఓ డేటింగ్ యాప్నకు కాపీ రైటర్గా పనిచేసే సుజాత (షాలిని), డాక్టర్ విశాల్ (నిఖిల్ గాజుల) ప్రేమికులు. తొలుత బాగానే ఉన్నా కొంతకాలం తర్వాత విశాల్లో మార్పు వచ్చిందని సుజాత భావిస్తుంది. డ్యాన్స్ క్లాస్, యోగా శిక్షణ.. ఇలా ఎక్కడికి పిలిచినా బిజీ అని చెబుతున్నాడంటూ ఫీలైపోతుంటుంది. ఈ క్రమంలోనే సురేశ్ (అభినవ్ గోమఠం) ఆమె ఫ్లాట్లో చోరీ చేసేందుకు వెళ్తాడు. అదే సమయానికి షాలిని బర్త్డే సెల్రబేషన్ చేసేందుకు స్నేహితులు బుజ్జి (దివ్య శ్రీపాద), వరుణ్ (శశాంక్ మండూరి), విశాల్ ఆమె ఇంటి వస్తారు. అప్పటికే సురేశ్తో కాసేపు మాట్లాడిన సుజాత.. అతడిని తన చిన్ననాటి స్నేహితుడిగా వారికి పరిచయం చేస్తుంది. సురేశ్.. సుజాత ఇంట్లో ఏ వస్తువు చోరీ చేశాడు? అసలు.. దొంగ అని తెలిసినా సుజాత.. సురేశ్తో ఎందుకు పరిచయం పెంచుకుంది? వారి కుటుంబ నేపథ్యాలేంటి? విశాల్ పోలీసుస్టేషన్కు వెళ్లడానికి కారణమేంటి? అనేది సినిమా చూసి తెలుసుకోవాల్సిందే (My Dear Donga Review in Telugu).
ఎలా ఉందంటే?: ఓ హీరోయిన్.. ఇద్దరు హీరోలు.. ప్రేమ.. చివరికి ఎవరో ఒకరు ఫీలవడం.. ఈ టెంప్లేట్ ఎన్నో సినిమాల్లో చూసేందే. ఇది ఆ ఫార్మాట్లో సాగే స్టోరీనే. కానీ, కామెడీ ప్రధానంగా తీర్చిదిద్దడంతో ప్రత్యేకంగా నిలిచింది. ఒకట్రెండు సన్నివేశాలు మినహా సినిమా ఆద్యంతం నవ్వులు పూయిస్తుంది. లగ్జరీ అవసరం లేదు.. చిన్న చిన్న ఆనందాలే జీవితం అనుకునే యువతి సుజాత కథ ఇది. ఆమె ప్రేమ కథలను నేరుగా చెప్పకుండా.. ఓ హోటల్లో వెయిటర్కు సుజాత తన బ్యాక్ స్టోరీలను తానే వివరించడం ఆసక్తి కలిగిస్తుంది. ఈ సినిమా కథను తానే స్వయంగా రాయడం విశేషం. ఆమె చేసే ఉద్యోగ ప్రస్తావన, స్నేహితులు, ప్రేమికుడు విశాల్ పరిచయ సన్నివేశాలు నెమ్మదిగా సాగినా.. సుజాత ఫ్లాట్లోకి సురేశ్ ప్రవేశించడం నుంచి కథలో వేగం పుంజుకుంటుంది. అభినవ్ తనదైన మార్క్ హావభావాలతో అలరించారు. తమ కుటుంబాల గురించి సుజాత, సురేశ్ ఒకరికొకరు వివరించే తీరు కన్ఫ్యూజ్ క్రియేట్ చేస్తుంది. ఆ ఎమోషనల్ సీన్స్ను ఇంకా బలంగా చూపించి ఉంటే బాగుండేది. సుజాత పుట్టిన రోజు ఇతివృత్తంగా రాసిన సీన్స్ కడుపుబ్బా నవ్విస్తాయి. సర్ప్రైజ్ చేసేందుకు ఇంటికొచ్చిన బుజ్జి, వరుణ్, విశాల్లకు సుజాత.. సురేశ్ను తన ఫ్రెండ్గా పరిచయం చేయడం, మెకానికల్ ఇంజినీర్గా సురేశ్ వారిని నమ్మించేందుకు ప్రయత్నించడం చూస్తే నవ్వాగదు (My Dear Donga Review).
సురేశ్ గురించి అసలు విషయం తెలుసుకున్న విశాల్ ఏం చేశాడనేది సెకండాఫ్లో ప్రధానాంశం. సురేశ్ను ఇరికించాలని ప్రయత్నించి తాను పోలీసుకు చిక్కడం, అందుకు సుజాత ఫైర్ అవ్వడం.. ఇలా ప్రతి ఎపిసోడ్ను ప్రేక్షకుడిని నవ్వించాలనే లక్ష్యంతోనే రూపొందించారు. ప్రీ క్లైమాక్స్ సీన్స్ను ఎమోషనల్గా రూపొందించినా క్లైమాక్స్ను కామెడీ ట్రాక్లోనే పెట్టారు.
