Monica O My Darling Movie review: రివ్యూ: మోనికా ఓ మై డార్లింగ్
రాజ్కుమార్రావు, హ్యుమాఖురేషి, రాధికా ఆప్టే కీలక పాత్రల్లో నటించిన మోనికా ఓ మై డార్లింగ్ ఎలా ఉంది?
చిత్రం: మోనికా ఓ మై డార్లింగ్; నటీనటులు: రాజ్కుమార్ రావ్, హ్యుమా ఖురేషి, రాధికా ఆప్టే, సికందర్ ఖేర్, సుకాంత్ గోయెల్, ఆకాంక్ష రంజన్ కపూర్, భగవతి పెరుమాళ్, జైన్ మేరీ తదితరులు; సంగీతం: అచింత్ థక్కర్; నిర్మాత: సరితా పాటిల్, సంజయ్ రౌత్రాయ్, విశాల్ బజాజ్; సినిమాటోగ్రఫీ: స్వప్నిల్ సోనావానే, సుఖేష్ విశ్వనాథ్; ఎడిటింగ్: అతాను ముఖర్జీ; దర్శకుడు : వాసన్ బాల; విడుదల:నెట్ ఫ్లిక్స్
ప్రస్తుతం ప్రతి సినిమా థియేటర్లో ప్రేక్షకుల ముందుకు వచ్చేందుకు అవకాశాలు పుష్కలంగా ఉన్నా.. కొన్ని చిత్రాలు మాత్రం నేరుగా ఓటీటీవైపే మొగ్గు చూపుతున్నాయి. అలా తాజాగా ఓటీటీలో వచ్చిన చిత్రం ‘మోనికా ఓ మై డార్లింగ్’ రాజ్కుమార్ రావ్, హ్యుమాఖురేషి, రాధికా ఆప్టే కీలక పాత్రల్లో నటించిన ఈ సినిమా నెట్ఫ్లిక్స్లో తెలుగులోనూ అందుబాటులో ఉంది. మరి ఈ చిత్రం ఎలా ఉంది? (Monica O My Darling Movie review) క్రైమ్ కామెడీ కథగా తెరకెక్కిన ఈ చిత్రం అలరించిందా?
కథేంటంటే: జయంత్ అర్ఖేద్కర్ (రాజ్కుమార్ రావ్) అలియాస్ జై మధ్యతరగతి కుటుంబం నుంచి వచ్చి, ఓ ప్రముఖ రోబొటిక్ కంపెనీలో ఉద్యోగం చేస్తుంటాడు. స్వయంకృషితో పైకొచ్చిన అతడి పనిని మెచ్చిన ఆ సంస్థ యజమాని అతడికి కంపెనీలో కీలకపదవి ఇస్తాడు. అంతేకాదు, ఆ కంపెనీ సీఈవో కుమార్తె నిక్కీ (ఆకాంక్ష రంజన్ కపూర్) కూడా జై అంటే ఇష్టపడుతుంది. ఇద్దరూ ప్రేమించుకుంటారు. జై ఒకవైపు నిక్కీని ప్రేమిస్తూనే మరోవైపు అదే కంపెనీలో పనిచేస్తున్న మోనికాతో సంబంధం పెట్టుకుంటాడు. జై ఆ కంపెనీలో బోర్డు మెంబర్ అయిన తర్వాత మోనికా అతడిని బ్లాక్ మెయిల్ చేయడం మొదలు పెడుతుంది. జైతో పాటు అదే కంపెనీలో ఉన్న ఇంకొందరు ప్రముఖులు కూడా ఆమె వలలో పడి, బాధితులవుతారు. జైతో కలిసి మోనికాను చంపాలని ప్లాన్ వేస్తారు? (Monica O My Darling Movie review) మరి వాళ్లు మోనికాను చంపారా? ఈ క్రమంలో వాళ్లకు ఎదురైన సవాళ్లు ఏంటి? వాటి నుంచి జై ఎలా బయటపడ్డాడు? తెలియాలంటే సినిమా చూడాల్సిందే!
