‘101 జిలాల్ల అందగాడు’ ప్రోమో సాంగ్‌ విడుదల

ఇంటర్నెట్ డెస్క్: అవసరాల శ్రీనివాస్‌ కథానాయకుడిగా నటిస్తున్న చిత్రం ‘101 జిల్లాల అందగాడు’. రాచకొండ విద్యాసాగర్ దర్శకత్వంలో తెరకెక్కుతున్న చిత్రంలో రుహానీ శర్మ కథానాయిక. దిల్‌రాజు - క్రిష్‌ సమర్పణలో శ్రీ వెంకటేశ్వర క్రియేషన్స్, ఫస్ట్ ఫ్రేమ్‌ ఎంటర్‌టైన్‌మెంట్‌ సంస్థలు కలిసి నిర్మిస్తున్నాయి. వినోదాత్మకంగా రూపొందుతున్న చిత్రానికి సంబంధించి తాజాగా ‘‘నూటొక్క జిల్లాల అందగాడు’’ సాంగ్‌ ప్రొమోను చిత్రబృందం విడుదల చేసింది. ఈ పాటకి భాస్కరభట్ల సాహిత్యం అందించగా సింహా ఆలపించారు. శక్తికాంత్‌ కార్తీక్‌ సంగీత స్వరాలు సమకూర్చారు. మే 7న చిత్రం ప్రేక్షకుల ముందుకు రానుంది.