ఎవరెలా చేశారంటే?: సుజాతగా షాలిని ఒదిగిపోయారు. కొన్ని సీన్స్లో ఎక్స్ప్రెషన్స్తోనూ ఆమె ఆకట్టుకున్నారు. ఆమెను ప్రేమించిన డాక్టర్ విశాల్గా నిఖిల్ ఫర్వాలేదనిపించారు. దివ్య శ్రీపాద, ఆమె లవర్గా నటించిన శశాంక్, వెయిటర్గా నటించిన వంశీధర్ గౌడ్ ఓకే అనిపిస్తారు. ఎప్పటిలానే అభినవ్ తన కామెడీతో గిలిగింతలు పెట్టారు. సాంకేతిక విభాగానికొస్తే.. నేటి ప్రేమికుల మనస్తత్వం ఎలా ఉందో తనదైన శైలిలో చెప్పే ప్రయత్నం చేశారు షాలిని. ఆమె రాసిన కథను అంతే చక్కగా తెరపైకి తీసుకొచ్చారు సర్వజ్ఞ కుమార్. మ్యూజిక్, సినిమాటోగ్రఫీ, ఎడిటింగ్ ఓకే (My Dear Donga Review).
కుటుంబంతో కలిసి చూడొచ్చా?: ఓటీటీని దృష్టిలో పెట్టుకుని తెరకెక్కించే కంటెంట్ అనగానే అందులో డబుల్ మీనింగ్స్ డైలాగ్స్, అసభ్య సన్నివేశాలు ఉంటాయనేది చాలామంది అభిప్రాయం. ఇందులో ఎలాంటి అసభ్యతకు తావులేదు. ఫ్యామితో కలిసి చూడదగ్గ చిత్రమిది. నిడివి కూడా తక్కువే
- బలాలు:
- + శాలిని, అభినవ్ గోమఠం నటన
- + కామెడీ
- బలహీనతలు:
- - అక్కడక్కడా స్లో నెరేషన్
- చివరిగా: ఈ ‘దొంగ’.. కామెడీతో ప్రేక్షకుల మనసు దోచుకుంటాడు! (My Dear Donga Review in Telugu)
- గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: శబరి.. వరలక్ష్మీ శరత్కుమార్ నటించిన థ్రిల్లర్ ఎలా ఉంది?
sabari movie review in telugu: వరలక్ష్మీ శరత్కుమార్, గణేశ్ వెంట్రామన్ కీలక పాత్రల్లో నటించిన ‘శబరి’ మెప్పించిందా? -
రివ్యూ: ప్రసన్నవదనం.. సుహాస్ ఖాతాలో హిట్ పడిందా?
సుహాస్ కీలక పాత్రలో ఫేస్ బ్లైండ్నెస్ కాన్సెప్ట్తో రూపొందిన థ్రిల్లర్ మూవీ ఎలా ఉంది. -
రివ్యూ హీరామండి: ది డైమండ్ బజార్.. సంజయ్లీలా భన్సాలీ ఫస్ట్ వెబ్సిరీస్ ఎలా ఉంది?
భారీ తారాగణంతో సంజయ్లీలా భన్సాలీ దర్శకత్వంలో రూపొందిన వెబ్సిరీస్ మెప్పించిందా? -
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?
విద్యుత్ జమ్వాల్ నటించిన స్పోర్ట్స్ యాక్షన్ మూవీ ‘క్రాక్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతోంది. -
రివ్యూ: రత్నం.. విశాల్ నటించిన యాక్షన్ డ్రామా మెప్పించిందా?
Rathnam movie review: విశాల్ కథానాయకుడిగా హరి దర్శకత్వంలో వచ్చిన యాక్షన్ ఫిల్మ్ తెలుగు ప్రేక్షకులను మెప్పించిందా? -
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా?
తాజా వార్తలు (Latest News)
-
ఓటమి లేదా టై.. మేం ఊహించిన ఫలితమిదే: థ్రిల్లింగ్ విక్టరీపై నితీశ్ రెడ్డి
-
బెంగాల్ గవర్నర్పై లైంగిక వేధింపుల ఆరోపణలు.. స్పందించిన రాజ్భవన్
-
‘ఆడబిడ్డలు ఓడిపోయారు.. అతడే గెలిచాడు’: బ్రిజ్ భూషణ్ కుమారుడికి టికెట్పై సాక్షి పోస్ట్
-
శంషాబాద్లో ప్రయాణికులను వదిలేసి వెళ్లిన విమానాలు!
-
లాభాల్లో సూచీలు.. 75,000 ఎగువకు సెన్సెక్స్.. 22,750 పైన నిఫ్టీ
-
భారత్పై బైడెన్కు అమితమైన గౌరవం: శ్వేతసౌధం