ఎలా ఉందంటే: ఇదొక నియో-నాయిర్ క్రైమ్ కామెడీ థ్రిల్లర్. అంటే, కథా గమనం సమకాలీన పరిస్థితుల్లో జరుగుతూనే అందులోని పాత్రలు, వాటి చిత్రణ డార్క్ థీమ్లో సాగుతుంది. ఈ క్రైమ్ థ్రిల్లర్ను సరికొత్త చూపించడంలో దర్శకుడు వాసన్ బాగానే ప్రయత్నించారు. పాత్రల పరిచయం, అసలు కథలోకి తీసుకెళ్లడానికి దర్శకుడు కాస్త సమయం తీసుకున్నాడు. మోనికాను హత్య చేశామని తిరిగొచ్చేసిన జైకు ఊహించని పరిణామం ఎదురవడంతో అసలు కథ కీలక మలుపు తీసుకుంటుంది. అక్కడి నుంచి ప్రతి సన్నివేశం నవ్వులు పూయిస్తూనే ఉత్కంఠగా సాగుతుంది. మోనికాను హత్య చేద్దామనుకుంటే, పరిస్థితులన్నీ తనకు ఎలా వ్యతిరేకంగా మారాయో అతడు తెలుసుకునే ప్రయత్నం చేయడం ఆద్యంతం ఆసక్తిగా సాగుతుంది. కంపెనీ సీఈవో కొడుకు, అదే కంపెనీలో పనిచేస్తున్న అకౌంటెంట్లు హత్యలకు గురవడం, జైపై కూడా హత్యాయత్నం జరగడంతో తర్వాత ఏం జరుగుతుందన్న ఉత్కంఠ ప్రేక్షకుడిని వెంటాడుతుంది. (Monica O My Darling Movie review) మరోవైపు పోలీస్ ఆఫీసర్ విజయశాంతి నాయుడు (రాధికా ఆప్టే) ఇన్వెస్టిగేషన్ కూడా ఆసక్తిని రేకెత్తిస్తుంది. మొదటి నుంచి అలరించేలా సాగిన సినిమా.. పతాక సన్నివేశాలకు వచ్చేసరికి చకాచకా చుట్టేసినట్లు అనిపిస్తుంది. అది మినహా సరికొత్త క్రైమ్ థ్రిల్లర్ చూడాలనుకునేవారికి మాత్రం ‘మోనికా ఓ మై డార్లింగ్’ మెప్పిస్తుంది.
ఎవరెలా చేశారంటే: జయంత్ పాత్రలో రాజ్కుమార్ రావ్ తన నటనతో ఆకట్టుకున్నాడు. చాలా సహజంగా నటించాడు. అందరినీ బ్లాక్మెయిల్ చేసే పాత్రలో హ్యుమాఖురేషి చక్కగా నటించింది. అలాగే రాధికా ఆప్టే, భగవతి పెరుమాళ్ తదితరులు తమ పాత్రలకు న్యాయం చేశారు. సుకాంత్ గోయెల్ కీలక పాత్రలో కనిపించి సర్ప్రైజ్ చేశాడు. సాంకేతికంగా సినిమా బాగుంది. నేపథ్య సంగీతం డిఫరెంట్గా ఉంది. ఓల్డ్ మెలోడీ థీమ్లో సాగే మ్యూజిక్ ఆయా సన్నివేశాలకు కొత్తదనం తెచ్చింది. స్వప్నిల్, సుఖేశ్ సినిమాటోగ్రఫీ సరికొత్తగా ఉంది. థీమ్, లైటింగ్ ఎఫెక్ట్ సినిమాను డిఫరెంట్గా చూపించాయి. అతాను ముఖర్జీ ఎడిటింగ్ ఓకే. నిర్మాణ విలువలు బాగున్నాయి. వాసన్ బాల డైరెక్షన్ పర్వాలేదు. పతాక సన్నివేశాలను ఇంకాస్త ఆసక్తిగా తీర్చిదిద్ది ఉంటే బాగుండేది. (Monica O My Darling Movie review) అయితే, కథ, అందులోని పాత్రలకు తగినట్లు ఆయా సన్నివేశాల్లో వాడిన రిఫరెన్స్లు చాలా బాగున్నాయి. ప్రతి డీటెయిల్ను వాసన్ చక్కగా చూపించే ప్రయత్నం చేశారు. మోనికాను చంపేందుకు ప్లాన్ చేసే సమయంలో వాడిన పెయింటింగ్స్, హత్య చేయాలని ప్లాన్ చేస్తున్నప్పుడు కరెంట్ పోవడం ఇలా సినిమా మొత్తంలో వాడిన రిఫరెన్స్లు సినిమాకు కొత్తదనం తెచ్చాయి.
బలాలు
+ రాజ్కుమార్ రావ్, హ్యుమాఖురేషి
+ కథాగమనం
+ సాంకేతిక బృందం పనితీరు
బలహీనతలు
- నెమ్మదిగా సాగే ఆరంభ సన్నివేశాలు
- క్లైమాక్స్
చివరిగా: క్రైమ్ థ్రిల్లర్ సరికొత్తగా చూడాలా? మోనికా ఓ మై డార్లింగ్..!
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ‘రాయన్’.. ధనుష్ 50వ చిత్రం ప్రేక్షకులను మెప్పించిందా?
ధనుష్ స్వీయ దర్శకత్వంలో రూపొందిన యాక్షన్ థ్రిల్లర్ ‘రాయన్’ ఎలా ఉంది? తెలుగు ప్రేక్షకులను అలరించిందా? -
రివ్యూ: పురుషోత్తముడు.. రాజ్తరుణ్ ఖాతాలో హిట్ పడిందా?
రాజ్తరుణ్ కథానాయకుడిగా రామ్ భీమన దర్శకత్వంలో రూపొందిన ‘పురుషోత్తముడు’ మూవీ ప్రేక్షకులను అలరించిందా? -
రివ్యూ: బహిష్కరణ.. అంజలి వేశ్యగా నటించిన వెబ్సిరీస్ ఎలా ఉందంటే?
హీరోయిన్ అంజలి, శ్రీతేజ ప్రధాన పాత్రల్లో రూపొందిన వెబ్సిరీస్ ‘బహిష్కరణ’. ‘జీ 5’లో స్ట్రీమింగ్ అవుతున్న ఈ సిరీస్ రివ్యూ మీకోసం.. -
రివ్యూ: బ్యాడ్ న్యూజ్.. విక్కీ కౌశల్, త్రిప్తి దిమ్రీ మూవీ అలరించిందా?
Bad Newz movie review: విక్కీ కౌశల్, త్రిప్తి దిమ్రీ కీలక పాత్రల్లో నటించిన రొమాంటిక్ ఎంటర్టైన్ ఎలా ఉంది? -
రివ్యూ: డార్లింగ్.. ప్రియదర్శి, నభానటేష్ల కామెడీ ఎంటర్టైనర్ మెప్పించిందా?
ప్రియదర్శి, నభానటేష్ జంటగా నటించిన రొమాంటిక్, కామెడీ ఎంటర్టైనర్ ఎలా ఉందంటే? -
రివ్యూ: భారతీయుడు2.. కమల్, శంకర్ కాంబో మరోసారి హిట్ అయిందా?
indian 2 review: కమల్హాసన్, సిద్ధార్థ్, రకుల్ కీలక పాత్రల్లో శంకర్ దర్శకత్వంలో రూపొందిన ‘భారతీయుడు2’ తెలుగు ప్రేక్షకులను మెప్పించిందా? -
రివ్యూ: ధూమం.. ఫహద్ ఫాజిల్ నటించిన థ్రిల్లర్ ఎలా ఉంది?
ఫహద్ ఫాజిల్, అపర్ణా బాలమురళి కీలక పాత్రల్లో నటించిన ‘ధూమం’ ఎలా ఉంది? తెలుగు ప్రేక్షకులకు నచ్చుతుందా? -
రివ్యూ: శశి మథనం.. ప్రేమికుడు ఎరక్కపోయి ఇరుక్కుంటే?
సోనియా సింగ్, పవన్ సిద్ధు నటించిన వెబ్సిరీస్ ఎలా ఉందంటే! -
రివ్యూ: వెబ్సిరీస్: మీర్జాపూర్ సీజన్-3.. క్రైమ్, యాక్షన్ సిరీస్-3 మెప్పించిందా?
Mirzapur Season 3 Review: యువతను విశేషంగా ఆకట్టుకున్న సిరీస్ల్లో మీర్జాపూర్ ఒకటి. ఇప్పుడు మూడో సీజన్ స్ట్రీమింగ్ అవుతోంది. -
రివ్యూ: ‘గురువాయూర్ అంబలనాదయిల్’.. మలయాళ బ్లాక్ బస్టర్ ఎలా ఉంది?
Guruvayoor Ambalanadayil Review: పృథ్వీరాజ్ సుకుమార్, బసిల్ జోసెఫ్ కీలక పాత్రల్లో విపిన్ దాస్ దర్శకత్వం వహించిన ‘గురువాయూర్ అంబలనాదయిల్’ ఎలా ఉందంటే? -
రివ్యూ: ‘కల్కి 2898 ఏడీ’.. ప్రభాస్ సైన్స్ ఫిక్షన్ మూవీ ఎలా ఉంది?
kalki 2898 ad review in telugu: ప్రభాస్ కథానాయకుడిగా నాగ్ అశ్విన్ దర్శకత్వంలో వచ్చిన ఎపిక్ సైన్స్ ఫిక్షన్ యాక్షన్ మూవీ ప్రేక్షకులను మెప్పించిందా? -
రివ్యూ: యక్షిణి.. సోషియో ఫాంటసీ వెబ్సిరీస్ ఎలా ఉంది?
Yakshini review in telugu: వేదిక, రాహుల్ విజయ్, మంచు లక్ష్మీ, అజయ్ కీలక పాత్రల్లో నటించిన ‘యక్షిణి’ వెబ్సిరీస్ ఎలా ఉందంటే? -
రివ్యూ: పరువు.. నివేదా పేతురాజ్ నటించిన వెబ్సిరీస్ ఎలా ఉందంటే?
హీరోయిన్ నివేదా పేతురాజ్ (Nivetha Pethuraj), నటుడు నరేశ్ అగస్త్య (Naresh Agastya), నాగబాబు (Nagababu) ప్రధాన పాత్రల్లో రూపొందిన వెబ్సిరీస్ ‘పరువు’ (paruvu). ‘జీ 5’లో విడుదలైన ఈ సిరీస్ రివ్యూ మీకోసం.. -
రివ్యూ: హరోం హర.. సుధీర్బాబు ఖాతాలో హిట్ పడిందా?
సుధీర్బాబు, మాళవిక శర్మ, సునీల్ కీలక పాత్రల్లో నటించిన ‘హరోం హర’ మూవీ ప్రేక్షకులను మెప్పించిందా? -
రివ్యూ: మహారాజ.. విజయ్ సేతుపతి 50వ మూవీ మెప్పించిందా?
Maharaja Review: వైవిధ్యమైన పాత్రలతో అలరిస్తున్న విజయ్సేతుపతి కెరీర్లో 50వ చిత్రం ‘మహారాజ’. తాజాగా ప్రేక్షకుల ముందుకు వచ్చిన ఈ సినిమా ఎలా ఉంది? ఏ మేరకు మెప్పించింది? -
రివ్యూ: మిరల్.. ‘ప్రేమిస్తే’ భరత్ నటించిన చిత్రం భయపెట్టిందా?
ప్రేమిస్తే సినిమా హీరో భరత్ నటించిన హారర్ థ్రిల్లర్ మూవీ ‘మిరల్’. ఓటీటీ ‘ఆహా’లో స్ట్రీమింగ్ అవుతోంది. రివ్యూ మీకోసం.. -
రివ్యూ: కల్కి.. టొవినో థామస్ యాక్షన్ ఫిల్మ్ ఎలా ఉంది?
మలయాళంలో మంచి టాక్ సొంతం చేసుకున్న టొవినో థామస్ యాక్షన్ ఫిల్మ్ ‘కల్కి’ మెప్పించిందా? -
రివ్యూ: మనమే.. శర్వానంద్, కృతిశెట్టిల మూవీ ఎలా ఉంది?
Manamey Movie Review: శర్వానంద్, కృతిశెట్టి జంటగా, శ్రీరామ్ ఆదిత్య దర్శకత్వంలో ఫ్యామిలీ రొమాంటిక్ డ్రామా మెప్పించిందా? -
రివ్యూ: సత్యభామ.. కాజల్ క్రైమ్ థ్రిల్లర్ మూవీ టాక్ ఏంటి?
కాజల్ ప్రధాన పాత్రలో సుమన్ చిక్కాల దర్శకత్వంలో వచ్చిన క్రైమ్, యాక్షన్ థ్రిల్లర్ మూవీ మెప్పించిందా? -
రివ్యూ: మిస్టర్ అండ్ మిసెస్ మహి: జాన్వీకపూర్ స్పోర్ట్స్ డ్రామా మెప్పించిందా?
Mr And Mrs Mahi Review: రాజ్కుమార్ రావ్, జాన్వీ కపూర్ జంటగా శరణ్ శర్మ తెరకెక్కించిన స్పోర్ట్స్ డ్రామా ఎలా ఉంది? -
రివ్యూ: కీచురాళ్ళు.. మలయాళ థ్రిల్లర్ తెలుగు ప్రేక్షకులను మెప్పించిందా?
మలయాళంలో విజయవంతమైన ‘కీడమ్’ సినిమా ఓటీటీ ‘ఈటీవీ విన్’లో ‘కీచురాళ్ళుగా’ స్ట్రీమింగ్ అవుతోంది. ఎలా ఉందంటే?
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
విడుదలై బయటకు..తిరిగి జైలుకు
-
టీమ్ఇండియాది అదే జోరు.. ఆసియాకప్లో బంగ్లాను చిత్తు చేసి ఫైనల్కు
-
కమీషన్ల కోసమే ప్రాణహిత-చేవెళ్ల ప్రాజెక్టు నిలిపేశారు: ఉత్తమ్
-
ఫ్రెండ్తో వివాహం.. కీర్తి సురేశ్ ఏమన్నారంటే..?
-
గోదావరి వరద బాధితుల్ని ఆదుకుంటాం: అసెంబ్లీలో చంద్రబాబు ప్రకటన
-
భారీ లాభాల్లో సూచీలు.. మదుపర్ల సంపద ₹7 లక్షల కోట్లు జంప్